شراء عربية جديدة

[ahmad-elnaggar]

انا جديد في الموقع و محتاج نصائحكم عشان اشتري عربية جديدة في حدود من 180الف ل 200الف جنيه. بفكر في المستعمل عشان مافيش حاجة عجباني في الجديد. لقيت BMW 318 موديل 2011 فابريكة و عاملة 65000 كم ب190 الف جنيه و لقيت مرسيدس C180 موديل 2010 فابريكة و عاملة 70000 كم ب190 الف جنيه. ايه رأيكم في العربيات ده؟ و لو عندكم اقتراحات لأنواع غيرهم قولولي

[zizo gamal]

ال bmw قطع غيارة نار و اغلي من المرسيدس بس انا عن نفسي كا ركوبة بحب البي ام .. فلو هتقدر علي قطع الغيار اتوكل علي الله و هات بي ام

[ENG.MaRk]

الe90 كشكل مش محبب بالنسبالي و الMercedes فخامة ف شوف لو حضرتك بتحب الجري و معظم سواقتك تميل إلي السرعة العالية يبقي اختيارك هو BMW و لو العكس صحيح و تفضل الراحة أثناء القيادة يبقي اختيارك Mercedes و ربنا يوفقك لما فيه الخير إن شاء الله :)

[ahmad-elnaggar]

هل في فرق كبير بين العربيتين في السحب ؟ و هو قوة موتور العربيتين كم حصان؟