سؤال خفيف : عن ارقام الموديلات في البي ام ... اصلي اتلخبطت...

[M.Osman]

اول استفسار ليا في قسم البي ام ..
و بما إني من عشاق البيمر فمحتاج اعرف من حضراتكم الآتي و/او تأكيده :

السؤال :
ما هي دلالة الأرقام e20 ؟؟ و ما شابه ؟؟

انا اللي اعرفه عن البيمر ان لو عربية فئة خامسة بمحرك 3 لتر يبقى موديلها 530

مش كدا برضه ؟؟

لكن نقطة الـe20 و e21 (كمثال) مش واضحة بالنسبة لي ...

شكراً مقدماً على الرد :)


---------------
تم تعديل العنوان
مشرف الأوروبى 1أ
---------------

[3ateef]

متابع.....

[TheBuccaneer]

اول استفسار ليا في قسم البي ام ..
و بما إني من عشاق البيمر فمحتاج اعرف من حضراتكم الآتي و/او تأكيده :

السؤال :
ما هي دلالة الأرقام e20 ؟؟ و ما شابه ؟؟

انا اللي اعرفه عن البيمر ان لو عربية فئة خامسة بمحرك 3 لتر يبقى موديلها 530

مش كدا برضه ؟؟

لكن نقطة الـe20 و e21 (كمثال) مش واضحة بالنسبة لي ...

شكراً مقدماً على الرد :)


---------------
تم تعديل العنوان
مشرف الأوروبى 1أ
---------------

يا باشا, ال 316, 318, 320 الخ.... الرقم اللى موجود بأقصى الشمال يعبر عن الفئة, ثم الرقمين التاليين يعبروا عن سعة الموتور و فى بعض الأحيان قد تجد أن سعة المحرك قد تختلف عن ما هو مكتوب على سبيل المثال ال E46 318 سعة محركها 1895 سى سى و ليس 1800 سى سى فقط. بالنسبة للجزء المستفسر عنه و الذى هو ماذا يعبر الرمز E21, E30, E36 الخ التفسير بسيط هذا الرمز يعبر عن شكل السيارة بمعنى ان الفئة 3 منها ما هو 316 و منها ما هو 318 و منها ما هو 320 الخ الفئة الثالثة بها أشكال عدة و حتى تستطيع التعرف على شكل السيارة الخارجى فما عليك الا استخدام الرمز يعنى أنا أول اما ابلغ حضرتك ان اشتريت E21 باية سعة محرك 16, 18, 20 الخ... تعرف انى بكلمك على الفئة ال 3 الشكل ده الموجود بالصورة

اما اقول لك انى اشتريت E30 باية سعة محرك 16, 18, 20 تعرف أنى بتكلم على الفئة ال 3 الشكل ده و اللى موجود من سنة 1984 الى 1991


اما اقول لك انى اشتريت E36 يأية سعة محرك 18, 20, 25 تعرف انى بتكلم عن الفئة ال 3 على الشكل ده



و هكذا فى بقية الفئات. فهذا الرمز لتسهيل التعرف على عدة أشياء منها اولا الشكل, الفئة فعندما اقول لك E21, E30, E36, E46, E90 تعرف انى اتكلم عن الفئة الثالثة بالأضافة انك تستطيع التعرف على الشكل, اما نتحدث عن ال E34, E39, E60 تعرف انى اتكلم عن الفئة الخامسة و تستطيع ايضا التعرف على الشكل الخ..., و اخيرا تستطيع تخمين موديل السيارة على سبيل المثال الشكل ال E30 هو خاض بالفئة الثالثة بداية من 1984 تقريبا الى 1991, و عندما نتكلم عن ال E36 تعرف ان هذا الشكل الفئة الثالثة بداية من سنة 1991 الى 1998 الخ... فى بقية الفئات.
ارجو أن اكون قد وضحت لحضرتك بشكل جيد.

[ali.mahmoud]

تمام كده يا باشا هى بتبقى حسب الموديل يعنى لو e21 تبقى من موديل السبعينات ل 1984 وبعد كده بتبقى ال e30 اللى هى من 1984 الى 91 وهكذا ولو عايز تعرف بالظبط الانواع دى خش على قسم البى ام وهتلاقى موضوع مثبت فيه ومكتوب فيه كل حاجة بالتوضيح وشكرا

[M.Osman]

ألف شكر ليكم يا شباب...
يعني الـEXX ما هو إلا دلاة على shape معين ..
زي ما بنقول اللانسر من 2003 اسمها بومة ... ممكن نقول البي ام الفئة الفلانية (بغض النظر عن السعة) اسمها EXX

[د.محمود صلاح]

شكراً للمعلومات TheBuccaneer باشا