Sachs-boge ولا bilstein

[MuhamedNabil]

السلام عليكم ورحمة الله

نخوش فى الموضوع على طول, عايز اغير مساعدين العربية C180 2001 ًW203, نزلت سالت لقيت Sachs-boge و bilstein و سعرهم واحد تقريبا.
شمشمت شوية اونلاين لقيت ان الناس بتقول ان Sachs انعم من bilstein فى المشى و bilstein انشف سنة بس افضل فى الثبات فى الجرى و ان عمره اطول !!

نيجى بقى للاسئلة
- هل فى حد جرب الاتنين و ايه

-هل Sachs ليه توكيل هنا, انا لقيت مستورد Bilstein فى جسر السويس و رقمه على السايت بتعهم و كلمتهم قالى 1450 المسعدين الخلفى نفس اسعار ش دمشق.

انا لحد دلوقتى ميال اكتر ل sachs بس عايز اجيبه من مكان مضمون بس معنديش مانع انى اغير راى لو الكلام مقنع و عن تجارب.

- هل موضوع ان الsachs اطرى ده يخلى يودع بدرى بدرى فى شورعنا الحلوة لانى مش من النوع البهدى على النقر الصغيرة و المتوسطة بس الحمد الله مس بلبس مطبات كتير و برده العربية دى بتتركن مدد طويلة.

انا عملت الموضوع فى العام عشان انواع المساعديين دى منتشرة فى الالمانى بصفة عامة و قلت نستفيد بكل التجارب.
و لانى برده احتمال بعد شهريين كده اغير مساعدين فى 307 و بفكر انى اجرب حاجة المانى .

[MuhamedNabil]

محديش يعرف توكيل sachs

[SGH]

كان فية مشاركة من زميل كاتب انة اشتراهم من من المصرية ميدان لبنان

[MuhamedNabil]

الشركة المصرية دى مستورد و لا محل بيع قطع غيار

[abou-yahia]

Bilstein انا مجربه في الاوكتافيا ومش ناشف ذي ما الناس بتقول

وفيه معلومه انا مش متاكد منها انه بقه يتعمل في العاشر من رمضان

ركبه ل C180

اما بلنسبه لل 307 ركب مونرو عن تجربه في 406 المونرو مساعد حلو اوي وبيفرق مع البيجو

وشكرا

[MuhamedNabil]

انشاء الله حشترى Bilstein لقيت رقم التوكيل على الويب سيت بتعهم و اتصلت بيه قالى 1400 جم للمساعديين الخلفى.
حاجة غريبة قوى عربية موديل 2001 من 12 سنة فاتوا لسة المساعدين بالسعر ده !

حتى طلمبة البنزين ياظت من كام يوم و لقيت الجديد ب 1400 جم غيرت الماتور الداخلى بواحد بوش اصلى و الحمد لله مقوم الدنيا و مش حاسس باي فرق او تقطيع فى السحب و الموضوع فى الاخر كلف ربع سعر الطلمة !!