شراء سيارة أوروبي وتخفيضات الجمارك

[mohamed-diab]

هل من المنطقي إني أشتري عربية أوروبي دلوقتي مع العلم إن كمان خمس سنين مش هيبقى عليها أي جمارك يعني لو فكرت ابيعها أحمد ربنا لو جابت ربع أو تلت تمنها !!!!
وكمان هتبقى مشكلة أكبر لو عربية أكتر من 2000cc لإن جماركها مع الضرايب بتوصل 270% من تمن العربية

[rotanamasoud]

يبقى نلحق نشترى كورى ويبانى افضل
هو حضرتك توكيل كورى ولا يبانى

[mohamed-diab]

يبقى نلحق نشترى كورى ويبانى افضل
هو حضرتك توكيل كورى ولا يبانى

ماهي المشكلة في الكوري والياباني برضه , إيه اللي يخلي واحد كمان خمس سنين يجب عربية كوري أو ياباني مادام بنفس الفلوس يقدر يجب عربية الماني أحسن منها بكتير

أنا لولا إني محتاج عربية اوتوماتيك دلوقتي كنت استنيت الكام سنة دول على مجيب عربية جديدة , فمش عارف دلوقتي أجيب عربية مستعملة مايكونش تمنها عالي عشان مخسرش كتير ولا أعمل إيه , ده أنا حتى كنت مستني السنة الجديدة عشان التخفيض لقيته اتلغي السنادي وهيتكمل من أول السنة الجاية عادي مش فاهم ليه

[hugan]

هل من المنطقي إني أشتري عربية أوروبي دلوقتي مع العلم إن كمان خمس سنين مش هيبقى عليها أي جمارك يعني لو فكرت ابيعها أحمد ربنا لو جابت ربع أو تلت تمنها !!!!
وكمان هتبقى مشكلة أكبر لو عربية أكتر من 2000cc لإن جماركها مع الضرايب بتوصل 270% من تمن العربية

مين اللي وصل لحضرتك المعلومه الخطاء دي
ان الاوروبي كمان خمس سنوات هايكون بدون جمارك
انت مش عايش في مصر ولا ايه
انها مصر ام الدنيا

[mohamed-diab]

مين اللي وصل لحضرتك المعلومه الخطاء دي
ان الاوروبي كمان خمس سنوات هايكون بدون جمارك
انت مش عايش في مصر ولا ايه
انها مصر ام الدنيا

المفروض إن في اتفاقية بين مصر والإتحاد الأوروبي من 2009 بالكلام دا كل سنة نسبة الجمارك بتقل عشرة في المية لمدة عشر سنين
المشكلة إن سعر الجنيه عمال يقل فبيعوض فرق الخصم ده

[rotanamasoud]

بالنسبه لمصر مفيش حاجه فيها مضمونه
يعنى الجمارك بتقل 10 الميه الضريبه تزيد10 الميه وكانك يا ابو زيد ما غزيت
لو خايف خليك فى المستعمل اللى معاك او اشترى مستعمل ولو جمدت قلبك اشترى جديد