إعـــــــلان

Collapse

.

,
See more
See less

تجربة قيادة سريعة لبورش كاريرا فور إس Carrera 4S

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    تجربة قيادة سريعة لبورش كاريرا فور إس Carrera 4S

    السلام عليكم يا شباب .. جايبلكم النهاردة على السريع كد تقرير و تجربة قيادة فريدة من نوعها و هى للنجمة الألمانية بورشا متمثلة فى إحدى أقوى موديلات العظيمة 911 و هى كاريرا فور إس

    Carrera 4S

    و قد قادتنى الظروف السعيدة ان تكون السيارة تحت تصرفى لمدة نصف يوم و قلت لازم اعمل حسابكم معايا فى التجربة الفريدة من نوعها
    و أبدأ بالمواصفات الفنية للسيارة

    بورش كاريرا فور إس موديل 2009
    موتور خلفى 6 سلندرات متتالية
    سعة المحرك 3800 سى سى
    القوة الحصانية 385 حصان ألمانى
    دفع رباعى مستمر
    مع جير بوكس ثنائى القابض PDK و مزود بإمكانية تيبترونك
    سرعة قصوى محددة إلكترونيا 300 كيلومتر فى الساعة
    سبويلر متكيف مع السرعة
    كراسى رياضية حاضنة للسائق و الراكب الامامى بدرجات مختلفة كهربائيا
    إكزوست سيستم رياضى
    جنوط 19 بوصة تيربو

    طبعا بدأت التجربة فى الصباح الباكر و طبعا كنت خايف من العربية لأنى لسة مش عارف أداءها عامل ازاى و مش متعود عليها
    الانطباع الاولى عن الشكل الخارجى .. تصميم رياضى بحت معمول علشان يخدم الايرو دياناميكس بشياكة متوحشة و أرداف عريضة توحى بالثقة و الثبات الخزعبلى
    الانطباع الاول عن الشكل الداخلى .. طبعا منتهى الشياكة و الاناقة و جودة الخامات و الجلد الاحمر المثير بتطعيمات السموك سلفر و اللون الاسود و الابيض الداخلى .. منتهى الفخامة

    و اتوكلت على الله و ركبت العربية و ظبطت الكراسى و المرايات و الذى منه .. و شغلت و إذا بصوت الوحش يزأر بقوة و مما زاد الاثارة و قوة الصوت نظام سحب العادم الرياضى المزودة به السيارة و اللى بيحسسك انك فعلا راكب صاروخ لما تضغط على دواسة البنزين و انت على وضع المور

    اتوكلت على الله و طلعت بالعربية و حسيت انها متضايقة منى جدا لأنى ماشى على سرعة قليلة و مش مرتاحة و صوت الموتور عمال يعلى و يوطى طلعت على الشارع الرئيسى و

    قلت مابدهاش بقى يلة .... و دوست بنزين على الاخر حسيت انى لزقت فى الكرسى و العربية ركبها عشرميت عفريت و الار بى ام جاب اخره و فى غضون ثوانى تعد على اصابع

    اليد الواحدة لقيت عداد السرعة 120 .... يا نهار ابيض ايه ده طبعا ماصدقتش القوة دى لأنى فعلا اول مرة احس بيها فا هديت شوية وقلت اشوف نظام الغرز معاها ايه :)
    و كانت اول غرزة وب صراحة كرهتنى فى الغرز ليه بقى ... لأنى ماحسيتش انى اتحركت من مكانى اصلا لا العربية مالت ولا اتحدفت ولا اى حاجة كل اللى حصل انى كنت فى الحارة اليمين بقيت فى الحارة اللى فى النص من غير اى تعب ولا مجهود و بعدين ظهرت عربية شرطة للأسف و لقيته بيوقف عربية موستنج .. قلت اهدى يا واد كدة و ابعد عن الشر و غنيله .... و قد كان ... و فضلت ماشى هادى شوية و كمان الزحمة زادت ... فا بقيت اشوف بقى الغرز الخفيفة و انعامل معاها و كالعادة نفس القوة و الرشاقة

    و للأسف مافيش حد سخن معايا ولا شد خااالص .. و كل ما ادوس الاقى الناس بتوسع لى ... ايه يا جماعة دا هو نص يوم .. حد يسخن معايا ... مفيييش

    المهم بصراحة ماحاولتش اجيب بيها سرعات عالية لأنى بردة خايف منها بصراحة و مش متعود اللهم الا مرة شديت شدة كدة كان الطريق فاضى و جابت برده 140 فى حوالى 6 ثوانى مع صوت صاروخى فظيع و مرعب


    و ان شاء الله احتمال اخدها تانى قريبا و فى المرة اللى جاية بإذن الله يكون معايا اخويا و صاحبى العزيز شريف منسى لأنى افتقدته جدا فى تجربة النهاردة اللى كان يهمنى جدا اعرف انطباعاته عنها و يقارنها بعربيته البورش كايين إس أخت الكاريرا الكبيرة

    المزايا و العيوب من وجهة نظرى المتواضعة ..

    المزايا ...

    تسارع اقل ما يصفه انه (جحيييييييم)
    شياكة و فخامة غير طبيعية و خامات و تقفيل فوق الدرجة الاولى بشوية و طبعا برستيييج عاااااااالى
    ثبات وهمى بالرغم من انى مازودتش عن 140 و ثبات العربيات دى يقاس بعد 250 ولا حاجة
    ساوند سيستم (بوز) و يكفى الاسم
    صوت صاروخى مجلجل :)
    طبعا اوبشنز بقى للصبح فتحة سقف - كراسى تدفئة وتبريد - ليدات - تحكم دركسيون - سنسر - ميموري - بلوتوث - نافيجيشن -زنون - سي دي - دي في دي و حاجات تانية مالحقتش اشوفها ....

    العيوب...

    القعدة فى العربية غير مريحة و خصوصا من عند الرجلين (رجليا مزنوقة شوية ) و انا متعود على الرحرحة
    فعلا العربية تخوف و ليس من السهل التعود عليها و تحتاج لسائق محترف
    طبعا ناشفة و حاسس بالطريق و ده طبعا راجع للجنوط ال 19 و الكاوتش الرفيع جدا و يا سلام بقى لو شغلت التعليق الرياضى عييش يا برنس


    و سامحونى على سرعة و كروتة التقرير و ان شاء الله اللى جى يكون مفصل أكتر

    و اسيبكم مع الصور ...


























    [CENTER][SIGPIC][/SIGPIC][CENTER]KIMOs[/CENTER]
    [/CENTER]
    الكلمات الدلالية (Tags): carrera, تجربة, سريعة, فور, قيادة, كاريرا, متورز
  • #2
    شكرا يا باشا على التقرير .. معتقدش انى هسوق العربية دى فى يوم من الأيام عشان أشوف الحاجات اللى حضرتك بتقولها دى .. و بعدين أنا سايب شوية حاجات كده أجربها فى الجنة ان شاء الله .. مش لازم أشوف كل حاجة فى الدنيا :-)

    المشاركة الأصلية كتبت بواسطة m_kamal مشاهدة المشاركة
    القوة الحصانية 385 حصان ألمانى

    على فكرة أفضل حاجة الحصان العربى الأصيل.
    [CENTER][B]القران الكريم بجودة صوت عاليه جدا[/B]
    http://www.nilemotors.net/Nile/230790-a.html[/CENTER]

    Comment

    • #3
      السلام عليكم و رحمة الله و بركاته




      ما شاء الله, عربية رائعة فعلا, هى دى العربيات و لا بلاش, مش الروبابيكيا اللى احنا راكبينها !!!!!!!!!!
      [CENTER][FONT=Comic Sans MS][SIZE=7][COLOR=cyan][B][I]Maserati Quattroporte[/I][/B][/COLOR][/SIZE][/FONT][/CENTER]
      [CENTER][B][FONT=Arial Black][SIZE=3][COLOR=#8b0000]بسم الله الرحمن الرحيم[/COLOR][/SIZE][/FONT][/B][/CENTER]
      [CENTER][B][COLOR=navy]لقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)[/COLOR][/B][/CENTER]
      [CENTER][B][FONT=Arial Black][SIZE=3][COLOR=darkred]صدق الله العظيم[/COLOR][/SIZE][/FONT][/B][/CENTER]

      Comment

      • #4
        بسم الله ما شاء الله
        بورش من افضل السيارات عالميا
        بجيب بيها 300 مستريح في نيد فور سبيد
        ههههههههههههههههه
        طبعا امنيتي اني اجربها واعتقد لو ركبتها مش هتنازل غير اني اقفل عدادها تحت اي ظرف من الظروف
        ان كنت بالفيرنا بجيب 180 و 200 يبقا بالكاريرا مش هقفل ال 300 :d
        ربنا يوعدنا يا رب ويحفظها لصاحبها يا رب
        Ashraf_Ibrahim

        Comment

        • #5
          انا اشتريت بورش قبل كده سنة 2005 وكانت موديل 98 وبعتها للاسف بعد 3 شهور لان الصيانة كانت غالية شوية وكان سبب شرائى انى احقق حلم من احلامى انى امتلك بورش

          السيارة رياضية طبعا من الطراز الاول بس مشكلتها فى القاعدة والراحة يعنى تتعبك وتصدعك بسبب صوت الموتور لو هاتستخدمها استخدام يومى

          المهم لو عايز تعرف قوة البورش حاول تجرب 911 توين تربو دى بقى حاجة تانية الكاريرا جنبها تعتبر بطيئة انا جربتها مرة ولن انسى يعنى ايه بدوسة بنزين من 0 الى 280 بدون توقف ولا نتشة فتيس وتسارع ثابت حاجة خياااااااااااااال

          ربنا يوعدنا ويوعدكم بيها

          Comment

          • #6
            ليه بس حرقة الدم دى ع الصبح

            والواحد مبسوط م الفيرنا ههههههههههه

            الحمد لله حلوة حلوة الفيرنا
            [CENTER]سبحان الله وبحمده سبحان الله العظيم
            لا تظلمن إذا ما كنت مقتدرا --------- فالظلم يرجع عقباه الى الندم
            تنام عينك والمظلوم منتبه --------- يدعو عليك وعين الله لم تنم
            [/CENTER]

            Comment

            • #7
              المشاركة الأصلية كتبت بواسطة kareemz مشاهدة المشاركة
              شكرا يا باشا على التقرير .. معتقدش انى هسوق العربية دى فى يوم من الأيام عشان أشوف الحاجات اللى حضرتك بتقولها دى .. و بعدين أنا سايب شوية حاجات كده أجربها فى الجنة ان شاء الله .. مش لازم أشوف كل حاجة فى الدنيا :-)



              على فكرة أفضل حاجة الحصان العربى الأصيل.
              ربنا يكرمك يا باشا و يرزقك باللى احسن منها فى الدنيا و اللى احسن و احسن فى الجنة يا رب

              انا كمان يا باشا مكنتش اتخيل خالص انى اسوق الحاجات دى بس نصيبنا بقى :)

              و بالنسبة للحصان العربى الاصيل يا باشا مشكلته انه ماينفعش يركب جوة المواتير ... هههههههه

              صباحك زى الفل
              [CENTER][SIGPIC][/SIGPIC][CENTER]KIMOs[/CENTER]
              [/CENTER]

              Comment

              • #8
                المشاركة الأصلية كتبت بواسطة maserati مشاهدة المشاركة
                السلام عليكم و رحمة الله و بركاته




                ما شاء الله, عربية رائعة فعلا, هى دى العربيات و لا بلاش, مش الروبابيكيا اللى احنا راكبينها !!!!!!!!!!
                و عليكم السلام و رحمة الله و بركاته ...

                عربيات أوهام يا باشا فعلا .. دنيا تانية خاااالص عربيات للأداء الرياضى البحت فقط
                [CENTER][SIGPIC][/SIGPIC][CENTER]KIMOs[/CENTER]
                [/CENTER]

                Comment

                • #9
                  المشاركة الأصلية كتبت بواسطة ashraf_ibrahim مشاهدة المشاركة
                  بسم الله ما شاء الله
                  بورش من افضل السيارات عالميا
                  بجيب بيها 300 مستريح في نيد فور سبيد
                  ههههههههههههههههه
                  طبعا امنيتي اني اجربها واعتقد لو ركبتها مش هتنازل غير اني اقفل عدادها تحت اي ظرف من الظروف
                  ان كنت بالفيرنا بجيب 180 و 200 يبقا بالكاريرا مش هقفل ال 300 :d
                  ربنا يوعدنا يا رب ويحفظها لصاحبها يا رب

                  يا باشا و هى بتجيب 300 مستريح فى الشوارع العادية كمان و صاحبها بيحكيلى لما كان بيجرب اول مرة يوصل 300 كان قلبه هيقف اثناء التسارع من صفر إلى 300 ... من قوة السحبة و الصوت الخزعبلى :)

                  و انا لو هو كان راكب معايا كنت لن اتوانى انى اجيب اخر الاداء
                  بس المشكلة انها كانت امانة فا كنت بحافظ عليها على قد ما اقدر ...

                  و ربنا يوعدك و يوعدنا يا باشا باللى احسن منها
                  [CENTER][SIGPIC][/SIGPIC][CENTER]KIMOs[/CENTER]
                  [/CENTER]

                  Comment

                  • #10
                    المشاركة الأصلية كتبت بواسطة raouf مشاهدة المشاركة
                    انا اشتريت بورش قبل كده سنة 2005 وكانت موديل 98 وبعتها للاسف بعد 3 شهور لان الصيانة كانت غالية شوية وكان سبب شرائى انى احقق حلم من احلامى انى امتلك بورش

                    السيارة رياضية طبعا من الطراز الاول بس مشكلتها فى القاعدة والراحة يعنى تتعبك وتصدعك بسبب صوت الموتور لو هاتستخدمها استخدام يومى

                    المهم لو عايز تعرف قوة البورش حاول تجرب 911 توين تربو دى بقى حاجة تانية الكاريرا جنبها تعتبر بطيئة انا جربتها مرة ولن انسى يعنى ايه بدوسة بنزين من 0 الى 280 بدون توقف ولا نتشة فتيس وتسارع ثابت حاجة خياااااااااااااال

                    ربنا يوعدنا ويوعدكم بيها
                    يا باشا هى دى مشكلة البورش الاساسية ... مصاريف التشغيل و الصيانة اللى للأسف مش اى د بيقدر عليها

                    و فعلا هى قعدتها مش مريحة قوى و خصوصا على المدى الطويل و دى طبيعة العربيات الرياضية
                    و صوت الموتور فعلا صعب قوى عشان صوت نظام العادم الرياضى اما من غيره فا ممكن يبقى صوت الموتور محتمل

                    و بالنسبة للتيربو يا باشا اول سؤال سألته لنفسى بعد ما سقتها ... لما كاريرا فور إس عاملة كدة و هى 385 حصان .. اما لتيربو ام 500 حصان تبقى عاملة ازاى ... و لا التيربو اس ام 550 حصان تبقى عاملة ازاى ولا الجى تى تو أر إس أم 620حصان تبقى عاملة ازاى .... يا لهووووووىىىىىىىىىىىى جحييييييييم

                    و صدقنى يا باشا لو جربت الكاريرا فور اس 2009 مع الجير الدبل كلتش البى دى كيه هتعجبك جدااااااا لأنه فارق جدا فى التسارع

                    و ربنا يوعدنا جميعا يا رب باللى احسن منها
                    [CENTER][SIGPIC][/SIGPIC][CENTER]KIMOs[/CENTER]
                    [/CENTER]

                    Comment

                    • #11
                      المشاركة الأصلية كتبت بواسطة eslam_nagy مشاهدة المشاركة
                      ليه بس حرقة الدم دى ع الصبح

                      والواحد مبسوط م الفيرنا ههههههههههه

                      الحمد لله حلوة حلوة الفيرنا

                      يا باشا ربنا يبارك لك فيها و يديك خيرها و يكفيك شرها ...

                      لا بورش ولا فيرنا ... اهم حاجة الصحة ... ربنا يديمها عليك و علينا يا رب

                      و اهى تجارب و صدقنى بعد ما سقت العربية اللى كنت هموت و اسوقها حسيت فعلا انها ماتنفعنيش ... اداء رياضى بحتتتتتتتت

                      انا عاوز عربية تنفع تمشى فى الشوارع العادية يا عم :)
                      [CENTER][SIGPIC][/SIGPIC][CENTER]KIMOs[/CENTER]
                      [/CENTER]

                      Comment

                      • #12
                        ما شاء الله انا لسه صاحى من النوم
                        وسامع بورش وبوليس بيوقف موستنج فكرته حلم والله :))))

                        ربنا يباركلك ويكفيك شر طريقك
                        [CENTER][B]لا اله الا انت سبحانك انى كنت من الظالمين
                        [/B]
                        [B]سبحان الله وبحمده سبحان الله العظيم[/B]
                        [/CENTER]

                        Comment

                        • #13
                          المشاركة الأصلية كتبت بواسطة dr_no مشاهدة المشاركة
                          ما شاء الله انا لسه صاحى من النوم
                          وسامع بورش وبوليس بيوقف موستنج فكرته حلم والله :))))

                          ربنا يباركلك ويكفيك شر طريقك
                          صباح الخير الاول يا باشا :)

                          هو الحلم ده كان امبارح و انا اللى لسة فايق منه النهاردة :)

                          و ربنا يكرمك يا باشا و يوعدك يا رب باللى احسن منها
                          [CENTER][SIGPIC][/SIGPIC][CENTER]KIMOs[/CENTER]
                          [/CENTER]

                          Comment

                          • #14
                            طيب انا راضى ذمتك ايه بقى العربيه اللى تاخد بيها غرزة تطلع من حارة تدخل فى حارة تانيه بسهوله كدا فين الاثارة والمتعة لما تاخد الغرزة كدا العربيه تتحدف منك يمين وتلمها تتحدف شمال مع عومة بسيطة فى وش العربيه وماسكة فرامل متمسكش اصلا هوا دا الكلام ههههههههههههه تجربه جميلة جدا وعربيه رياضية حكاية بس المرة اللى جايه هنستنى فيديو
                            "ولا تحسبن الله غافلا عما يعمل الظالمون "

                            Comment

                            • #15
                              المشاركة الأصلية كتبت بواسطة hosammoner مشاهدة المشاركة
                              طيب انا راضى ذمتك ايه بقى العربيه اللى تاخد بيها غرزة تطلع من حارة تدخل فى حارة تانيه بسهوله كدا فين الاثارة والمتعة لما تاخد الغرزة كدا العربيه تتحدف منك يمين وتلمها تتحدف شمال مع عومة بسيطة فى وش العربيه وماسكة فرامل متمسكش اصلا هوا دا الكلام ههههههههههههه تجربه جميلة جدا وعربيه رياضية حكاية بس المرة اللى جايه هنستنى فيديو
                              ههههه ما هو ده اللى انا كاتبه يا باشا :) كرهتنى فى الغرز مافيهاش اثارة كدة ولا متعة ولا تلبس فى الرصيف ولا اى حاجة ....هههههههههههه ..

                              بس هو اكيد ده حصل لأن الغرزة كانت على 120 بس .. لو الغرزة دى كانت على سرعة معقولة 270 ولا حاجة .. متهيألى كان هيبقى فيها إثارة أكتر :)

                              و بإذن الله المرة الجاية يا باشا هحاول اصورها فيديو ... تحت امرك يا جميل
                              [CENTER][SIGPIC][/SIGPIC][CENTER]KIMOs[/CENTER]
                              [/CENTER]

                              Comment

                              السابق 1 2 template التالي
                              Working...
                              X