عربية عمرها 12 سنة ولاكن !!!!!

[ابو ابراهيم]

انا ناوى اشترى عربية عمرها 12 سنة
وهي
e200 2001
,ومرعوب جدا من العربية وعمرها الكبيرة دة
فية نا بتقول بدل ماتدفع 200 الف فى عربية قديمة , روح لـ c180 تكون موديل احدث شوية لغاية 2006

ومش عارف اقرر

هل الـ c , ولا الـ e

ارجو كل الى يدخل يقول راية المتاوصع ولاو حتى مركبهاش بس راية اية .؟

منتظركم بفاااارغ الصبر

امانة : ماحدش يدخل الا لما يقولى راية

[fares_311]

هو اكيد 12 سنه ميفرقوش مع مرسيدس بس انا لو مكانك حشتري الجديد زي ما قالولك

[egyptiandiver]

لو مكانك حشتري الجديد bavo Fares

[egyptiandiver]

Bravo

[abogharib]

انا لو مكانك مرحش ادفع 200 الف جنيه فى عربيه بقالها 12 سنه دول يا راجل يجبولك بيجو508 تيربو 2012 او بى ام دبليو 320 موديل 2009-2010

[Ahmed_Adham]

قارن بينهم في القوه والاوبشن وحط عامل عمر العربيه القديمه والكيلومتر وقرر. أو لو حد عنده المعلومات دي يقولها واحنا نقول رأينا برضه. بس أنا شخصيا هاخد بالرأي بتاع العربيه الحديثه سواء كان ال 180 أو بي ام مثلا أو حتى أي حاجه اوروبي زيرو تانيه زي بيجو ورينو وأوبل عشان حرام تدفع 200 الف وبعدين من تاني هر تدفع مصاريف صيانات.

[tutankhamoun]

200 ألف في عربية قديمة بقالها 12 سنة ؟؟؟؟؟؟؟
ده تعليقي

و الناس بترجع تزعل من أسعار العربيات المستعملة في مصر

علشان أنت أستأمنت اللي يدخل لازم يرد .

[shenoo]

12 years of use in a mercedes benz is nothing, but I will go for the C class of course.

[mohamed_rhem]

هاتلك بي ام دبليو او فولفو او اودي حاجه من 2009

المرسيدس الفئة e ده بتاعة الناس الكبيرة في السن

[bakkarahmed]

عربيه عجوزه في الشكل والسن

[abdulkhaleq]

الجديد جديد وان كنت للأمانه ماعرفش سعر الموديل ده في السوق كام الا اني بيتهيألي كتير !

[dr.hazem]

هو المرسيدس بتبقى فعز شبابها بعد 10 سنين
ههههههههههههههههه
بس لو في بديل واحدث هفضله وانا مع المثل القائل..
قرد بصحته احسن من اسد عجوز...
تحياتي

Sent from my SE Arc S using Forum Runner

[abdulhafeez]

ما تنساس ان العربية القديمة اكيد هتحتاج صيانة اكتر
لا مهما كان كل حاجة ليها عمر افتراضي
وخد بالك ان الخبطة في المرسيدس بتعويرة علطول
وبعدين لو معاك حاجة ياباني تجديدها ممكن
لكن تجديد مرسيدس معناها انك بتشتري عربية جديدة
ده غير ان الجديد بيقى له قطع غيار جديدة فيفضل بحالته
بينما القديم شوية بيركبله قطع غيار استيراد مستعملة
يعني بردو عمر قطعة الغيار اقل كمان يعني حتى بعد تصليحها
بردو مش هترجع لحالتها الاصلية زي الزيرو

[ابو ابراهيم]

أنا مقتنع تماااما بكلامكو يا جماعة
وشكرا جزيييييلا لكم جميعا
بس اجيب اية
العربيات الكويسة فى السوق كلها مشاكل
يعنى مثلا ممكن نجيب الـــ c موديل 2004 او 2004 او 2005 تبقى كويسة ولو حالة ممتازة تعمل الفلوس دى بردو
يعنى فى حدود الـ 180 الف جنية تزيد او تقل حسب الموديل والحالة
انا اصلا بصراحة يموت فى شكل نجمة المرسيدس - يعنى بعشقها كشكل وكمان بتدى برستيج عالى جدااااا غير اى عربية

انتو رايكم اية ؟

[MASERATI]

السلام عليكم و رحمة الله و بركاته

طبعا المرسيدس عربية غير أى عربية و أنا من رأيى, اشترى الMERCEDES E200 Kompressor مو 2001-2002 لأنها بتكون 2000 CC حوالى 175 حصان, اللى هى ال W210, لكن الW211 اللى هى الشكل بعد اللى أنت بتتكلم عليه, بيبقى الMERCEDES E200 Kompressor فيها 1800 CC و كمان بتبقى أغلى فى الفلوس لأنها الشكل الأجدد.

أنا عن نفسى مابحبش الC class على الاطلاق مهما عملوا فيها, بحس أنها بتاع اللى عاوز يركب مرسيدس, بس ممعهوش فلوس, طبعا مع جليل احترامى لأى حد معاه الC class.

لو مش عاوز حاجة قديمة 10 سنين زى مابتقول, دور على BMW 5 series تكون نضيفة و أكيد هتلاقى موديل أعلى و أحدث, أنا ماعرفش ال180ألف جنيه ممكن يجيبوا ايه فى الBMW 5 series.

بالتوفيق ان شاء الله و ربنا ييسرلك الخير و لا تنسى صلاة الاستخارة.