اسئلة عن bmw من 92 الي 94

[mohamed_rhem]

السلام عليكم ورحمة الله وبركاته

اولا انا حابب اعرف كل حاجه عن الموديل ده الشهير بالدبانة

طبعا انا امكانياتي متواضعه من 60 الي 70 الف

وعرفت ان في مواتير بيضاء ومواتير سوداء (زي المرسيدس المعدله) اعتقد السوداء افضل لكن ممكن تكون مكلفة الله اعلم

وكمان عرفت ان في عربيات ملحومة نصين

انا عايز اعرف ايه اخبار العربية ده

من حيث السعر والحالة

فيها مشاكل في الفتيس الاتوماتيك

اسعار قطع غيارها ايه؟ الجديد والاستيراد الميكانيكية الشاطرين قرب حدائق القبة او مدينة نصر

مين يكشف عليها؟

ايه مشاكل الموديل ده وده تحيز

الضريبة واستهلاك البنزين

شكرا واسف للاطالة

[speed4speed]

حضرتك بتتكلم عن ال 4 سليندر
على العموم انت ممكن جيب واحدده 95 او 96 ب 65 الف ( المكنه السوده )
بخصوص العربيات الملحومه نصفين انا مش فاهم قصد حضرتك ايه
الدبانه عامة جميله جدا و ثابته ثبات من رعد و صاجها جامد
و مفيش مشاكل فى الفتيس الاوتو
المشاكل فى المواتير البيضه كتير
بتاكل كامات و بتسخن ( لازم تكون عربيه نضيفه علشان متتعبكش )
قطه الغيار غاليه نسبيا و معمره جدا يعنى مثلا تيل الفرامل امامى اصلى ب 500 ج
استهلاك البنزين بيكون تقريبا 200 الى 230 ك فى الصفيحه و على حسب استخدامك

[mohamed_rhem]

حضرتك بتتكلم عن ال 4 سليندر
على العموم انت ممكن جيب واحدده 95 او 96 ب 65 الف ( المكنه السوده )
بخصوص العربيات الملحومه نصفين انا مش فاهم قصد حضرتك ايه
الدبانه عامة جميله جدا و ثابته ثبات من رعد و صاجها جامد
و مفيش مشاكل فى الفتيس الاوتو
المشاكل فى المواتير البيضه كتير
بتاكل كامات و بتسخن ( لازم تكون عربيه نضيفه علشان متتعبكش )
قطه الغيار غاليه نسبيا و معمره جدا يعنى مثلا [gdwl]تيل الفرامل امامى اصلى ب 500 ج[/gdwl]
استهلاك البنزين بيكون تقريبا 200 الى 230 ك فى الصفيحه و على حسب استخدامك

شكرا يا باشا علي الرد

بس كده الاسعار غالية جدا لو التيل ب 500 جنيه ياتري الطنابير بكام؟

طيب ايه الفرق بين i316 و 318i

علشان انا شايف اللفارق الموتور 1600 و1800

هو الموديل ده في حسسات؟

ياريت لو تعرف امثلة لباقي قطع الغيار وهل كله اصلي واخبار الاستيراد ايه؟

شكرا

[OmarElsalhy]

انا معايا دبانة E36 موديل 92 استيراد جايبها في شهر 10 الي فات ب 70 الف (عشان استيراد) 1600cc يعني الموتور ال M40 4 clynder
مع العلم انك ممكن تجيب واحدة ب 60 الف بس الله اعلم حالتها ايه
انا تاني ايد هنا في مصر العربية في الاول كانت جامدة بعدين حصل فيها شوية مشاكل كده
وانا ماكنتش عارف حد اصلح عنده العربية فبصراحة اتبهدلت وصرفت مصاريف كتير من غيرداعي بس انا ممكن اقولك شوية حاجات من الخبرة القليلة الي عندي
قطع الغيار مش غالية ودي اسعار شوية حاجات:
1- فانوس امامي استيراد 325 جنية
2- فانوس خلفي استيراد 200 جنية
3- مروحة موتور (اصلي) 130
4- فلتر بنزين 120
5- فلترهواء (اصلي) 90
6- سير كاتينة (اصلي) 120
7- سير دينمو (اصلي) 45
8- سير تكييف (اصلي) 55
9- سير باور(اصلي) 35
10 - بارات دركسيون (اصلي) 600
11- air mass flow meter استيرد 500
12 ديسك واسطوانة دبرياج ( ايطالي) 1050
13 - طرمبة باور استيراد 450
14- ماستر فرامل 110
15- جوان غطا التاكيهات(اصلي) 125
16- كامة للتاكيهات (اصلي) 1250
17- طقم بلف كاتينة (اصلي) 850
18- طقم شاكوش تاكيه (اصلي) 800


انا اتسكيت كتييير عند ناس في الحرفيين معرفش انا ظروفي كانت كده ولا العربية هي الي كان فيها حاجات ولا هما الي نصابين المهم انت في واحد جانبك في شارع دمشق اسمه محمد رابسو وعنده ورشة في الماظه ولو فيه اي استفسار انا تحت امرك




العربية ميه ميه وانا بعشقها البي ام بي ام برضه ياباشا

[mohamed_rhem]

الف الف شكر يا عمر باشا

شكرا علي ردك

واعتقد انها حتكون اختيار مناسب انشاء الله

[TheBuccaneer]

حضرتك بتتكلم عن ال 4 سليندر
على العموم انت ممكن جيب واحدده 95 او 96 ب 65 الف ( المكنه السوده )
بخصوص العربيات الملحومه نصفين انا مش فاهم قصد حضرتك ايه
الدبانه عامة جميله جدا و ثابته ثبات من رعد و صاجها جامد
و مفيش مشاكل فى الفتيس الاوتو
المشاكل فى المواتير البيضه كتير
بتاكل كامات و بتسخن ( لازم تكون عربيه نضيفه علشان متتعبكش )
قطه الغيار غاليه نسبيا و معمره جدا يعنى مثلا تيل الفرامل امامى اصلى ب 500 ج
استهلاك البنزين بيكون تقريبا 200 الى 230 ك فى الصفيحه و على حسب استخدامك

أنا حبيت بس اعقب على كلامه. انسى انك بال 65000 تشترى BMW 1995, 1996 بحاله كويسه وكمان موتورها 2500 أو 2000 أنا فيه واحد عارض BMW 1996 1600cc M3 in/out Full options ب 97000 جنيه , بدون الموتور طبعا لأن الموتور لوحد يبدأ من 30000 جنيه ل 40000 حسب موديل الموتور و سعته. ب ال 65000 ده تشترى بداية من 1992و 1993و 1994 بس الأكيد ممكن 1993 غير كده يبقى الأستاذ ده بيحلم.

الموتور الأسود ده لوحده ب 8000 أو 9000 جنيه معنى كده بقى أن ال 1996 أو 1995 على كلامه ب 59000 من غير موتور 2500CC . والله برافو هى الناس كلها بقت حريفة BMW

[OmarElsalhy]

أنا فيه واحد عارض BMW 1996 1600cc M3 in/out Full options ب 97000 جنيه , بدون الموتور طبعا لأن الموتور لوحد يبدأ من 30000 جنيه ل 40000 حسب موديل الموتور و سعته. ب ال 65000 ده تشترى بداية من 1992و 1993و 1994 بس الأكيد ممكن 1993 غير كده يبقى الأستاذ ده بيحلم.

الموتور الأسود ده لوحده ب 8000 أو 9000 جنيه معنى كده بقى أن ال 1996 أو 1995 على كلامه ب 59000 من غير موتور 2500CC . والله برافو هى الناس كلها بقت حريفة BMW

بعد اذنك انا كان بس ليه استفسارات كده
1- إزاي العربية تبقي M3 و 1600cc الي انا اعرفه انها 3000cc تمام الا اذا كانت E36 معدلها M3. واعتقد ان كده العربية مبالغ فيها اوي (يعني واقفة بعد الموتور ب 127000 الف ؟؟؟؟؟؟؟؟؟؟؟؟؟)
2- انت بتتكلم علي سعر المواتير (30000 - 40000 ) دي مواتير ايه وجديده ولا اديمه.
3- الموتور الاسود لوحدة 8000 - 9000 ده معاه حاجة يعني بمشتملاتة (فتيس, الفرن , etc) ولا stand alone. ولو كده يبقي سعره ومعاه كل حاجة كام لو واحد زيي كده عايز يعدل من موتور M40 ل موتور اسود 2500cc او 3000cc
4- انا سمعت عن موضوع العربيات الملحومة نصين دي وان فيها مشاكل بس ماعرفش ايه ولو فيه حد عنده معلومات في الموضوع ده ياجماعة يفيدنا.



وشكرا مقدما

[TheBuccaneer]

اولا العربية E36 معدله M3 من الداخل ومن الخارج فى ال options يعنى مش عليها الموتور ال M3. و دلوقتى الشخص ده بيتكلم فى 100000 جنيه فى العربية.
بالنسبة للأسعار ال 30000 الى 40000 جنيه ده بتكون أسعار المواتير جديده يا باشا اللى هى ال S50, S52, S54 فى موضوع انا كنت كتبت عنه عن المواتير ده

http://www.nilemotors.net/Nile/127560-m3-engine-prices.html

ادخل على اللينك ده و أنت تشوف الموضوع بالأضافه الى رد به أنواه المواتير ال 1600 و ال 1800.
الموتور الأسود ده اسمه الأصلى M52 او M54. السعر للموتور بكامل متعلقاته من 6000 الى 9000 على حسب السعه 2000cc, 2200cc, 2500cc, 2800cc, 3000cc
فى نفس الموضوع بالأعلى هتلاقى أنواع المواتير ده وقدرتها الحصانيه.
بالنسبة لموضوع السيارات الملحومة ده حضرتك عاوز تعرف ايه بالضبط, وفيه لحام انواع ممكن يكون اللحام فى حوض الموتور ولا سيارة ملحومة نصفين. حضرتك عاوز تسأل عن انه لحام بالضبط؟

[OmarElsalhy]

ألف شكر ياباشا انت كنت قولت انك عشان تعدل وتسقط موتور هتغير العفشة وتجيب عفشة 6 سلندردي هتتكلف كام ومين كويس اجيب من عنده الموتور والعفشة مع العلم ان الجنوط الي معايا دلؤتي 5 مسمار.
ولو تعرف تقولي ايه هي بالظبط المتعلقات بتاعت الموتور الي هسقطه والي انا محتاج اجيبها عشان عشان تتعمل بنجاح.
ولو ينفع ابيع الموتور والحاجات القديمة ولا لأ
ارجوالتوضيح وشكرا

[TheBuccaneer]

ألف شكر ياباشا انت كنت قولت انك عشان تعدل وتسقط موتور هتغير العفشة وتجيب عفشة 6 سلندردي هتتكلف كام ومين كويس اجيب من عنده الموتور والعفشة مع العلم ان الجنوط الي معايا دلؤتي 5 مسمار.
ولو تعرف تقولي ايه هي بالظبط المتعلقات بتاعت الموتور الي هسقطه والي انا محتاج اجيبها عشان عشان تتعمل بنجاح.
ولو ينفع ابيع الموتور والحاجات القديمة ولا لأ
ارجوالتوضيح وشكرا

بالتأكيد عشان تعدل لازم تجيب عفشه 6 سليندر لأن الموتور أساسا 6 سليندر, هو مش ضرورى لكن اذا كنت عاوز تعمل شغل 100% تمام يبقى لازم العفشه, العفشه اللى معاك ممكن تنفع لكن اعتقد بنسبة 90% أنها هتتلف بسرعه لأن العفشه ال 4 سليندر هتكون خفيفه و هيكون عزم الموتور جامد عليها + وزنه اللى تقريبا بيزيد عن 140 كيلو ده. العفشه تقريبا تتكلف 4500 جنيه جديده. نصيحة لك عاوز تشترى عليك وعلى بورسعيد لأن حتى التجار اللى فى الحرفيين بيشتروا من هناك, عالعموم أنا هسأل لك واحد ميكانيكى معرفة فى الحرفيين, هو معاه هوندا سيفيك 1999 و بالرغم من أنه شغال فى واحده من أكبر شركات التصليح فى الحرفيين الا أنه بيشترى حاجات سيارته من بورسعيد عشان كده أنا بنصحك تشترى من هناك. ممكن اسأل لك فين بالضبط هناك و كده. بالنسبه للمتعلقات هو اللى أنا اعرفه ان الموتور بمتعلقاته ال 2500cc بيتكلف 8000 جنيه, بالنسبه لل 2800cc و ال 3000cc أنا لا اعرف سعرهم!
بالنسبة لبيع موتورك و عفشتك القديم يؤسفى اقول لك أن مش هتلاقى حد يشترى الحاجات ده منك على الرغم من أنها ممكن تكون حالتها ممتازه, وممكن تكون كمان لسه شاريها من أسبوع لكن التجار مش بيعترفوا بالحاجات ده على الرغم من شغل الأستيراد كله قائم على شراء عربيات حوادث. الا أنك مش هتلاقى حد خالص يشترى منك الموتور والحاجات اللى عندك, معلش لكن 100% الكلام اللى أنا قولته لك صحيح.

[OmarElsalhy]

شكرا ياباشا ومنتظر ردك

[marwan_147]

موضوع مفيد وجيد

[mo7amed3afifi]

ادخل على اللينك ده و أنت تشوف الموضوع بالأضافه الى رد به أنواه المواتير ال 1600 و ال 1800.

تسلم ياباشا علي الموضوع الجامد واللينك الاجمد
انا عايز اسقط الموتور m42 في عربيتي e36 1992 m40 يعمل كام بالفتيس الاوتو تقريبا ؟؟؟
وهل بيحتاج تغير حاجة في العفشة او الشكمان؟؟
وجزاك الله كل الخير

[TheBuccaneer]

لأ يا باشا مش هيحتاج لتغيير فى العفشة خالص لأنه 4 سليندر, تغيير العفشة فقط بيكون فى حالة ال 6 سيلندر و ال 8 سليندر عشان تضمن انك تعمل شغل سليم 100%. الأتوماتيك مش عارف له سعر لأن فيه انواع فتيس اتوماتيك بتكون جامدة جدا و بتكون شحيحة مش موجوده يعنى هتدوخ عشان تلاقيها طبعا بتتكلم فى الوقت ده فى مبلغ مثلا 3000 فى انواع الفتيس ده, لكن إذا كان عادى ممكن يعمل تكلفة 5000 جنية على حد اعتقادى, عالعموم انا هسأل لحضرتك. و هبلغك بالرد.

بالنسبة للأستاذ OmarElsalhy معلش و الله تأخرت عليك فى الرد لكن أنا كنت مشغول جدا اليومين اللى فاتوا لكن إن شاء الله غدا أو بعد غد بالكتير و هكتب لك الرد.

[mr_sameh]

موضوع مفيد جدا