أفيدونى فى ال 316 موديل 1997 بسرعة جدا

[toyotawe]

السلام عليكم ورحمة الله وبركاته

انا معروض على BMW مو 1997 كحلى بكل الكماليات بسعر 85000 و حالتها كويسة جدا وخبرتى قليلة فى BMW برجاء افادتى عشان ما يضحكش على لانى خايف اشتريها يطلع عينى فى الصيانة وقطع الغيار وادفع فلوس كتير فى حين ممكن اشترى بالتمن ده حاجة احدث وقطع غيار وصيانة ارخص.


1- استهلاكها للبنزين (لتر/ 100 كم)
2- اسعار قطع الغيار بالكامل
3- سعرها مستعملة فى حدود كام
4- نوع الماتور (انجكشن - hp - التسارع والسحب )
5- الفرق بينها وبين 316I وانواعها وسعر كل نوع
6- هى فئه كام وحد يفهمنى ايه نظام الفئات اللى فى بى ام دبليو وكماليات كل واحده
7- ايه الكماليت اللى بتنزل بيها

[د.محمود صلاح]

موضوع الفئات بيبقى حسب التجهيزات في العربية 4 زجاج كهربا ولا 2 اوتوماتيك ولا مانويال فتحة سقف ,,
ال 316 i هي الإنجكشن
هي 1600 واسمها في السوق الدبانة
تشوف عاملة كم كيلو
تقيس كبس الموتور

المزيد من التفاصيل مشروحة بالكامل بالتصفح في القسم لورا شوية

[elassar2010]

اصبر لحد الاعضاء الى معاهم العربية دى يردوا عليك ويفهموك كل حاجة

[MaroTunning]

باشا انا شايف ان السعر .. مش مناسب شوية ..
قطع غيارها مش غالية اوى .. بس فوق المتوسط والمعتاد..
سحب البنزين متوسط ..
والعربية جميلة جدا ...
وان شاء الله الاخوان يفيدوك اكتر مني

[TheBuccaneer]

السعر هيكون حلو على 80000 جنية أو بالكثير 82000 جنية. بالنسبة للسيارة بها محرك ال M43 ده بالضبط 1596 سى سى, 102 حصان, عزم 150 نيوتن عند 3900 لفة

بالنسبة لإستهلاك البنزين هو 1 لتر لكل 10 كيلومتر, الأساسيات فى السيارة E36 1996, 1997, 1998 هو التكييف التاتش, ال ABS, ال Airbags وده فيه منها ما هو فقط 2 Airbags ومنها ال 4 Airbags و تجده بموديل1998. بالنسبة للزجاج الكهرباء, الأساسى 2 فقط الأماميين لكن فى بعض الأحيان قد تجد ال 4 زجاج كهرباء. سخانات الكراسى الأمامية فقط. نادر ما تجد فى الموديل من 1996 الى 1998 ال EBD اللى هو مانع الأنزلاق وده بيحكم فرامل السيارة فى الماء و خلافة ويحكم السيارة بشكل جيد عند الضغط على دواسة الفرامل الى الأخر لا قدر الله فى حالات الطوارىء. بالنسبة لقطع الغيار لا تشغل بالك بأسعار قطع الغيار لأنها رخيصة

أنا عالعموم بيعت سيارة 1997 زيتى, ألمانى 100% شراء من ألمانيا, بها التكييف التاتش, سخانات الكراسى, ال ABS, 2 Airbags. فابريكة من الخارج و الداخل بحالة فوق الممتازة ب 80000 جنية, أنا كنت هشترى هذه السيارة لكن لم يكن لى نصيب فيها!

[toyotawe]

متشكر جدا يا رجالة
بس انا عايز اعرف انجكشن ولا لأ
وهل 102 حصان كويس ولا قليل لانى حاسس انه قليل وكمان انا قريت فموقع تانى انها 120 حصان
وريت حد يقولى الفرق بينها وبين 316 اى
وجزاكم الله عنى خير

[TheBuccaneer]

متشكر جدا يا رجالة
بس انا عايز اعرف انجكشن ولا لأ
وهل 102 حصان كويس ولا قليل لانى حاسس انه قليل وكمان انا قريت فموقع تانى انها 120 حصان
وريت حد يقولى الفرق بينها وبين 316 اى
وجزاكم الله عنى خير

طبعا من شكل المحرك, المحرك 100% انجكشن! بالنسبة للقدرة الحصانية ده حسب مواصفات المحرك الفنية. أنا سمعت 147 حصان مش 120 حصان, لكن الكلام ده غير صحيح!

ال m40b16 بيكون 102 حصان. ال m40b18 بيكون 122 حصان
ال m42 بيكون 142 حصان, وده نادر وجوده بمصر, موجود فى السيارات الأمريكية و قطع غياره غالية شوية
ال m43b16 بيكون 102 حصان. ال m43b18 بيكون 115 حصان
ال m44b19 بيكون 138 حصان
ال n42b18 بيكون 115 حصان, ال n42b20 بيكون 147 حصان

أنا كده اعطيتك بيانات المحركات بداية من سنة 1988 الى 2005 فى ال 316 و ال 318

[د.محمود صلاح]

معلوماتك هايلة TheBuccaneer ربنا يبارك لك

[TheBuccaneer]

حضرتك القدرة الحصانية بتختلف من شركة سيارات لأخرى, و حتى بداخل نفس الشركة ممكن تختلف من محرك لأخر. بمعنى إنه على سبيل المثال البى إم دبليو كقدرة حصانية من الممكن أن تعادل مرة ونصف التويوتا كقدرة حصانية, كلامى على سبيل التوضيح وليس دقيق 100%. هو بالطبع هناك فرق فى القدرة الحصانية بين البى إم دبليو و التويوتا لكن بشكل دقيق لا اعرفها!

[toyotawe]

انا عاجز عن الشكر يا كبير
بس ايه الفرق بينها وبين 316 اى

[marwan_147]

موضوع مفيد بصراحة

[ZALABANY]

سؤال لشباب ال bmw عشان انا بفكر اغير
هل العربية فعلا واطيه على الارض وبتحك حتى من غير تحميل في مطباتنا الجميه لأني قابلت واحد معاه العربية موديل 97 316i وقالي العربية هايله بس مشكلتها انها واطية ياريت حد يأكدلي صحة الموضوع ده من عدمة وهل ليه حل في تعلية العربية مثلا تغيير مقاس الجنوط وشكرا