اريد مساعدتكم فى شراء سيارة BMW 316i

[vip1985]

السلام عليكم ورحمة الله وبركاته

بجد بارك الله فيكم كلكم .. انا شايف هنا المساعد والخبرة والأحترام موجود بين الأعضاء وكل المنتدى

لأنى قرأت كل المواضيع الخاصة بقسم البى ام دبليو ... وهنـا سؤالى

انا معايا لانسـر 2007 وكنت ناوى اغير وأشترى تويوتا كورولا 2010 او سكودا 2010 ( كان زمان طبعاً )

بس انا كان حلم حياتى وأعتقد انه حلم الجميع انه يركب سيارة الرفاهية بى ام دبليو

بس انا المشكلة انى جديد فى عالم البي ام والى كان مخلينى بعيد اكتر انى مكنتش اعرف ان فى فئة فى بى ام دبليو سعة المحرك 1600 سي سي .. كنت فاكرها كلها 1800 و2000 سي سي وطالع عشان كده مكنتش بفكر فيها

بس الحمد لله انا فى موديل بسأل فيه بقالى كام شهر وهوه 316i

سعة المحرك 1600 سي سي

لأن زى منتوا عارفين الضريبة عندنا فى مصر الله وأكبر ....

والى استقريت عليه من المنتدى هوه :

ان النوع ده كان مش بينزل منه اتوماتيك .. كان دايماً الجير مانيوال ( يدوى ) بس الأصدار الى جى 2010 هيكون اتوماتيك .. ده الى انا فهمته من مواضيع المنتدى .. تمام ؟

وأتأكدت شوية من الخبر .. بس مش عارف مدى صحته من الرابط ده

ContactCars | BMW بى ام دبليو - 316i 316i - 1.6 F/O A/T Exclusive - 268,000 - 2010



غير انى عاوز اشوف شكل العربية يا جماعة هل هى فعلاً الى فى الصفحة ديه ولا لأ ؟

لأنى عانيت انا وجوجل ومالقتيش صور لـ 316i

لسنة 2010 خالص ... بس شوفوا كده الموقع ده

أعتقد ان هيا ديه ؟؟؟ ولا ايه ؟؟

Bilfakta - Allt om Motor


ومعلش يا جماعة انا عارف بطول عليكم بس الواحد مش بيشترى عربية كل يوم وانا مش من النوع الى بيحب يغير كل سنة او 2 وكده .. وبي ام طبعاً .. يبقي الموضوع كده تمام

انا عاوز اعرف سعرها كام لو كانت فل اوبشن واتوماتيك ..
يعنى لو فيها فتحة سقف وiDrive
وكل الكماليات ديه تعمل كام ..
ولو من غير الـ iDrive
تعمل كام ؟؟؟

بأختصار شديد .. 316i
فل اوبشن - فتحة سقف - iDrive
وكل الكماليات ولو ينفع يركبلها جناح خلفى .. الى بيكون على الشنطة ولا ديه مش فى بي ام دبليو .. معلش انا قولت انى جديد ..

وسؤال اخير يا جماعة انا بسمع ان طراز العربية بتاع السنة بينزل فى شهر اكتوبر من السنة الى قبلها

بمعنى ان 316i لسنة 2011 هينزل فى اكتوبر 2010 .. صح ولا غلط ؟؟ انا بسأل عشان لو كده انا ممكن استنى كام شهر وأجيب اصدار السنة الجديدة .. ولا تنصحونى بأيه

وايه هوه الـ facelifted

سمعت كتير من اعضاء المنتدى بيتكلموا هوه الأصدارالجديد فيه facelifted ولا لأ .. وانا مش فاهم

ياريت الى عنده نصيحة ما يبخلش عليا يا جماعة .. منتظر ردودكم ووفقكم ووفقنى الله

كان الله فى عون العبد مادام العبد فى عون اخيه

والسلام ختام ... السلام عليكم

[wael17]

اهلا بك يا باشا في المنتدي....
انا مرت بنفس الكلام اللي انت قلت عليه و الحمدلله وصلت لقرار مناسب بفضل هذا المنتدي...
انا كمان نفسي اركب بي ام و من حوالي شهر كنت باسال الناس في المنتدي ايه الاحسن سعرها 240 الف316 ولا فانتازيا هاي لاين 200 الف جنيه
و طبعا نسبة كبيرة من الناس كانوا بينصحوني ب اوكتافيا عشان الكماليات و كمان نقطة الضعف الشهيرة بتاعة 316 انها كانت مانيوال و بصراحة هتبقي حاجة تكسف ان الواحد يدفع مبلغ كبير زي ده و برده يبقي راكب مانيوال
طبعا نزول 316 الجديدة اوتوماتيك بدون زيادة السعر خلاني اغير راي و الحمدلله انشاء الله هاجيب 316 بس هاستني كم شهر و اجيب موديل 2011
خلي بالك لو انت هاتجيب 316 اوتوماتيك هتلاقي ناس كتير تقولك بلاش...البي ام ماتتركبش غير 320 فما فوق... والعربية الاوتوماتيك هتبقي بطيئة جدا و هاتجيبب سرعة 100 في 12 او 13 ثانية و كلام من ده...
طبعا لو انت بتاع شد و سرعة يبقي اسمع كلامهم و بلاش 316 اوتوماتيك
انا بصراحة لا بتاع شد ولا عمري شغلت نفسي العربية هاتجيب 100 بعد 10 ثواني ولا 11 ثانية فالحكاية دي مش فارقة معاية
(بالمناسبة من كتر ما قريت هنا عن مقارانات السيارات و دي بتجيب 100 في 7 ثواني و دي في 8.5 طلع في دماغي اجرب السبيرانزا بتاعتي علي المحور و اشوف هاتعمل ايه....قرصت علي النقلات علي الاخر و كان نفسي اوصل 100 في 6 ثواني زي الفئة الخامسة بس للاسف فرقت حاجة بسيطة و الحمد لله وصلت 100 بعد 25 ثانية...يعني لو البي ام 316 الاوتوماتيك هاتجيب 100 في 13 او 14 او حتي 15 ثانية انا برده هاحس بفرق عن العربية اللي معايا
النقطة التانية
مفيش 316 ب اي درايف ولا فتحة سقف ولا حتي ينفع تركبهم في التوكيل الاي درايف في ال 320 وانت طالع
ال 316 الاوتوماتيك نازلة بريميم ب 239900 و اكسكلوسيف ب 268000 و الفرق بينهم مرايات بتقفل كهربا و كروز كنترول

بالنسبة لل facelift
ده تغير بسيط في شكل السيارة الامامي (لحد دلوقتي مش قادر اميزه) و تغير في شكل الفوانيس الخلفية(ده واضح و الجديد احلي من القديم) التغير ده اتعمل في 2008 او 2009
لو عايز تشوف صور و الوان و شكل العربية مجسم من بره و من جوه ماتتعبش نفسك و اتفرج هنا في موقع بي ام مصر
BMW Egypt
هتلاقي معلومات و خواص السيارة و اسعار و حتي كتالوج السيارة هتلاقيه في ملف بي دي اف

و لو عايز اي اسئلة او استفسارات تحت امرك
والف مبروك مقدما

[party_0000]

تمام كدا يازعيم وفعلا ال بي ام افضل اختيار

[vip1985]

شكراً قوووى يا وائل على المعلومات القيمة ديه

و كمان نقطة الضعف الشهيرة بتاعة 316 انها كانت مانيوال و بصراحة هتبقي حاجة تكسف ان الواحد يدفع مبلغ كبير زي ده و برده يبقي راكب مانيوال
طبعا نزول 316 الجديدة اوتوماتيك بدون زيادة السعر خلاني اغير راي و الحمدلله انشاء الله هاجيب 316 بس هاستني كم شهر و اجيب موديل 2011

انا كمان ان شاء الله هستنى الأصدار الجديد لسنة 2011 وان شاء الله طالما السعر واحد او متقارب يبقي مافيش مشكلة

خلي بالك لو انت هاتجيب 316 اوتوماتيك هتلاقي ناس كتير تقولك بلاش...البي ام ماتتركبش غير 320 فما فوق... والعربية الاوتوماتيك هتبقي بطيئة جدا و هاتجيبب سرعة 100 في 12 او 13 ثانية و كلام من ده...
طبعا لو انت بتاع شد و سرعة يبقي اسمع كلامهم و بلاش 316 اوتوماتيك
انا بصراحة لا بتاع شد ولا عمري شغلت نفسي العربية هاتجيب 100 بعد 10 ثواني ولا 11 ثانية فالحكاية دي مش فارقة معاية
(بالمناسبة من كتر ما قريت هنا عن مقارانات السيارات و دي بتجيب 100 في 7 ثواني و دي في 8.5 طلع في دماغي اجرب السبيرانزا بتاعتي علي المحور و اشوف هاتعمل ايه....قرصت علي النقلات علي الاخر و كان نفسي اوصل 100 في 6 ثواني زي الفئة الخامسة بس للاسف فرقت حاجة بسيطة و الحمد لله وصلت 100 بعد 25 ثانية...يعني لو البي ام 316 الاوتوماتيك هاتجيب 100 في 13 او 14 او حتي 15 ثانية انا برده هاحس بفرق عن العربية اللي معايا

انا عارف لأنى لاحظت ان فى اعضاء كتيير بيتكلموا فى الموضوع ده

وعلى فكرة برده انا كنت قرأت مواضيع فى المنتدى عن الكلام ده بتاع تجيب سرعة 100 فى وقت اد ايه والكلام ده .. لا لا لا انا مش بتاع شد ولا جذب ... هههههههههههههه

انا الانسـر الى معايا اتوماتيك يا وائل .. لأن مصر المانيوال خلاص بقي ماينفعش واكيد انتا عارف الزحمة


انا النقطة الى قلقتنى فى كلامك هيا النقطة التانية ديه

مفيش 316 ب اي درايف ولا فتحة سقف ولا حتي ينفع تركبهم في التوكيل الاي درايف في ال 320 وانت طالع
ال 316 الاوتوماتيك نازلة بريميم ب 239900 و اكسكلوسيف ب 268000 و الفرق بينهم مرايات بتقفل كهربا و كروز كنترول

بجد زعلتنى قوووى طيب الـ iDrive ماشي مش موجود قولنا ديه اقل فئة .. وطيب مافيش فتحة سقف كمان .. ياريت ترد عليا يا وائل فى النقطة ديه الأوبشن بتاع الـ S/R الى هوه فتحة السقف مش موجود اطلاقاً فى الـ 316 ؟؟؟

بالنسبة لل facelift
ده تغير بسيط في شكل السيارة الامامي (لحد دلوقتي مش قادر اميزه) و تغير في شكل الفوانيس الخلفية(ده واضح و الجديد احلي من القديم) التغير ده اتعمل في 2008 او 2009
لو عايز تشوف صور و الوان و شكل العربية مجسم من بره و من جوه ماتتعبش نفسك و اتفرج هنا في موقع بي ام مصر

شكراً على المعلومة يا وائل

[wael17]

شكراً قوووى يا وائل على المعلومات القيمة ديه

العفو...الحمدلله اني قدرت افيدك زي ما ناس كتير هنا افادتني

بجد زعلتنى قوووى طيب الـ iDrive ماشي مش موجود قولنا ديه اقل فئة .. وطيب مافيش فتحة سقف كمان .. ياريت ترد عليا يا وائل فى النقطة ديه الأوبشن بتاع الـ S/R الى هوه فتحة السقف مش موجود اطلاقاً فى الـ 316 ؟؟؟

للاسف هي دي الحقيقة...انا كمان حسيت بالاحباط زيك لما اكتشفت الحكاية دي...في الاول لما كنت باتفرج علي صور العربية من جوه كان عاجبني قوي الكومبيوتر اللي في التابلوه (idrive)
بس طبعا مواقع السيارات بتحط دايما صورة اعلي فئة وعرفت بعد كده ان316 مابتنزلش ب اي درايف ولا فتحة سقف...فتحة سقف موجوده في 318 بس هتوصل 320 الف و اي درايف في 320 بس هتوصل 360 الف...للاسف عربية زي البي ام عشان تعلي في الاوبشنز بتاعتها للاخر ممكن تتكلم في 100 الف جنيه زيادة

وده السبب اني ساعات افكر اجيب 320 كسر زيرو...التوكيل ساعات بيعرض عربيات حالتها ممتازة عاملة 5000 او 10000 بس و بالضمان بس حتي دي سعر موديل 2008 و 2009 لا يقل عن 270 الف...طبعا كتير و هاتحس انك راكب عربية مستعملة حتي لو كانت عاملة 1000 كم بس
علي العموم من هنا لحد وقت الشراء اخر السنة دي يكون الواحد رسي علي قرار نهائي...

[mnvcxv]

عايز عربيه امكانياتها علي قد فلوسك عندك
1- جيتا هالاين
2- باسات هاي لاين
3- فانتازيا
4- سوبيروب
5- سيات ليون

الفولكس والمرسيدس عربيات تديك اكتر ممادفعته
لكن البي ام دي تديك اقل من اللي دفعته

[vip1985]

...فتحة سقف موجوده في 318 بس هتوصل 320 الف و اي درايف في 320 بس هتوصل 360 الف...للاسف عربية زي البي ام عشان تعلي في الاوبشنز بتاعتها للاخر ممكن تتكلم في 100 الف جنيه زيادة

معاك حق بس زى منتا عارف ان الـ 318 و الـ 320 من ناحية المحرك 1800 سي سي و2000 سي سي
وده بيتعاملوه معاه بضريبة غير الـ 1600 سي سي .. ده غير ان الضريبة هتكون عالية لأن العربية هتكون اصدار 2010 .. وده كله كوم .. وثمن الـ 318 او 320 كوم تانى ..
طيب والـ 316 الأصدار الى جى بتاع موديل السنة 2011 مش ممكن يكون فيه فتحة سقف ... اقصد لما غيره الجير وبقي اتوماتيك مش ممكن يكون فيه فتحة سقف او تغييرات .. ولا ,, ....؟؟؟؟؟؟؟

بس حتي دي سعر موديل 2008 و 2009 لا يقل عن 270 الف...طبعا كتير و هاتحس انك راكب عربية مستعملة حتي لو كانت عاملة 1000 كم بس

الله ينور عليك يا عم وائل .. ده الى انا عاوز اقوله لأان فى ناس كتيير لاقيتها كاتبه عن الموضوع ده
كسر الزيرو .. اولاً زى منتا قولت طلعت ولا نزلت انت راكب مستعملة .. ممكن تكون اللون مش الى انت بتحبه بس يالا بقي ماهى كسر زير .. برده هتكون مستعملة والواحد هيحس بكده وعمرها ما هتكون فرحتها زى الزيرو فى الوقت الى الواحد يدفع فيه 260 او 270 الف

علي العموم من هنا لحد وقت الشراء اخر السنة دي يكون الواحد رسي علي قرار نهائي...

ان شاء الله الفترة الى جاية الواحد يقدر يقرر ... ومعانا الوقت لحد اخر السنة
وتسلملى يا غالى على المتابعة معايا
شكراً يا وائل

[obvanman]

both 318i and 320i are 2000cc the difference in the HP, 318i is 136HP and 320i is 156HP

[vip1985]

both 318i and 320i are 2000cc the difference in the HP, 318i is 136HP and 320i is 156HP

i don't cared

and 2000cc or 1800cc .. you know the TAX in egypt

ومن ناحية الحصان 136 فى الـ 318 او 156 فى الـ 320 ... انا بعيد عن الموديلين

ياريت تفيدنى فى الـ 316 ... وشكــراً لمرورك ولمعلوماتك

[د.محمود صلاح]

خد بالك ان الحكومة ناوية ترفع دعم البنزين عن ملاك البي ام ( أفكار ترددت في الصحف ووسائل الإعلام )

[mr_sameh]

توكل علي الله وهات 316 كويسه جدا

[vip1985]

خد بالك ان الحكومة ناوية ترفع دعم البنزين عن ملاك البي ام ( أفكار ترددت في الصحف ووسائل الإعلام )

هستأذنك توضح اكتر معلش ... انت قصدك ان سعر البنزين لملاك البي ام هيكون غالى عن باقى السيارات ولا ايه .. ؟؟؟

[wael17]

هستأذنك توضح اكتر معلش ... انت قصدك ان سعر البنزين لملاك البي ام هيكون غالى عن باقى السيارات ولا ايه .. ؟؟؟

ContactCars | حرمان السيارات الفارهة من البنزين المدعم

ممكن يعملوا كوبونات بنزبن مدعم و تتصرف من المرور حسب نوع العربية...اللي معاه بي ام او مرسيدس ياخد بونات قليلة تكفيه فترة بسيطة وبعدين يشتري بالسعر الغالي....طبعا كلام فارغ...علي فكرة العربيات الحديثة بتوفر في استهلاك الوقود بدرجة كبيرة بعكس السيارات القديمة الي بتستهلك الوقود بصورة مسرفة و هم دول اللي هيفضلوا يدعموهم عشان يستهلكوا اكتر و اكتر...وبعدين ازاي يحسبوا استهلاكي و الكمية التي تكفيني 10 ايام؟؟؟؟؟ طب انا ساكن في اكتوبر و طبعا هيدوني كمية تكفيني انزل القاهرة مروة واحدة و بعد كده اشتري بالغالي...حاجة تقرف....المفروض يستهدفوا الطبقة الغنية ويساعدوا الطبقة االفقيرة...لكن للاسف بتيجي دايما في الطبقة المتوسطة وبيعاملهم كانهم مليونيرات

[vip1985]

contactcars | حرمان السيارات الفارهة من البنزين المدعم

ممكن يعملوا كوبونات بنزبن مدعم و تتصرف من المرور حسب نوع العربية...اللي معاه بي ام او مرسيدس ياخد بونات قليلة تكفيه فترة بسيطة وبعدين يشتري بالسعر الغالي....طبعا كلام فارغ...علي فكرة العربيات الحديثة بتوفر في استهلاك الوقود بدرجة كبيرة بعكس السيارات القديمة الي بتستهلك الوقود بصورة مسرفة و هم دول اللي هيفضلوا يدعموهم عشان يستهلكوا اكتر و اكتر...وبعدين ازاي يحسبوا استهلاكي و الكمية التي تكفيني 10 ايام؟؟؟؟؟ طب انا ساكن في اكتوبر و طبعا هيدوني كمية تكفيني انزل القاهرة مروة واحدة و بعد كده اشتري بالغالي...حاجة تقرف....المفروض يستهدفوا الطبقة الغنية ويساعدوا الطبقة االفقيرة...لكن للاسف بتيجي دايما في الطبقة المتوسطة وبيعاملهم كانهم مليونيرات

شكراً ليك يا وائل على التوضيح

انا قرأت المقال فى كونتاكت كار .. هههههههههههههه

بجد انا مش فاهم البلد ديه ماشية ازاى .. الواحد بعد تمام البعد عن 318 و 320 عشان الـ 2000 سى سى والضريبة .. يقوموا قايلين كل البى ام تعالوا بقي هنا خدو جرعة البنزين ..

هههههههههههههههههههههههههههههههههههههههههههههههههه

[wael17]

كل البى ام تعالوا بقي هنا خدو جرعة البنزين ..

ايوة...لازم تاخد حاجة بسيطة كده في العضل من الحكومة بمناسبة انك اشتريت بي ام....يعني الحكومة هتاخد حلاوة انك جبت بي ام و كل سنة وانت طيب