باراتي ولا بيجو 405 روا ولا جيتز ؟؟

[وائل السويفي]

انا حاسس يا شباب هانفضل نعلى بالعربيات لحد ما واحد يقولي اشتري فيراري ولا بورش

شكرا لكل من اضاف ردا او تعليقا او نصيحة ...

حد يعرف اي عيوب للبيجو 405 روا ؟؟؟؟

ثم فين آراء السادة المشرفين المفروض انهم اكثر ناس خبرة هنا ....

[tutankhamoun]

الجيتز جميلة و قوية و لكن غير عائلية ............. و هذا بمعنى الآتي
إذا كانت المدام و الأولاد بيركبوا معاك على طول يبقى لا تشتريها .......... أما لو كان الموضوع موسمي فهيا ممتازة
و هل تسمح لي أن أضيف سيارة ممتازة و أفضل من كل الأختيارات السابقة و هي الجين 2 أو الويرا
و ربنا يوفقك في أختيار كويس ...................

[وائل السويفي]

الجيتز جميلة و قوية و لكن غير عائلية ............. و هذا بمعنى الآتي
إذا كانت المدام و الأولاد بيركبوا معاك على طول يبقى لا تشتريها .......... أما لو كان الموضوع موسمي فهيا ممتازة
و هل تسمح لي أن أضيف سيارة ممتازة و أفضل من كل الأختيارات السابقة و هي الجين 2 أو الويرا
و ربنا يوفقك في أختيار كويس ...................

شكرا لك اخي tutankhamoun
ولكن الجين 2 اعلى من امكانياتي والويرا كذلك...

[tutankhamoun]

الجيتز جميلة و قوية و لكن غير عائلية ............. و هذا بمعنى الآتي
إذا كانت المدام و الأولاد بيركبوا معاك على طول يبقى لا تشتريها .......... أما لو كان الموضوع موسمي فهيا ممتازة
و هل تسمح لي أن أضيف سيارة ممتازة و أفضل من كل الأختيارات السابقة و هي الجين 2 أو الويرا
و ربنا يوفقك في أختيار كويس ...................

شكرا لك اخي tutankhamoun
ولكن الجين 2 اعلى من امكانياتي والويرا كذلك...

يا باشا دي الويرا عاملة تقريبا 73900 .............. و كمان على ما أعتقد أوتوماتيك و لكني غير متأكد من ذلك و العربية 1500 سم3 سي سي يعني .............. ووممتازة و ممكن تدخل على منتدى البروتون و تسأل أو تقراء مواضيع عن الويرا

[hazem_khidr]

لو اطفلك لسه صغيرين تبقي الجيتز بالنسبالك كويسه .
ابعد عن الفولكس الدرجه التانيه دا خالص(جول.بابراتي.............الخ الخ)
البيجو بصراحه انا ما شفتهاش في الشارع ولا جربتها و بالتالي ما اقدرش احكم عليها .
نصيحه حط الياريس في اعتبارك برضه

[وائل السويفي]

[quote=tutankhamoun][quote=
يا باشا دي الويرا عاملة تقريبا 73900 .............. و كمان على ما أعتقد أوتوماتيك و لكني غير متأكد من ذلك و العربية 1500 سم3 سي سي يعني .............. ووممتازة و ممكن تدخل على منتدى البروتون و تسأل أو تقراء مواضيع عن الويرا[/quote]

مفيش ويرا جديدة ياباشا تقسيط

[وائل السويفي]

لو اطفلك لسه صغيرين تبقي الجيتز بالنسبالك كويسه .
ابعد عن الفولكس الدرجه التانيه دا خالص(جول.بابراتي.............الخ الخ)
البيجو بصراحه انا ما شفتهاش في الشارع ولا جربتها و بالتالي ما اقدرش احكم عليها .
نصيحه حط الياريس في اعتبارك برضه

حازم باشا شرفتني بزيارتك والله
متشكر جدا جدا على النصيحة بس برده الياريس عالية عليا

[أبو ياسين]

البيجو 405
انا اعرف ان محدش اشتكى منها و هى عائليه بالرغم من الشكل القديم
فممكن تفكر فيها لو ميهمكش المظاهر

و ممكن توسع الدائره شويه كمان فى رنج 75 (انا هاحاول ارتبهم بالافضليه بالنسبالى)
نوبيرا
نيو اكسنت
افيو
رينو كليو
فيات بونتو
فيات سينا
الفرنا وعيلتها

[hazem_khidr]

العفو يا وائل باشا.
يبقي كده نفكر في الافيو او النيو اكسنت.
النيو اكسنت فول اوبشن مانيوال 1400 سي سي ب 77 الف

[وائل السويفي]

متشكر جدا أخي abzaky

البيجو 405
انا اعرف ان محدش اشتكى منها و هى عائليه بالرغم من الشكل القديم
فممكن تفكر فيها لو ميهمكش المظاهر انا فعلا مايهمنيش المظاهر رغم انها مش بشعة يعني

و ممكن توسع الدائره شويه كمان فى رنج 75 (انا هاحاول ارتبهم بالافضليه بالنسبالى)
نوبيرا واطية ومش هاتنفع في المنطقة اللي انا ساكن فيها

نيو اكسنت ممكن جدا رغم سوء التوكيل

افيو بفكر فيها فيها فعليا

رينو كليو قطع الغيار غالية

فيات بونتو معرفش عنها حاجه + توكيل سئ حسب ما اسمع

فيات سينا صيني ؟؟ + توكيل سئ حسب ما اسمع

الفرنا وعيلتها توكيل سئ + منتشرة جدا جدا بدرجة تضايق

[وائل السويفي]

العفو يا وائل باشا.
يبقي كده نفكر في الافيو او النيو اكسنت.
النيو اكسنت فول اوبشن مانيوال 1400 سي سي ب 77 الف

حازم باشا
انا بالفعل معرفش مفكرتش فيها قبل كدا

جزاك الله خيرا

[Ahmad Allawy]

شوف يا باشا..
تعالي نفطر كده بالراحة..
اولا علي رأي اكتر من واحد هنا انك تبعد عن الباراتي.. واكيد اللي ركب فولكس وشاف توكيلها هيقولك كده عن تجربة.. واكيد كلامه صح..
ثانيا.. الرؤا.. ومش هاقول عنها بيجو.. ابعد عنها نهائي..يفضل انك انت تدخل تشوف اراء الناس عنها ايه في منتدي بيجو.. هتلاقي اولا اول مقلب ان توكيلها ضمانه سنة واحدة بس.. 20 الف كيلو.. وده تهريج.. ومعناه ان توكيلها نفسه مش واثق فيها.. وهي مالهاش اي علاقة بالبيجو.. كلام فارغ..
ادخل افضل شوف رأي الناس علي منتدي بيحجو هتصرف عنها نظر نهائي..
يبقي مش فاضل في اختياراتك غير الجيتز.. انا مركبتهاش.. بس كل اللي اسمعه عنها انها واسعة قوي من جوة.. بس يعيب الوسع ده ان تقريبا مفيش شنطة. صغيرة جدا..
وتوكيلها سيء للغاية.. لكن كعربية تحفة.. ثبات و قوة و جري ووسع و كلام كبير.. بس انت كده بتتكلم في المنيوال منها.. مش الاوتو.. لأنه بحوالي 82 الف.. و الماتريكس نفس السشعر تقريبا او اكتر شوية.. و بالتالي هتبقي غالية عليك..
برضه نبعد عن الرينو كليو عشان علي حسب ما قريت علي منتدي الرينو هنا في اوقات بيطلع فيها مشاكل كده عجيبة مالهاش تفسير,. بس حاجات مش كبيرة يعني.. قطع غيارها غالية شوية.. بس توكيل محترم جدا موثوق فيه و تقيلة قوي في البيع لو هتفكر تبيع..
يبقي كده ننزل بالفئة شوية.. نوصل للأفيو وهي تعتبر افضل الاختيارات..
مانيوال معلش هتبقي تقفيل مصري بس مش بطالة.. و توكيلها محترم جدا و اكتر من توكيل وقطع الغيار مش غالية و متوفرة..
البروتون ماعرفش عنها حاجة بصراحة..

افضل نصيحة.. تدخل انت بنفسك علي كل منتدي و تشوف اراء الناس ف العربيات دي ايه..
ادخل واقرا و اعرف واسأل الناس ومحدش هيبخل عليك بالنصيحة..

[mody_halawa]

يا با شا الفاميلى ب 77 فول اوبشن ولو اى استفسار انا جاهز بس برشحلك الفاميلى
والوكيل بيقسط كمان وعامل عروض تقسيط حلوة

[Ahmad Allawy]

ثانية واحدة..
تشتري صيني مش معروفة ولا حد يسمع عن وكيلها وتدفع فيها 77 الف..
ولا تشتري هيونداي و تستحمل غبور.. و عربية محدش سمع عنها اي حاجة وحشة.. بنفس المبلغ؟؟
بصراحة انا باحسدك يا مودي علي الجرأة انك تشتري عربية كده مجهولة وتدفع فيها المبلغ ده..

[mody_halawa]

ثانية واحدة..
تشتري صيني مش معروفة ولا حد يسمع عن وكيلها وتدفع فيها 77 الف..
ولا تشتري هيونداي و تستحمل غبور.. و عربية محدش سمع عنها اي حاجة وحشة.. بنفس المبلغ؟؟
بصراحة انا باحسدك يا مودي علي الجرأة انك تشتري عربية كده مجهولة وتدفع فيها المبلغ ده..

هو حضرتك متعرفش شركة الطارق ولا اية ومتعرفش كمان ان مركز الصيانة هوة نفس مركز صيانة دودج وكريسلر وجيب وبعدين انا محتطش فلوسى فى عربية مجهولة حضرتك ممكن تدخل على الينك دة وحتعرف ان الهايما هى هى المازدا بنفس التصميم والماتور والصالون مع اختلاف ظهر العربية http://www.youtube.com/watch?v=YEpT9...eature=related