سؤال لخبراء ال m3

[Hesham A.Megid]

من كام يوم شفت BMW M3 ملاكي اسكندرية ماشية وراية. هديت و خليته يعدي و فضلت ماشي وراه لحد ما ركن و مشى و نزلت أنا بقى ابص على العربية.

أخدت بالي من حاجتين خلوني شكيت إنها 316 عادية و هو اللي مغير فيها كل حاجة عشان يخليها زي ال M3 بالضبط. أولا السقف كان عدي مش carbon fiber و كان فيه sunroof. تاني حاجة إنها ماكانش فيها iDrive.

سؤالي بقى الحاجتين دول بينزلوا في كل ال M3 standard ولا دول optional؟

لو كانت فعلا 316 و هو اللي عامل كل ده يبقى شغل عالي قوي لإنه جايب كل حاجه بتاعت ال M3 من أول الجنوط لحد المرايات! بس يبقى تَضييع فلوس عالفاضي لو لسة فيها الموتور ال 1.6.

[farahat]

السقف ال-carbon fiber مش أساسي دة اوبشن ، و لكن ال-i-drive بينزل برة أساسي إلا إذا كان طلبها special عشان يوفر ، و إن كنت لا أعتقد بالعقلية المصرية إن في حد هيوفر في ال-I-Drive ،


بس عممنا البدي كيت ال-M-Sport موجودة و بتتباع مستقلة ، و سعرها بالمصري حوالي 90 ألف جنيه ، يعني ممكن أي حد يجبها و يركبها ، و دي شاملة التعديلات الخارجية و الداخلية ذي المقبض و الطارة و دواخل الكربون و غيرها

[Hesham A.Megid]

طب سؤال كمان, هي ال 316 ال coupe اللي في مصر في منها manual؟ عشان العربية اللي شفتها كانت manual.

[Hesham A.Megid]

إيه الصحراء دي؟! :d

[kareemhisham]

الm3 و الكوبيه مانيوال بس

[gundal]

معلش هو حضرتك بتتكلم عن m3 كوبيه موديل كام ؟؟

ولو 2003 تبقى بكام دلوقتي :) .. انا لقيت واحدة في اسكندرية جنوط 18 نيكل كروم بي ام اصلية .. وسلفر 3000 سي سي ب 120 الف.. هو ده سعر العربية ولا فيها حاجة ؟؟

[bishoy02010]

متابـــــع

[abo samra]

دى 316I كوبيه وحرام بصراحه موتور 1600 سى س على العربيه دى e92
حـــــــــــــــــــــــــــــــــــــــــــــــــ ــــــــــــــــرام
ثمن M3 =
1950000 جنيه مصرى فقط لا غير

[gundal]

معاك حق بس على فكرة انا اتأكدت وعرفت

انها 318i كوبيه معدلة m3

ولقيت واحدة m3 كاملة من المصنع كوبيه كابريوليه لونها أحمر وفرش أحمر ب 320 ألف .. كانت معروضة مش فاكر في موقع ايه والله
لو تهم حد فيكم يقولي :)

[BoPPoS]

متابع باهتمام

[A7medHeaders]

السقف ال-carbon fiber مش أساسي دة اوبشن ، و لكن ال-i-drive بينزل برة أساسي إلا إذا كان طلبها special عشان يوفر ، و إن كنت لا أعتقد بالعقلية المصرية إن في حد هيوفر في ال-I-Drive ،

السقف الـ Carbon Fiber فعلا بينزل اختياري, لكن الـ I-Drive بينزل ستاندارد من الـ330 لحد الـM3 ده بالنسبة لشكل الـE46 وبينزل من 316(الـExclusive) لحد الـM3 ده لشكل الـE92 يعني بتنزل كده من المصنع ومستحيل تكون فيه عربية واحدة M3 علي الكرة الأرضية موديلات E46 أو E92 مش عليها I-Drive..

طب سؤال كمان, هي ال 316 ال coupe اللي في مصر في منها manual؟ عشان العربية اللي شفتها كانت manual.

الـ316 كوبيه بتنزل مانيوال بس وعلي فكره الـM3 بينزل منها مانيول لو عايز فلو كانت العربية Exclusive فممكن تتلخبط ما بينها وما بين الـM3 عشان الـI-Drive لكن الكراسي بتكون مختلفة وكذلك العدادات وأشياء أخري..

معلش هو حضرتك بتتكلم عن m3 كوبيه موديل كام ؟؟

ولو 2003 تبقى بكام دلوقتي :) .. انا لقيت واحدة في اسكندرية جنوط 18 نيكل كروم بي ام اصلية .. وسلفر 3000 سي سي ب 120 الف.. هو ده سعر العربية ولا فيها حاجة ؟؟

عامله من 280 ألف لحد 360 ألف حسب الحاله..واللي بـ120 ألف دي معرفش ازاي 2003؟؟دا البي ام الـ330 عامله فوق الـ200 ألف أكيد دي فيها حاجة يا اما حضرتك فاكرها E46 وهيا E36..