برجاء المساعدة في الاختيار بين أوبل فكترا وبيجو 405

[abd_elsamie]

يا جماهة انا معايا في حدود 50 الف وعايز اشتري عربية مستعملة
وبافكر في واحدة من الاتنين دول موديلات اخر التسعينات اوبل فيكترا وبيجو 405
اكتر حاجة تهمني انها تكون عربية متينة وتستحمل كمان تكون واسعة من جوة
وكمالياتها كويسة
المحير في الموضوع ان الاتنين تقريبا فيهم المميزات دي
البيجو ميزتها ان قطع غيارها ارخص من الاوبل بس العيب اللي فيها ان شكلها مش شبابي(انا عندي 26 سنة)
الاوبل عجبتني عشان شكلها شبابي بس قطع غيارها غالية شوية
وانا محتار بين الاتنين
الوقت قدامي مش كتير ياريت لو حد يقدر يساعد اكون شاكر جدا

[M.Osama]

قطع غيار الاوبل مش غاليه ولا حاجه وكفايه ان شكلها رائع جدا وقطع غيارها متوفره بكثره وبكميات رهيبه وألماني يعني صاج متين وموتور عفي بس حاول تجيب موتور عادي اللي هوا الاسمر 1600 سي سي مانيوال يا اما تجيب موتور 2000 سي سي ايكوتك اوتوماتيك ولازم يكون 1600 مانيوال او 2000 اوتوماتيك

وبالتوفيق في البيع وطبعا مش حقولك انك لازم تكشف عالعربيه كويس وخصوصا رشه ولا لأ

[the-hero]

من رأى ان العربيتين تنتميان للعربيات العائليى الكبيرة ومن السيارات الفخمة العريقة
لكن ال 405 شكلها فى الترويش أشيك من الاوبل وسحبها كمان أعلى وكمان فى منها 1600و 1800و2000 سي سي
حتى من أسمها فيه شياكة البرستيج

[Mustang69]

الاوبل احسن بكتيير ولو انت شاب و بتحب موتور قوي تحت رجلك دور علي 2000 الايكوتك الموتور دة فلتة وفعلا سابق عصره بس صدقني العربية لما بتفتح حضرتك حتدفع كتيير و عشان تريح نفسك انزل اسئل علي اسعار قطع الغيار لقيتها تناسبك توكل علي الله او تجيب ال405 و البيجو معروف انه بيستحمل غير ان العربية من ورا اوسع كتيير من الاوبل بس خلي بالك ان عزم ال405 و ثباتها لا يقارنوا اصلا بالفيكترا و ربنا يوفقك للاحسن

[the-hero]

الاوبل احسن بكتيير ولو انت شاب و بتحب موتور قوي تحت رجلك دور علي 2000 الايكوتك الموتور دة فلتة وفعلا سابق عصره بس صدقني العربية لما بتفتح حضرتك حتدفع كتيير و عشان تريح نفسك انزل اسئل علي اسعار قطع الغيار لقيتها تناسبك توكل علي الله او تجيب ال405 و البيجو معروف انه بيستحمل غير ان العربية من ورا اوسع كتيير من الاوبل بس خلي بالك ان عزم ال405 و ثباتها لا يقارنوا اصلا بالفيكترا و ربنا يوفقك للاحسن

مع أحترامى لكلامك وكمان ماركة الاوبل
فمن الواضح انك مجربتش البيجو عشان تقول كدا
البيجو ثبات عالى جدا وعزم شديد يضاهى الفكترا بل ممكن يفوقها لصغر الحجم
ولو بتتكلم عن أوبل فيها مواتير 1600 و 2000
فالبيجو فيها ال 1600 وال 1800 والألفين العملاق البرستيج وكمان ال mi16
وعن تجربة فأن سحب الاوبل ال 1600 ضعيف البيجو بتطلع منها
الأوبل لو عايز تركب متركبش غير الأكواتك ال 2000 سي سي

[Mustang69]

مع أحترامى لكلامك وكمان ماركة الاوبل
فمن الواضح انك مجربتش البيجو عشان تقول كدا
البيجو ثبات عالى جدا وعزم شديد يضاهى الفكترا بل ممكن يفوقها لصغر الحجم
ولو بتتكلم عن أوبل فيها مواتير 1600 و 2000
فالبيجو فيها ال 1600 وال 1800 والألفين العملاق البرستيج وكمان ال mi16
وعن تجربة فأن سحب الاوبل ال 1600 ضعيف البيجو بتطلع منها
الأوبل لو عايز تركب متركبش غير الأكواتك ال 2000 سي سي

انا جربت البيجو ال1600 بس بعد ال100 كنت بحس ان العربية مش ماسكة نفسها في الملفات عكس الاوبل اللي تغريك انك تدخل اي ملف او غرزة علي سرعات عالية نسبيا و فعلا بتحس ان العربية ماتاثرتش بأي حاجة اما بالنسبة لموتور البيجو انا معاك ان 1600 فيه موتور شديد و كان اكتر موتور جربته لقيت الغيارات بتاعته روحها طويييلة و دة عجبني فيه وفعلا سحب الاوبل 1600 ضعيف عشان العربية فعلا تقيلة لكن ال2000 غير كدة خالص و هو دة اللي انا نصحته بيه.

[rabbat5]

مع أحترامى لكلامك وكمان ماركة الاوبل
فمن الواضح انك مجربتش البيجو عشان تقول كدا
البيجو ثبات عالى جدا وعزم شديد يضاهى الفكترا بل ممكن يفوقها لصغر الحجم
ولو بتتكلم عن أوبل فيها مواتير 1600 و 2000
فالبيجو فيها ال 1600 وال 1800 والألفين العملاق البرستيج وكمان ال mi16
وعن تجربة فأن سحب الاوبل ال 1600 ضعيف البيجو بتطلع منها
الأوبل لو عايز تركب متركبش غير الأكواتك ال 2000 سي سي

ثبات السيارات الألمانية لا يقارن بالفرنسية الأوبل تكسب من ناحية الثبات و البيجو تكسب من ناحية أسعار قطع الغيار.
مع العلم ان قطع غيار الأوبل بقى في منها صيني يعني لو حد عايز يقضيها هتتقضى.
وانصحك بالموتور الاسود القديم لأنه مشاكله أقل ميزة الايكوتك ان الهورس بور أعلى و موفر في البنزين حاجة بسيطة عن الاسود و متوفر عند بتوع الاستيراد لو رحت لأي محل استيراد أوبل هتلاقي عنده ايكوتك كتير بخلاف الاسود لكن الاسود معمر و ناعم و مشكله قليلة.

[Mahmoud_405]

معلش انا عايز اسئال انتوا بتقارنو ال 405 ب الاوبل فكترا الشكل القديم(95 وانت نازل) ولا الجديد (من 96 وانت طالع)....

لو قصدل البيجو 405 2000 سي برستيج مع الاوبل 96 ايكوتك 2000 سي سي ادي مش مقارنه عادله الاوبل طبعا تكسب لانها احدث وتكنولوجيا احدث وشكل احلي بالكتير وجيل مختلف خالص عن ال 405 الي بدات 89 بس خد بالك الاوبل ديه تقارن بال 406 مش ال 405 لان الاوبل 96 وانت طالع نفس الجيل بتاع ال406

ال 405 تقارن بالاوبل القديمه تعالول مثلا ناخد مقارنه بين ال 405 2000 سي سي برستيج و الاوبل الشكل القديم 2000 سي سي

الشكل : اذواق طبعا بس معلش ال 405 احسن في الشكل من الاوبل القديم (بالتكلم عن ال 2000 سي سي في الاتنين).

الثبات: الاتنين طبعا لايعلي عاليهم الاوبل احسن في الملفات لانها اتقل لان عقشه البيجو ناعمع علشان تديك راحه بس احساسك بالسرعه في الطريق الوالي قلل بكتير في البيجو.

الوسع والراحه في الصالون: طبعا بيجو اوسع من ورا وقدام

الموتور: بص موتور ال 405 2000 سي سي 123 حصان 8 كامه ووزن العربيه 1150 كيلو وده يعتبر معقول وسحب العربيه من 0 الي 100 في 11 ثانيه وتوب سبيت 210. الاوبل معرفشي مواصفات الموتور ايه بس العربيه تقيله في الوزن . ممكن حد من الي عندوا اوبل 2000 سي سي الشكل القديم يقولنا.
من ناحيه العمر الافتراضي بيجو اكترمن الاوبل في الحته دي ليه : علشان عوم الموتور 176 نيوتن متر علي 2750 ار بي ام ونسبه انضغاط 9.5

الفتيس الاتوماتك: طبعا اوبل افضل في العمر الافتراضي للفتيس والنعومه وهذا لا اختلاف عليه الفتيس الالماني احسن وانعم وفيه ناس كتير اشتكت من فتيس البيجو بتاع ال405 ( مش عشان وحش بس هو عايزمعامله خاصه في الصيانه ) لكن فتيس الاوبل انساه خالص وفيه كمان خاصيه السوبر درايف(بتخليك تحرق علي الغيار) الي مش موجوده في البيجو 405.

التكيف في البيجو احسن اعتقد محتش يقدر يجادل في النقطه دي تكيف الاوبل ضعيف وبسخن العربيه.

الفرامل الاويل افضل من البيجو والاتنين مفهومشي ايه بي اس.

عايزين تقارنوا الاوبل الشكل الجديد ال ايكوتك 2000 سي سي قارنوها بال 406 ( نفس الجيل والفئه) معلش ال 406 احسن مليون مره من الفكترا بدون منازع.

كل الي عايز اقوله ان حرام تقارن عربيه تصميم 89 بعربيه تصميم 96 يعني فرق 7 سنين تكنولوجيا.

[kareem_Ashmawy]

أحب أضيف على كلام محمود
الاوبل ال95 .. الكراسى بتاعتها مريحة جدا جدا أكتر من الـ405
لكن قطع غيار الاوبل 95 بقت قليلة جدا جدا...عكس ال405 اللى موجودة جديد و استعمال فى كل حتة

[the-hero]

معلش انا عايز اسئال انتوا بتقارنو ال 405 ب الاوبل فكترا الشكل القديم(95 وانت نازل) ولا الجديد (من 96 وانت طالع)....

لو قصدل البيجو 405 2000 سي برستيج مع الاوبل 96 ايكوتك 2000 سي سي ادي مش مقارنه عادله الاوبل طبعا تكسب لانها احدث وتكنولوجيا احدث وشكل احلي بالكتير وجيل مختلف خالص عن ال 405 الي بدات 89 بس خد بالك الاوبل ديه تقارن بال 406 مش ال 405 لان الاوبل 96 وانت طالع نفس الجيل بتاع ال406

ال 405 تقارن بالاوبل القديمه تعالول مثلا ناخد مقارنه بين ال 405 2000 سي سي برستيج و الاوبل الشكل القديم 2000 سي سي

الشكل : اذواق طبعا بس معلش ال 405 احسن في الشكل من الاوبل القديم (بالتكلم عن ال 2000 سي سي في الاتنين).

الثبات: الاتنين طبعا لايعلي عاليهم الاوبل احسن في الملفات لانها اتقل لان عقشه البيجو ناعمع علشان تديك راحه بس احساسك بالسرعه في الطريق الوالي قلل بكتير في البيجو.

الوسع والراحه في الصالون: طبعا بيجو اوسع من ورا وقدام

الموتور: بص موتور ال 405 2000 سي سي 123 حصان 8 كامه ووزن العربيه 1150 كيلو وده يعتبر معقول وسحب العربيه من 0 الي 100 في 11 ثانيه وتوب سبيت 210. الاوبل معرفشي مواصفات الموتور ايه بس العربيه تقيله في الوزن . ممكن حد من الي عندوا اوبل 2000 سي سي الشكل القديم يقولنا.
من ناحيه العمر الافتراضي بيجو اكترمن الاوبل في الحته دي ليه : علشان عوم الموتور 176 نيوتن متر علي 2750 ار بي ام ونسبه انضغاط 9.5

الفتيس الاتوماتك: طبعا اوبل افضل في العمر الافتراضي للفتيس والنعومه وهذا لا اختلاف عليه الفتيس الالماني احسن وانعم وفيه ناس كتير اشتكت من فتيس البيجو بتاع ال405 ( مش عشان وحش بس هو عايزمعامله خاصه في الصيانه ) لكن فتيس الاوبل انساه خالص وفيه كمان خاصيه السوبر درايف(بتخليك تحرق علي الغيار) الي مش موجوده في البيجو 405.

التكيف في البيجو احسن اعتقد محتش يقدر يجادل في النقطه دي تكيف الاوبل ضعيف وبسخن العربيه.

الفرامل الاويل افضل من البيجو والاتنين مفهومشي ايه بي اس.

عايزين تقارنوا الاوبل الشكل الجديد ال ايكوتك 2000 سي سي قارنوها بال 406 ( نفس الجيل والفئه) معلش ال 406 احسن مليون مره من الفكترا بدون منازع.

كل الي عايز اقوله ان حرام تقارن عربيه تصميم 89 بعربيه تصميم 96 يعني فرق 7 سنين تكنولوجيا.

محمود باشا جاب الخلاصة الف شكر وكلامك لاغبار عليه
وده طبعا ميقللش من العربية اأوبل العريقة بجد الاتنين مستواهم رائع بالنسبة للفئة ديه
بس أرجع وقول رأيى بيجوووووووووووووووووووووووووو وافتخر

[ghost]

نقدر نقوال انت ايه رايك فى الشكل اوبل ام بيجو
بعد زالك انت يهمك ايه توفير و لا امان ( الامان من عند الله )
التوفير :- يبقى بيجو ( من ناحية البنزين و قطع الغيار لاكن الفرق لا يذكر )
الامان :- يبقى من ناحية الصاج التحمل الفرامل عوامل كسيره ( الادرار الناتجه عند التصادم لا تقارن مع اى سياره )
و فى الاول و الاخر احنا هنه للنصيحه و لايس بالزامك بشيئ القرار ليك لن انا مقتنع بى الاوبل بس شكل الانسر يغرى اهم حاجه ايه يعوض ايه و لايس على حساب نفسك
و اسف على اخذ الوقت