افيدونى افادكم الله 316 موديل 1982

[taswos]

بسم الله الرحمن الرحيم
لو سمحت انا كنت عايز حد يكون فاهم يقولى اختار ايه
انا كنت خلاص نويت ومع انى مبحبش اخلف النيه بس مش عايز برضه اتهور واعمل حاجة ممكن تبقى مش صح
انا قدامى عربيتين واحده ايبيزا 93 حالتها فوق 80 % وواحده 316 موديل 82 كوبيه حالتها برضه فوق 80%
الاتنين موتور ممتاز عفشه حلوة مش راشه دوخل مفيهمش بارومه رخصهم قدامهم سنه
انا المنطقه اللى انا فيها شوارعها حلوة بس احيانا بتهور وانزل بيها شارع جمال عبدالناصر(جنب الحرفيين) من اوله لانى شغال هناك
وانا اسرتى كلنا على بعض اربعه (طفلين) فتنصحونى بإيه
الايبيزا ولا البى ام دبليو
وبالنسبه للسعر البى ام اعلى من الايبزا بالف
يارب اكون قدرت اوصلكم كل البيانات الل على اساسها هشترى


صورة البى ام

صورة الايبيزا

وكل واحده ليها مميزات عن اختها اللى انا كنت محتاجه نصيحة واحد فاهم بى ام لان ماشاء الله انا قريت كتير جدا عن الايبيزا والناس هنا هم اللى حببونى فيهاا فمحتاج حد يكون معاه بى ام او كانت معاه يدينى نصيحه اخويه

[taswos]

منتظر الردود يا جماعه انا عارف انكم اكتر ناس ممكن تفيدونى جزاكم الله خيرا

[taswos]

انا ان شاء الله هشترى يوم الاربعاء بإذن الله لو حد يقدر يدينى اى معلومات ياريت يفيدنى

[aymaym]

البى ام لو نضيفه
عضم وشاسيه وماتور مش هتلاقيهم ف الابيزا

[Ellawai]

في حالتك دي هاتلاقي قطع غيار البي ام متوفره شويه عن الايبيزا دي .. علشان الايبيزا دي قطع غيارها قليله شويه خصوصاً لو موتورها سيستم بورش

[taswos]

جزاكم الله خيرا وياريت لو حد عنده اى ملاحظات يفيدنا ويقول اللى فى نفسه
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[أبو إياد]

انا هاتكلم عن الموديلين دول بالذات مش النوع عموما
بالنسبه للبى ام >>>> (شارك) اتقل من الابيزا >>> (سيستم بورش) فى القياده
الشارك امان وثبات اكتر من السيستم بورش
القوه والتحمل لصالح الشارك
توافر قطع الغيار الاتنين متساويين (توافرهم ليس صعب لكن هتحتاج تتعب شويه فى الاول على ما تعرف خباياهم)
اسعار قطع الغيار بالنسبه للميكانيكا تقريبا واحد بالنسبه للاكسسوار الشارك اغلى

السيستم بورش = 1200cc
الشارك 316 = 1600cc
ياعنى استهلاك البنزين فى الشارك هايكون اعلى من السيستم بورش وضريبه اعلى طبعا

سعر اعاده البيع >>> الاتنين بيعهم مش سهل

[taswos]

الحمد لله قنت بشراء البى ام ماشاء الله موتور حالته ممتازة ويارب اكرمنى واغير اكصداماتها بحاجات شكلها ارقى شويه ان شاء الله

[أبو إياد]

الف مبروك وربنا يباركلك فيها ويكفيك شرها

[gamaladel]

ممكن اعرف جبتها بكام و الف مبروك

[taswos]

الله يبارك فيك والله انا ربنا بيحبنى الناس اللى اشريت منهم العربيه كانو ناس زى الفل والحمد لله خلصت فيها على 23000 ومحتاجه بس شوية مصاريف نثريه ان شاء الله ميعدوش ال2000 جنيه
واى سؤال انا نحن امركم وانا بإذن الله بعد ما اظبطها هبقى ارفع صورها هنا بعون الله
تحياتى للجميع

[ali.mahmoud]

الف مبروك..

[waelms3]

سؤال

الف مبروك وربنا يديك خيرها ويكفيك شرها
معلش يا باشا هى مويل كام وسالت ترخيصها بكام

[taswos]

الحمد لله بعتها بمكسب مقبول ومعقول جدا واشتريت اختها بس موديل 83 احمر دم غزال e30 ماشاء الله لاقوة الا بالله احسن من اللى فاتت لحد دلوقتى (ركبت ديفل غيرت طرمبة الميه ظبطت المارش غيرت سيور شحنت التكييف ودواسات وركبت فلتر سبور بس فاضل اعمله ماسورة علشان هو كده ملوش لازمة)
وان شاء الله فاضل شوية تعديلات خفيفة فى المنظر بتاعها يعنى عايز اركب طقم صوت احلى من اللى موجود او اكبر فيه
اركب ان شاء الله كراسى ريكارو لانهم عاجبينى قوى وأحاول اخلى حد بيفهم يظبطلى اى حاجة فى التابلوه لانه شكله تقليدى جدا
انا اتكلفت لحد دلوقتى فوق تمن العربيه 700 جنيه وفاضل ان شاء الله حوالى 2000 وهتبقى بعون الله عروسة
وربنا يعينى واغيرلها عفشة بواحده كونى سمعة انها بتحلى العربيه احلى بكتير