حوارات مجموعة فولكس و أوبل و جنرال موتورز

[tamertamer]

طبعا ياجماعة انا سقت ال3 عربيات بصراحة قلى عجبتنى شخصيا الاوكتفيا اصراحة
بس لو دخلنا فى التاريخ طبعا شركت اوبل اقدم من كل دول طبعا واقدم من بى ام ومرسيدس وججوار يعنى شركة عريقة جدا وتاريخ طويل بس لو فرضنا ان العربية سخنت مش معنة ان عربية حصلها حاجة فردية يبقا خلاص نحكم على الكول انا اختلف معاك اولا كسحب وسرعة الاوبل يكسب الاوكتفيا والجتا اخرهم 195 الاوبل 200 وكمان كشياكة الاوبل ليها وقار كبير غير كدة ان الاوبل فكترا منزلة طراز ال1600 فقط فى 2000 2500 ودة طبعا مش هينزل هنا غير كدة دية المانى 100 فى 100 يعنى تروح تنام المكسيك والتشيك وكابشن اعلى طبعا شوف الوبشن قلى بينزل فى الايلجنس وانت تعرف مش عيب ان الناس تسال وتعرف انا ركبتها اتوهم اصراحة افضلهم بلاء منازع غير طبعا الستيبول الكل يعلم الستيبول وعلى فكرة
لو فى ناس بتقول ان الاوبل اقل الالمانى يبقا ميعرفش حاجة ومحتاج يعرف لان الصراحة الفلكس واجن هى الصغر سواء فى الامكنيات سواء فى التاريخ سواء فى كل شىء اسال مش عيب ابدا لاكن العيب هنا فى الوكيل انة مش قادر على امكنيات العربية بمعنا ان فى حتت فى التوكيلات كويسة وفى وحش ودة فى اى وكيل فى الدنيا فى الكويس وفى الوحش وخلى بالك فى النهاية دة مصنوع من ايدى بشر يعنى ممكن يكون فى غلط عادى وبتحصل انا شفت باست عطلانة الفتيس وشفت مرسيدس عادى جدا حوادث فردية لا يستند عليها كدليل لان يكون هناك اثبان ان هذة السيارة وحشة او بها عيوب

[Ahmad Allawy]

اكيد مشكلة الفيكترا دي حاجة فردية جدا..
ابن خالي شغال في شركة كالتكس
المدير بتاعه معاه عربية جيتا و حصل فيها مشكلة في الفتيس بتاعها.. و هي ف الضمان.. و اتغير علي حسابهم.. بكام..؟؟ اكتر من 30 الف جنيه..و العربية اتأخرت كتير جدا ف التوكيل لحد ما اتصلحت و استلمها.. و من ساعه ما عملها مش مظبوطة تاني.. فيها حاجة غلط.
هل ده يعتبر عيب في الجيتا..؟؟ ان الفتيس بتاعها بيبوظ؟؟ او فيه مشكلة.؟.؟؟ اكيد مش مقياس..

الفيكترا.. لسة شايف واحدة كانت بتغير تيل قريب.. و كانت مغيره كونترول يونيت ف التوكيل.. اول مرة اسمع عنها في فيكترا الشكل الجديد ده.. بس اهي حصلت..

بيبقي في حاجات فردية كده اوقات بتحصل.. و مش مقياس للحكم علي عربية..

[fbsautoservice]

انا بقى اشتغلت فى الاثنين
فى توكيل مقار مدير ورشه سنتين و نص
فى artoc auto 9 شهور و مقدرتش استحمل
الاوبل من 2003 لحد دلوقتى مجاش منها شكاوى متكرره فى حاله وحده بطريقه تذكر
الاوكتافيا و الجيتا تقريبا كل موديلات 2005,2006,2007
غيرت الاتى(كبالن,كمبرسور تكييف,سربنتينه تكييف,كاسيتcd,البعض فى الA5 جاب فتيس,كونترول بوابات تكييف بالبكر بتاعه ,و الخ)

[tamertamer]

وشاهد شاهدا من اهلها اهو واحد ولا يعرفنى ولا يعرفك قلى مش عارف يعرف ويتعلم ومش عيب ياجماعة عادى مترموش العربيات بالباطل

[islamaboelnaga]

خلاص يا جماعه مش دا موضوعنا ....احنا بنقول اوكتافيا ولا جيتا علشان انا ممش بفكرفى الاوبل لاسباب انا شايف ان فيها عيوب (وجه نظر ) و خلينا فى الموضوع الاساسى

[KHALED AYMAN]

خلاص يا جماعه مش دا موضوعنا ....احنا بنقول اوكتافيا ولا جيتا علشان انا ممش بفكرفى الاوبل لاسباب انا شايف ان فيها عيوب (وجه نظر ) و خلينا فى الموضوع الاساسى

مهو انا من الاول قلتلك انه مش موضوعنا و مسالتكش ايه رأيك فى الفكترا ؟؟؟ عموما لما تكون مش عارف حاجه مفيهاش حاجه تسال الناس الى عندها خبره زى ما انت بتسال عن الاوكتافيا و الجيتا .

[blazer]

اللى بتعجبنى بصراحه من جوه ومن بره الجيتا تحفه بصراحه شيك جداا
وتنفع شاب بعكس الاوكتافيا
الاوبل حلوه جدا برده بس تاتى فى المرتبه التانيه بعد الجيتا

[KHALED AYMAN]

اللى بتعجبنى بصراحه من جوه ومن بره الجيتا تحفه بصراحه شيك جداا
وتنفع شاب بعكس الاوكتافيا
الاوبل حلوه جدا برده بس تاتى فى المرتبه التانيه بعد الجيتا

كلام جميل يا باشا و دى ازواق ولازم الناس تختلف من عربيه للتانيه فى واحد هيجيب جيتا و واحد اوكتافيا و واحد فيكترا هى الدنيا كده ..
شكرا لطريقه تعبيرك الجميله

[tamertamer]

خلاص يا فينوس هما اتعلمو الدرس كويس ولاممكن ابدا يزعلوك اويأربو من الاوبل تانى تعيش عصابة الاوبل وخدنا طبعا اعتراف من المعارضين ان الاوبل رقم 1 خلاص ومعانة تقرير تحب تشوفة وفى النهاية لازم اعترف انى بحب الاوكتفيا جدا وبفضلها عن الاوبل عشان شكلها عجبنى جدا

[KHALED AYMAN]

خلاص يا فينوس هما اتعلمو الدرس كويس ولاممكن ابدا يزعلوك اويأربو من الاوبل تانى تعيش عصابة الاوبل وخدنا طبعا اعتراف من المعارضين ان الاوبل رقم 1 خلاص ومعانة تقرير تحب تشوفة وفى النهاية لازم اعترف انى بحب الاوكتفيا جدا وبفضلها عن الاوبل عشان شكلها عجبنى جدا

يا تامر باشا مفيهاش مشاكل انك تحب الاوكتافيا و تفضلها على الاوبل لانها ازواق و الاوبل دى مش نازله من السما انما لازم كل شركه تاخد وضعها و نرتبها الترتيب الصحيح يعنى الاوبل عموما اعلى من فولكس و هكذا .......
تعيش العصابه .

[hanady]

لا لم نتعلم أى شىء

خلاص يا فينوس هما اتعلمو الدرس كويس ولاممكن ابدا يزعلوك اويأربو من الاوبل تانى تعيش عصابة الاوبل وخدنا طبعا اعتراف من المعارضين ان الاوبل رقم 1 خلاص ومعانة تقرير تحب تشوفة وفى النهاية لازم اعترف انى بحب الاوكتفيا جدا وبفضلها عن الاوبل عشان شكلها عجبنى جدا

يا سيدى الفاضل هذه ليست طريقة حوار أبدا و لا أعتقد ان هناك أى درس لنتعلمه منك أو من غيرك. أنت رأيك أن أوبل رقم واحد و هذا رأيك و نحن نرى أنها مش رقم واحد أبدا و هذا رأينا الذى لا تستطبع أنت أو غيرك (و أسفة جدا للفظ عصابة الذى تستخدمه) أن يفرضه علينا. مين قال أننا أعترفنا أن اوبل رقم واحد، و منين فهمت كده!!
على فكرة جميع نشرات الأخبار اليوم الجمعة 20/2/2009 (الجزيرة و العربية و النيل الأخبارية و BBC) ذاكرة خبر طلب شركة اوبل معونة عاجلة 4.25 مليار يورو لكى لا تعلن أفلاسها. هل هذا سلوك الشركة الأولى؟ سمعت ان فولكس طلبت معونة من أحد؟

[blazer]

دا كان هزار حضرتك :)
متاخدش الموضوع بزعل

[mohamed_hamdi]

يا تامر باشا مفيهاش مشاكل انك تحب الاوكتافيا و تفضلها على الاوبل لانها ازواق و الاوبل دى مش نازله من السما انما لازم كل شركه تاخد وضعها و نرتبها الترتيب الصحيح يعنى الاوبل عموما اعلى من فولكس و هكذا .......
تعيش العصابه .

يا أستاذ فينوس من المحلة لو حضرتك بتسافر برة و خصوصا ألمانيا كنت عرفت ان الأوبل هناك هي السيارة الشعبية بمعنى ان الأودي و المرسيدس في المقدمة ثم البي ام ثم الفولكس و اخيرا الأوبل. جايز المعادلة تتغير من 2009 مع نزول الانسينيا لأنها تحفة بصراحة بس بخصوص الفيكترا اعتقد انك بترد بعصبية بنظام الحافظ مش الفاهم و ده مش حوار منتدى ده نظام فرض رأي.

[fbsautoservice]

يا استاذ هنادى مش معنى ان شركه اوبل طالبه معونه 4.25 مليار انها مش شركه رائده
عندك مثلا GM اكبر مبيعات فى العالم و فيها (كاديلاك و بويك و ساب و بونتياك و شيفروليه و اوبل و اسوزو و بدفورد و فوكسهول و غيرهم كتير )كلهم تحت اسم GM و مع ذلك بتفلس
دايملر كريزلر و مرسيدس هم تقريبا شركه واحده طالبين انضمامهم لشركه كبيره فى ظل الازمه الاقتصاديه
تقريبا كل شركات السيارات خفضت اسعارها 50% تقريبا
تويوتا من شهر كانت بتستغيث هاتفلس يعنى كله بيطلب مساعده
والشركات كلها بتعمل merging (زمن التكتلات الاقتصاديه) و ده ملوش دعوه بجوده السياره او المنتج بتاعهم
استاذ محمد حمدى احنا منقدرش نقول ان اوبل ذى اودى او مرسيدس او بى ام و لكن المقارنه فى الاصل كانت بين الاوبل و الجيتا و لو ركبت الاتنين هتحس بفرق من رائى انه لصالح الاوبل
و اوبل من 2003 اختلفت تماما عن قبل كده و ارجو انكم تكونوا مش زعلانين من حد من الاوبلاويه دول زى العسل و بيهزروا معاكم بس الانتماء اخدنا شويه حماس شباب يعنى

[Ahmad Allawy]

ممكن يا جماعه تشوفوا المقال ده.. و اللي كان منشور في مجلة اوتوبيلد.. اللي هي جنسيتها المانية..

http://www.nilemotors.net/Nile/showthread.php?t=58959

و شكرا لأخينا هشام اللي كان عامل الموضوع..