مشكله رهيبه فى الموتور (316 موديل 83 موتور 1800 is ( e30

[taswos]

بسم الله الرحمن الرحيم

انا معايا بى ام 316 موديل 83 موتور اى 30 ال 1800 اى اس
انا عندى العربيه فيها مشكله غريبه وطلعت عينى
المشكله ان العربيه مكتومه على الرابع يعنى ماشاء الله الثالث بيجيب 100 ولما اديلها الرابع بتموت وبتنزل لحد ال60 والله 60
ولما تدوس بنزين تحس ان العربيه مش قادره تتنفس
غيرنا طرمبة بنزين و فلاتر وسيور وغيرنا الهيد اللى تحت وبوجيهات وموبينه ومبحطش غير بنزين 90 و 92 ومش عارف ايه الحكاية
فياريت لو كان حد حصلتله المشكله دى قبل كده يقولى عمل ايه؟؟
انا مفضلش غير الرشاشات والعلبه اللى بيخرج منها المواسير اللى بتطلع بنزين ومش عارف اعمل ايه انا لحد دلوقتى صارف اكتر من 1500 جنيه
فياريت حد يقدر يفيدنى وخصوصا انى دلوقتى فى مكان بعيد جدا جدا جدا عن اقرب ميكانيكى بيفهم فى البى ام
او لو حد يعرف ميكانيكى وحد بتاع قطع غيار فى الاسماعيليه او بورسعيد انا ممكن اسافرله واللى يحصل يحصل؟؟؟
ياريت حد يقدر يفيدنى
جزاكم الله خيرا

[TheBuccaneer]

طيب هو حضرتك بتتعامل مع ميكانيكى فين اصلا. وإذا كنت موجود بالقاهرة الحرفيين موجودة بدل السفر إلى بورسعيد أو الأسماعيلية. عالعموم هو طبعا لو حضرتك فكرت فى السفر يبقى بورسعيد بدون نقاش. عالعموم لو حضرتك هنا فى القاهرة ممكن ادل حضرتك على ميكانيكى فى الحرفيين كويس ممكن يكون عنده الحل. و إذا لم تجد اية حلول, أو إن الحلول هتكون مكلفة, نصيحة من أخ تشترى موتور جديد أحسن هيكلفك تقريبا 4000 الى 5000 جنية.

[taswos]

انا والله فى رفح والمسافه كبيرة انى اخدها بالعربيه للحرفيين فبورسعيد والاسماعيليه
طيب ياجماعه هو فى موتور 1600 يكون قوى ويكون برضه سعره حنين ؟؟؟؟؟؟

[TheBuccaneer]

انا والله فى رفح والمسافه كبيرة انى اخدها بالعربيه للحرفيين فبورسعيد والاسماعيليه
طيب ياجماعه هو فى موتور 1600 يكون قوى ويكون برضه سعره حنين ؟؟؟؟؟؟

الله يعينك, مسافة كبيرة فعلا. هو ال m40 1600 او ال 1800 تقريبا هيتكلف من 4000 الى 5000 جنية.

[taswos]

طيب انا عايز اسأل هو الموتور اللى فى العربيه ينفع ابيعه ولا مشكله فى بيعه
والسعر ده هل هو بيبقى بالميكانيكى ولا لأ؟؟؟

[marshello]

متابع باهتمام....
ورنا يوفقك وتحل المشكلة دى انشاء الله

[TheBuccaneer]

طيب انا عايز اسأل هو الموتور اللى فى العربيه ينفع ابيعه ولا مشكله فى بيعه
والسعر ده هل هو بيبقى بالميكانيكى ولا لأ؟؟؟

بدون تجمل هيكون من الصعب إن حضرتك تبيع الموتور ده, خصوصا إذا كان هو السبب فى المشكلة اللى موجودة عند حضرتك مش هتلاقى حد يشتريه من حضرتك لأن اللى هيشتريه عشان يعمل له صيانة ( عمره ) بثمن الصيانة يشترى موتور جديد أحسن. ال 4000 الى 5000 اعتقد إنه بثمن الميكانيكى لأن ال m40 ال 1600 سى سى بيتكلف 4000 جنية يعنى اعتقد أقل من 4500 بأجرة الميكانيكى. إما ال 1800 سى سى ممكن يتكلف 4500 أو 5000 بدون الميكانيكى يعنى ممكن 5500 بأجرة الميكانيكى. أما فيه ال m43 وده الموجود بالسيارات ال e36 ما فوق ال 1992 ده بيتكلف من 6000 الى 6500 + الفتيس + الكونترولات بدون أجرة الميكانيكى, وده طبعا كفاءة أحسن من ال m40 لأن ال m40 على حسب كلام أشخاص كثير بيسخن و بيستهلك كامات.