إعـــــــلان

**speed4speed** · 03-12-2009, 03:36 PM

العربيه دى حلوه قوى لو نضيفه
لو ركبتها انسى انك تركب بعد كدا كورى او يابانى
ال 75 يجيبولك واحده محترمه كمان

**party_0000** · 03-12-2009, 03:54 PM

bmw وبس طبعا بس دور على حاجه نضيفه وانساها وسيبك من الكوري انا اصلا مش بعترف بيه

**Thebutcherr** · 03-12-2009, 08:53 PM

يا جماغة شكرا لردكو السريييع

انا كنت مستنى المعلم Speedربس هو بخلان عليا بردة بكلامه و خبرته و ايدى على كتفكوا اللى يعرف حاجة نفس المواصفات تكون 97 كدة و تكييف تتش و حركات يساعدنى و لو فى معرض متخصص مش حرامى يقوللى بس بلاش و النبى منيب و الناس اللى عايشة الوهم دى

محتاج اراء أكتر و كلام يحمسنى
نفسى اركب بى ام عايقة و نضيفة

انا مليش غيركو يا وحوش المنتدى الجامدين

**bimmeraddict** · 03-12-2009, 11:42 PM

بص لو بتحب الجري اللأوتو في الدبانة ال4سلندر تقيل أوي ,يعني لازم تجيب مانيوال أو أوتوماتيك بس 6 سلندر.
لو ما بتحبش الجري ملهاش لازمة تجيب دبانة ,هاتلك سيارة زيرو بكماليات وتكييف أحسن من البي ام.
بالنسبة لقطع الغيار الاستيراد فهي أحسن حاجة في البي ام يعني لو لقيت عفشة العربية تعبانة شوية بدل ما تغير جلب وبيض مقصات ومساعدين ب3000جنية تجيب عفشة كاملة استيراد بالمبلغ ده

**speed4speed** · 04-12-2009, 07:44 PM

الموضوع مش بخل فى المعلومات علفكره
انت لو بصيت فى القسم حتلاقى كل حاجه عن العربيه دى
مسألة تجيبها منين دا ملوش مقياس بس افضل حاجه انك تكلم سماسرة سيارات
خليك فى الموتور الاسود من 95 وانت طالع
انا مش عارف حضرتك عايز تعرف ايه عنها ؟؟

**د.محمود صلاح** · 04-12-2009, 08:56 PM

فيه واحدة فى كونتاكت كارز 97 اوتوماتيك تحفة

**mantoros** · 05-12-2009, 04:29 AM

سيدي الفاضل
احب اتكلم معاك لأني و الحمد لله صاحب خبرة جيدة في هذا الموضوع
اولا انا خلال ال15 سنة اللي فاتوا غيرت حوالي 5 سيارات و كلهم كانوا زيرو و لم ادخل في المستعمل و انا محسوك اكتر منك و بصرف بعبط علي السيارات
بدأت ب128 ثم 405 ثم كيا ريو كواترو 2004 ثم السوبارو 2006
و اخيرا و لاول مرة اشتريت مستعمل bmw 1997 من شهر و نصف و هذا بعد دراسة عنيفة 3 شهور لسوق البي ام و لموديل الدبانة بالذات لأنه في رأيي أروع موديل قدمته البي ام خاصة ال1997

شوف يا سيدي...........البي ام و مع انها مستعملة الا انها فعلا احساس و ركوبة و مذاق اروع من ايطالي او فرنساوي او كوري او ياباني...ببساطة لا يوجد لها مثيل...و انا اختلف مع الرأي ان ال1600 اوتو مخنوقة او تقيلة لانها جراية و بتشد و بتجري روعة..(انا لا اقل في قيادتي عامة عن 140 كم سرعة علي السفر و لا اقل من 100 داخل البلد كلما سمحت الطرق)
المهم انك تشتري سيارة مخدومة و مش متهانة و هذا محتاج وقت و بحث مكثف و لا تستعجل و شوف كذا واحدة و اكشف عليهم جيدا
متوسط سعر 1997 من 75 الي 80 الف حسب الحالة
و يستحسن ان تشتري من شخص كبير و محسوك مثلنا محافظ علي السيارة و طبعا يا ريت لو كان اول يد(يا ريت)
و عليك بالاستخارة و التأني
ستجد اعلانات جيدة علي كونتاكت كارز و لا تهتم بالاسعار المكتوبة.....وقت الشراء ستجد السعر كما قلته لك أخره 80 الف للممتازة.
كما عليك و علي الوسيط و لكن تجنب المعارض و التجار و عليك و علي البيوت و سياراتها كما فعلت انا و طبيعي مهما كانت الحالة ممتازة يجب ان تصرف كام باكو اضافي علي السيارة للراحة النفسية و التظبيط و السرفسة.

و ربنا يكرمك يا رب و طمنا عملت ايه

أخوكم

**speed4speed** · 08-12-2009, 01:06 AM

زمان كان بيتقال ان الى متجوزتش رشدى اباظه مازالت عذراء
واللى مسقش البى ام مركبش عربيات

**mantoros** · 08-12-2009, 03:05 PM

المشاركة الأصلية كتبت بواسطة Thebutcherr مشاهدة المشاركة

بجد يا رجالة مش عارف أقول اية
بارك الله فيكم
دكتور شامل شكرا جدا جدا جدا ليك بس معقولة الدبانة كيفتك اكثر من سوبارو امبيريزا 2006؟
الموضوع دة كبير اوى

يا فندم تحت امرك
والله انا عارف انه غريب بس البي ام فعلا عجبتني اكتر من السوبارو بس مش معني كدة انها احسن من السوبارو في كل حاجة....السوبارو برده فيها نقاط قوة مش في اي عربية تانية بس اجمالا و احساسا و تصميم خارجي و شياكة و حساسية السحب:البي ام تكسب.
بس الثبات و العمر(الاحدث) السوبارو تكسب.

و في النهاية........هذه اذواق و لكن الالماني بصراحة تشعر بالجودة في كل تفصيلة حتي لو سيارة مستعملة(بس متصانة)
و بالحق ......احيانا نادرة قد تجد سيارة لقطة موديل 1997 اخر الشكل و تكون ملهاش مثيل و دي ممكن يوصل تمنها ل 85 الف جنيه بس ده نادر و هو تقريبا الرقم الذي اضطريت ادفعه(تقريبا) في سيارة والد صديقي

و لكن اغلبية الاسعار او كلها كما قلت لك

ربنا يكرمك يا رب في واحدة ممتازة جدا و طمنا عملت ايه

**party_0000** · 08-12-2009, 03:14 PM

انا متابع الموضوع بس مع احترامي ليك ليه انتا قررت تبيع عربيتك مادام هيا كويسه ولقطه ؟ هل في حاجه في الموديل ده مشكله معينه والا لظروف خاصه ؟

**mantoros** · 08-12-2009, 04:29 PM

المشاركة الأصلية كتبت بواسطة party_0000 مشاهدة المشاركة

انا متابع الموضوع بس مع احترامي ليك ليه انتا قررت تبيع عربيتك مادام هيا كويسه ولقطه ؟ هل في حاجه في الموديل ده مشكله معينه والا لظروف خاصه ؟

من قال انني قررت ابيع عربيتي؟!
الوحيد الذي يجاوبك هو صديقي الذي يضغط علية بقاله شهر عشان يشتريها ب 85 الف و انا رافض
بس انا حطيت ليها اعلان لمدة ساعتين علي كونتاكت كارز لمعرفة مدي كفائة سوقها و لغيته بعدها بساعتان لما جالي اتصالات كتير و ناس عاوزة تخلص علطول......بصراحة دماغي زقزقت بس انا بجد مقدرش اتنازل عنها الا بقي لو حد قال سعر كبير اوي و كان غاوي و بينقط بطاقيته....ساعتها يمكن اضعف...و الله اعلم...خاصة انني صاحب عادة سيئة و هي تغيير السيارات.
علي اي حال لن ابيع بخسارة مليم واحد حيث انني لا اريد بيعها اصلا و انا اشتريتها ب 83 الف من شهران من والد صديقي و هو استاذ بالجامعة و صرفت اكتر من 2500 سرفسة و دلع و لن ابيع اقل من 85-86 الف بأي حال (هذا لو قررت اصلا اني افكر ابيع و هو شبه مستحييييل) فهي فعلا لقطة.ما شاء الله.
و ربنا يبارك للناس كلهم و يحفظ الجميع

و الله الموفق

**party_0000** · 08-12-2009, 08:50 PM

ربنا يوفقك لل فيه الخير
طبعا محدش يبيع ابدا بخساره لو مش مضطر

**mantoros** · 08-12-2009, 09:07 PM

ربنا يكرمك و يكرم الجميع يا رب

Comment

إعـــــــلان

.

أفيدونى فى e-36 مستعملة-أرجوكم!!!!دا أنا أخوكم!!!!

أفيدونى فى e-36 مستعملة-أرجوكم!!!!دا أنا أخوكم!!!!

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment