امتى الاوروبي ياخد مكان الكوري في السوق؟

[Ahmed_Adham]

تفتكرو ممكن ييجي يوم والاوروبي يحل محل الكوري في نسبه المبيعات باعتبار :-

1- ان حسب كلام مصلحه الجمارك ان 50% من العربيات اللي بتدخل مصر كوري (يعني كيا + هيوانداى)؟ مش عارف هما بيصنفو الشيفروليه على انها امريكي حسب المنشأ ولا كوري حسب مكان التصنيع بس ما علينا.

2- ان جمارك عربيات الاتحاد الاوروبي بتنزل كل سنه لما 2019 باين هتبقى الجمارك عليها صفر. وتفتكرو فرق الجمارك ده هيروح للمشتري ولا للتاجر؟

[Eng.Sameh]

ده ممكن يحصل في حالة واحدة ..... لو الاجانب احتلو البلد :)

[Ahmed_Adham]

ده ممكن يحصل في حالة واحدة ..... لو الاجانب احتلو البلد :)

او قنبله نوويه تضرب المصانع الكوريه ونبدأ على نضافه

[Ahmed_Adham]

أهو دلوقتي مع ارتفاع سعر الدولا هيضيع أي نسبه نقص في نسبه الجمارك. واضح انها كانت اتفاقيه ملهاش لازمه!

[abogharib]

2019
يدينا و يديك طولت العمر ان شاء الله

[S O P H O S]

مبقتش تفرق كتير
بس الي يفكر يركب اوروبي
ميركبش كوري بعد الاسعار دي فراي ..

[Ahmed_Adham]

مبقتش تفرق كتير
بس الي يفكر يركب اوروبي
ميركبش كوري بعد الاسعار دي فراي ..

الاول كانت الميزه الكبيره في الكوري السعر وفعلا كانت أسعارهم تنافسيه بس دلوقتي لما قربت من الاوروبي بقى عندها ميزتين تانيين غير السعر.

1- الثقه الكبيره من قاعده العملاء الحاليه. لما تبص حواليك تلاقي كل الناس راكبه عربيه كوري ده بيديك احساس بانك هتبقى مطمن على فلوسك لما تشتري كوري يعني هتلاقي قطع غيار بسهوله والميكانيكيه شغالين في العربيات دي كتير وحافظينها ده غير انك لما تفكر تبيع هتلاقي الف مين يشتري وبسعر حلو فده بيخليك تميل ناحيه الكوري وانت بتشتري.

2- التصميمات الجذابه. جزء كبير جدا من الناس بيشتري شكل العربيه مش جوهرها. يعني ممكن نقول 90% من المشترين بيهتمو بالشكل والكماليات أكتر من مثلا قوه العربيه واعتمادياتها وفي الحته دي الكوريين اتفقو كتير سواء كيا ولا هيونداي لأن تصميماتهم اتطورت كتير وبقت جذابه وبتحسس المشتري انه واخد حاجه عاليه في المستوى.

عن تجربتي الشخصيه في الشراء أنا كنت بدور عن أكبر حجم في حدود سعر معين بغض النظر عن الماركه وده لقيته في الكارينز لأن كان فيه مشوار معين مرتبط بيه اسبوعيا كنت باخد فيه 4 من العيله للبلد ودلوقتي لما خلص المشوار ده عايز أجيب أوروبي (بي ام بالتحديد) بس مستحرم أدفع كتير في بند العربيه في طرق مصر السيئه وأهو الواحد شويه يقول هغير وشويه يقول لاء لحد ما ياخد القرار النهائي.

لكن طبعا في الأخر العربيات الاوروبي وبالتحديد الالماني ركوبه تانيه وتجربه مختلفه تمام. بالرغم من اني مشتريتش أوروبي قبل كده بس جربت أكتر من عربيه أوروبي وأول ما بتطلع بالعربيه بتحس بفرق شاسع حتى لو العربيه مش قويه زي الاوكتافيا مثلا اللي الى حد ما موتورها ضعيف على حجم العربيه بس مازالت تجربه السواقه ممتازه.

ربنا يسهلنا جميعا ونترقى بقى.

[S O P H O S]

ان شاء الله ربنا يديك احلي عربية الماني ..