ارجو المساعدة لشراء سيارة فيةحدود ٣٠-٣٥

[R.Fares]

يا جماعة انا عاوز اشتري عربية في حدود ٣٠٠٠٠-٣٥٠٠٠ و قدامي فيات سيينا ٢٠٠١ و بيجو 405 موديل ١٩٩٦ ايه رأيكم انهي الافضل و ايه مميزات و عيوب كل واحدة فيهم و لو في مقترحات لاي عربية تانية في الحدود دي يا ريت تفيدوني

[adel_edrees]

بيجو ماسكة سعر و بياعة و عربية عربية يغنى و السيينا كمان كويس مش عارف بس أنا بأميل أكتر للبيجو المهم الحالة

[Abo_Mazen]

البيجو 405 أنا مركبتهاش ..بس كنت بشوفها كتير في الشارع ..والداخلية كانت بتستخدمها كتير في فترة من الفترات ..وكنت معجب بيها جدا ..حتى كنا بنسميها عربيات أتاري ..المهم ..إن من كام يوم قريت كام مشاركه هنا ..تقريبا كده هتخليني أغير رأيي فيها ..والمشاركات كانت بخصوص مشاكل في الحرارة ...وبعدين اللي فهمته بقى من المشاركات دي إن العربيه دي ..اللي هي البيجو 405.. عايزه كهربائي بيجو يشتغل فيها ..وميكانيكي بيجو يشتغل فيها ...أما السيينا بقى ..فهي عربيه جميلة وكويسه ..بس اللي أعرفه عنها إن في ميكانيكية ما بيحبوش يشتغلوا فيها عشان حوضها ضيق ..لكن هي كعربيه سهلة ..مفيهاش حوارات ولا إختراعات ..بس المهم تلاقي ميكانيكي بقى يمد إيده فيها عشان هي مشكلتها إن في حاجات عشان تفكها ممكن تضطر تفور جنب كامل ..زي مثلا الكوبلن الداخلي

[EgyArmy]

البيجو 405 هتحس فيها أنها بجد قديمه جدا

السيينا هتحس أنها جديدة شوية مع أحترامى لكل الى بيقولوا عليها شكلها وحش الشكل دة أذواق
لكن دة ميمنعش أنها جيل أحدث من البيجو 405 بمراجل
عندك 1400 و 1600
الـ 1600 من كلام ملاكها أنها جميله جدا من كلام الصنايعيه أنها زفت لأن حوضها ضيق
الـ 1400 بيعتبروها أفضل فى الشغل عشان الحوض منظم أكتر
لكن السيينا بعد بحث و تدوير و لف و تعب و تجارب
هتلاقى مشكلتين بجد لو مأخدتش بالك منهم هتتعب طول عمرك
السخونيه + البارومه فى الأربع أبواب
لازم تكشف كويس جدا جدا جدا على الحاجتين دول عشان متتعبش
ولما تجرب تسوقها أجرى بيها و شد جامد جدا و شغل التكييف و شوف عداد الحراره
لو أعلى من النص بالظبط و لو حته صغيره بلاش منها
و شوف الموضوع ده أكيد هيفيدك

http://www.nilemotors.net/Nile/466039-a.html