نفسي في البونتو ايفو ٢٠١٣ بس فيه تساؤلات

[totosaga]

بعد بحث ومقارنات بين عربيات اوتوماتيك الهاتشباك الايفو والريو والفيستا والايبيزا لقيت ان الايفو افضلهم من حيث الاوبشن بالذات بس فيه حاجات مقلقاني يا ليت تجاوبني عليها وياليت الافضل اللي مجرب العربية بس اللي يقول لان دي امانة :
١- موضوع ال ٧٧ حصان حاسس انه عيخلي سحب العربية ضعيف خصوصا اني بسافر كتير وكمان التكييف مهم جدا .عاوز اعرف عموما سحب العربية مع التكييف علي السرعات العالية ايه نظامه.
٢- موضوع الفتيس الدوال جيك ناس كتير بتقول انه غريب انا سوقت اوتوماتيك كتير و ايزي ترونك بردو يعني عاوز اعرف ايه الفرق وكمان انا لحد دلوقت مش فاهم فيه دواسة دبرياج ولا ايه القصة.
٣- موضوع التوكيل هو فعلا زبالة ولا زي كل التوكيلات اللي في مصر عموما.
٤- اسمع عن مشكلة الكارتة او الكمبيوتر بيبوظ بسرعة وان سعره اكتر من ١٠٠٠٠ جنيه . الكلام ده حقيقي ولا ايه.
٥- اللي معاه العربية ياريت يقول رايه بصراحة واكتر العيوب اللي قابلته.
٦- اللي اتعامل مع معرض الطارق يا ليت يقوللي رايه فيه لان إن شاء الله ناوي اجيبها من عنده.
٧-مركز الصيانه في اسكندرية.

معلش يا جدعان اسئلتي كتير ومملة انا عارف بس اعذروني ده حال اي واحد ناوي يشتري عربية

[aliabdo]

بص انا كنت بفكرت اشتري فيات لينيا و حقول لك على الىي اعرف
الموتور كويس مش بطئ ولا حاجه
الفتيس كويس بس غريب حبه حتتعود عليها بعد كام مشوار
التوكيل للاسف من السمع مش كويس
ممكن تشوف فى وماترا او اى حد عنده فيات لو لقيت نفس سعر الطارق خد من الطارق هو كويس برضو بس ساعات بيكون غالي حبه

[Mohab555]

بص عن تجربه واحد عاشر البونتو كتير
مشكلتها ان الموتور ضعيف عليها و بيبان فى التكييف جامد و المشكلة الاكتر هلى التوكيل السىء السىء السىء فى كل حاجة ....
غير كده العربيه ممتازه ...

[ashraflotfy1]

بعد بحث ومقارنات بين عربيات اوتوماتيك الهاتشباك الايفو والريو والفيستا والايبيزا لقيت ان الايفو افضلهم من حيث الاوبشن بالذات بس فيه حاجات مقلقاني يا ليت تجاوبني عليها وياليت الافضل اللي مجرب العربية بس اللي يقول لان دي امانة :
١- موضوع ال ٧٧ حصان حاسس انه عيخلي سحب العربية ضعيف خصوصا اني بسافر كتير وكمان التكييف مهم جدا .عاوز اعرف عموما سحب العربية مع التكييف علي السرعات العالية ايه نظامه.

السحب و التكييف كويس جدا و التكييف مش مؤثر علي السحب أنا كنت راكب السيارة و معي زوجتي و حمايا و حماتي و الشنطة مليانة علي الآخر و علي طريق بورسعيد القاهرة و التكييف شغال و الأمور تمام التمام. ال77 حصان غير مؤثرة و المهم العزم

٢- موضوع الفتيس الدوال جيك ناس كتير بتقول انه غريب انا سوقت اوتوماتيك كتير و ايزي ترونك بردو يعني عاوز اعرف ايه الفرق وكمان انا لحد دلوقت مش فاهم فيه دواسة دبرياج ولا ايه القصة.

الفتيس بتاعها ممتاز و بالتعود عليه حيبقى تمام و متطور للغاية و مزود بأحدث التكنولوجيا لحمايته و فعاليته و كفائته و مفيش دبرياج و موفر للبنزين جدا و هو عبارة عن مانوال مؤتمك لو ينفع التعبير لأن فيه اسطوانة و ديسك لكن الدبرياج كهربائى الكترونى و بيفهم أسلوب سواقتك و بينقل بناءا عليها و فيه 3 مود للسواقة المانوال و الأوتو و الأوتو الايكو و ده داخل المدينة للتوفير في البنزين. هو معمر و سهل الصيانة و أرخص و أكفأ من الأوتو العادي و مش تيبترونيك لكن دوالوجيك زي ما قلت مانوال مؤتمك و ده بينزل في التويوتا و الأوبل و الفيات و ماركات تانية و هو المستقبل
٣- موضوع التوكيل هو فعلا زبالة ولا زي كل التوكيلات اللي في مصر عموما.

التوكيل أوماترا معرفش عنه حاجة لكن يقال ان التوكيل خده أبوغالي و مش عارف مدي صحة الكلام ده و هو زي أي توكيل في مصر حتاخد حقك حتاخده بالقانون
٤- اسمع عن مشكلة الكارتة او الكمبيوتر بيبوظ بسرعة وان سعره اكتر من ١٠٠٠٠ جنيه . الكلام ده حقيقي ولا ايه.

الموضوع بتاع الكارت و الكومبيتر محدش قال عليه حاجة معينة و الضمان مغطيك و اللي بيبوظ الكارت و الكومبيتر اللعب في الكهرباء و تركيب الملحقات الغير أصلية و الانزار و غيره قلا تفعل أي حاجة الا عند التوكيل أو متخصص فاهم و هي متظبطة خلقة و فيها نظام صوت رائع و كل الكماليات التي تحلم بها و زيادة و ما تغسلش الموتور
٥- اللي معاه العربية ياريت يقول رايه بصراحة واكتر العيوب اللي قابلته.

أنا معايا العربية موديل 2010 أوتو مستعملة و لسة بقالها معايا شهر فلسه ما ظهرش عيوب أو مشاكل و صاحبها الأصلي أنا أعرفه و لم يحدث معه مشاكل تذكر
٦- اللي اتعامل مع معرض الطارق يا ليت يقوللي رايه فيه لان إن شاء الله ناوي اجيبها من عنده.
ما أعرفش
٧-مركز الصيانه في اسكندرية.
ما أعرفش

معلش يا جدعان اسئلتي كتير ومملة انا عارف بس اعذروني ده حال اي واحد ناوي يشتري عربية

[aliabdo]

انا شارى العربيه من اسبوعين تقريبا عامل 1100 ك
العربيه سحبه كويس قوى على موتور 1.4
التكيف كويس و مش بياثر على السحب خالص بس لو الجو نار زى النهارده و ماشى جوه البلد فهو مقبول انما لو فى سفر او طريق طوالى فهو ممتاز
العربيه وسعه و ثابتها
التوكيل اتعاملت معاه فى حاجه بسيطه و انا شايف انهم محترمين قوى فى المعامله
عموما انا عامل تقرير استلام و اول 1000 فى قسم فيات ممكن تبص عليه

[aliabdo]

لو عايز تشتري هات من عند الطارق اسكندريه فى واحد اسمه على طارق شب صغير كده بنظاره قله من طرف م/على الى اخد منك البونتو المنيول كان عامل لى خصم 1500 عن السعر الرسمى
و نصيحه اسمع من واحد راكب العربيه مش واحد يعرف عنها بالسمع