سؤال بخصوص الفرامل الى الاخوة بالمنتدى

[seko_66]

كنت عايز اسأل على حاجة حصلت معايا النهاردة وانا ماشى
على كوبرى التونسى وكانت ماشى حوالى 130 كم وبدوس
فرامل بس جامد عشان لقيت الطريق وقف مرة واحدة واللى
قدامى وقف برده لقيت ريحة تيل من ورة فببص لقيتها عندى
وكمان لقيت دخان طالع كأنى كنت بفرك فى الارض ودخان
اعد كتير شوية مثلا 20 ثانية كنت عايز اعرف ده من ايه
ارجو الافادة من الاخوة بالمنتدى والعربية m40 موديل 90
وشكرا جزيلا.

[seko_66]

معلش انا اسف عارف انى طولت عليكم عندى سؤال كمان انا عندى كمان بحس ان العربية مخنوقة اوى فى السحب بتعها معنى غيرت بوجيهات وفلاتر بس حاسس انها لسه مخنوقة وكمان الغيارات مش بتوصل لاخرها يعنى الاول بيجيب 50 كم والعربية بتفصل وبعدين التانى 90 كم وبتفصل والار بى ام بيفصل عند 5 او 5.5 هل ده يكون
الرشاشات عايزة تتنظف بالالترا سونيك معلش هتعبكم معايا انا عارف
بس اهو بستفيد من خبراتكم والف شكر وربنا يجعلوا فى ميزان حسنتكم .

[yoko]

الموضوع الأول ده عادي لإن غالبا العربيه زحفت جامد
والموضوع التاني أخبار الديسك والأسطوانه إيه

[seko_66]

يعنى الفرامل دى عادى والديسك والاسطوانة كويسين مفهمش حاجة يعنى فى المطالع كويسة بس المشكلة بقى فى سحبها وساعات وانا طالع او بقف او تكون بردة تعد ترعش وكانها هتطفى وساعات بحس ان سحبها حلو والاغلب وهى بردة.

[yoko]

معرفش ممكن تكون كهربى بدام إنت مظبط كل حاجة وهل بتغير زيت بإنتظام وجرب سائل تنضيف الرشاشات

[seko_66]

وكمان انا كنت ظبط co على الجهاز بس انا لسه مجربتش السائل ده بس دى ممكن تكون الرشاشات عايزة تتنظف وانا كمان اروح انظفها عند الراجل اللى فى المعادى كان فى كذا زميل من المنتدى اتعملوا معاه وبيقولوا شغله كويس والف شكر على المعلومات وفى انتظار المزيد .

[yoko]

العفوا وشوف كده وطمني

[ghazy12]

الرعشه دي ممكن تكون مشكلة كهرباء أو بطاريه (احتمال كبير جداا), كانت عندي قبل كده و كانت مشكلة بطاريه

بالنسبه للباقي, نظف فلتر الهواء, الرشاشات, شيك على طرمبة و فلتر البنزين (مهم الموضوع ده)...

[seko_66]

البطارية لسه جديدة جافة 70 امبير وفلتر البنزين لسه مغيره بس هجرب تنظيف الرشاشات ولو كده هتبقى الطرمبة وهطمنكم باذن الله .

[elm3lem_youssef]

طب أنا بس عايز أقولك على حاجه مش حتصدق أنها ممكن تكون سبب فى فصل الأنجيكشن بدرى

أخبار البلوف إيه ؟؟؟