تعبت من اللف علشان اشترى بى ام ايه نصيحتكم

[Batman372]

اعلان بالوسيط 8/7/2010 - سعر معقول جدا ( شرط الحاله ) يعكس حاله السوق اليوم :

للجادين i 320 ـ مو 2007 ـ مثبت سرعة ـ cd ـ ابانوس ـ فضى فرش اسود ـ نهائى 175000 ج و للبدل و بتسهيلات ـ ـ ـ ت: 6969616/012 ـ 1482166/010

[sa7aby]

انا كمان كنت ناوي ابيع عربيتي السيفيك ٢٠٠٨ و ادور علي e39 موديل ٢٠٠٠ لحد ٢٠٠١
ايه رأيكوا في الفكره عموما
لو بعت عربيتي تجيبلهها حوالي ١٢٠٠٠٠ جنيه
ممكن ألاقي e39 في الحدود دي؟

[TheBuccaneer]

معرض فيراري
امام الوفاء و الأمل ذاكر حسين - م.نصر
متخصص بي ام بس .. بتشتري منه حاجة كويسة و تطلب اللي انت عاوزة يجيبهولك و بياخد عمولة ( غير معلنة ) حوالي 2 % .. اعتقد مش كتير علي بي ام كويسة و بتدور عليها

معرض الوفاء و الأمل أنا ذهبت له كنت بدور على e46 2005 هاى لاين! و شوفت عنده سيارة كان قال فى الإعلان إن السيارة شركه بالكامل ما عدا أجزاء بسيطه و عند مشاهدتى للسيارة و الكلام مع المبيعات هناك عرفت منهم إن السيارة رش بالكامل ما عدا السقف! طبعا أنا عرفت من الفحص لكن طبعا كلمه فى حدوته و هنا فيه و هنا فيه ... عرفت إنها مدهونه بالأضافه إلى إن صوت المحرك لم يعجبنى لأنه كان بيهتز بعض الشىء و الستارة الخلفيه كانت تحتاج إلى تغيير وكان ماسك فى سعر 155000 جنيه! مع إن السيارة بالأمانه لا تستحق أكثر من 135000 جنيه بهذه المواصفات الموجوده بها!

أحسن معارض تشترى منها بى إم دبليو هى منيب للسيارات, شميس, جولدن إن, أى دريف, أوتو ميدو! لكن الأفضل هو منيب لأنه مش بيأخد إلا سيارات شركه بالكامل و على تقرير من الوكيل!

انا كمان كنت ناوي ابيع عربيتي السيفيك ٢٠٠٨ و ادور علي e39 موديل ٢٠٠٠ لحد ٢٠٠١
ايه رأيكوا في الفكره عموما
لو بعت عربيتي تجيبلهها حوالي ١٢٠٠٠٠ جنيه
ممكن ألاقي e39 في الحدود دي؟

ممكن تجد بال 120000 جنيه سيارة e39 520 وممكن e39 523 موديلات من 1998 إلى 2000 أو 2001

[sa7aby]

شكرا للرد السريع
ممكن اعرف ايه الفرق بين ال523 و ال520؟
وايه اهم عيوب الموديلين دول، او بالاصح اهم حاجات ابص عليها وانا باشتري؟

[TheBuccaneer]

شكرا للرد السريع
ممكن اعرف ايه الفرق بين ال523 و ال520؟
وايه اهم عيوب الموديلين دول، او بالاصح اهم حاجات ابص عليها وانا باشتري؟

شوف يا سيدى الفاضل مبدئيا طبعا السيارة نفسها من الشكل الخارجى والداخلى الفروق هتكون فى المحركات ليس إلا

بالنسبة لل e39 520 ما قبل سنة 2000 كان بها المحرك ال m52b20 بسعة 1991 سى سى و قدرة حصانية 148 حصان, مع بداية سنة 2000 كان المحرك الموجود بال e39 520 هو ال m54b22 بسعة 2171 سى سى و قدرة حصانية 168 حصان

بالنسبة لل e39 523 فبها المحرك ال m52b25 بسعة 2494 سى سى و قدرة حصانية 170 حصان.

هناك تفاصيل أكثر بالنسبة للمحركات والسيارات بالنسبة للنوعيتها و بداية سنة وضعها فى السيارة لكن أنا مش عاوزك تتوه! لكن عالعموم ده فكره بسيطه لك!

أما بالنسبة للسيارتين فداخليا و خارجيا نفس الشكل و نفس الحجم! تختلف فقط فى المحرك كام ذكرت! هذه النوعيه من فئات البى إم دبليو ليس لها عيوب غير إرتفاع قطع أسعار الغيار و استهلاك البنزين ليس إلا إنما كسيارة ممتازة جدا جدا! ثبات جبار و قوة جبارة أيضا! أهم شىء هى البطحات الأماميه! مع العلم إن هذه السيارات بنسبة 98% لا يوجد بها شروخ بطاحات إلا إننى كنت اشاهد سيارة بالأمس 525 موديل 2001 شركه بالكامل دواخل و خوارج لكن للأسف صدمت بوجود شروخ فى بطاحات السيارة! أنا هرسل لك رقمى على الخاص و الكشف لازم يتم بواسطة ميكانيكى خبير فى البى إم دبليو و يكون يده فى هذه النوعيه! الكشف ممكن تجعله على مرحلتين الأولى لدى ميكانيكى مختص ثم تدفع عربون ثم إما تحجز فى التوكيل لتأخد تقرير بنسبة مئوية بحالة المحرك و العفشة إلخ... او ترفع السيارة فى أحدى محطات البنزين التى لديها مثل هذه الأجهزة!

[sa7aby]

الف شكر لردك السريع
وايه معني ان البطاحات مشروخه؟ هل ده معناه ان العربيه متهانه؟ هل تكلفه تغييرهم عاليه؟
والف شكر يا باشا علي نمره التليفون

[TheBuccaneer]

الف شكر لردك السريع
وايه معني ان البطاحات مشروخه؟ هل ده معناه ان العربيه متهانه؟ هل تكلفه تغييرهم عاليه؟
والف شكر يا باشا علي نمره التليفون

البطاحات هى الكوعين الأماميين الموجودين بحوض السيارة والتى يكون أسفل منها مساعدين السيارة! طبعا ليس لهم تغيير لأنهم جزء من بدن السيارة! ليست بالضرورة تعنى أن السيارة متهانه لكن تعنى إن صاحب السيارة ظل يتحرك بها فى وجود مساعدين فى حاله غير جيده! مما يؤدى إلى أن كل الصدمات تؤثر مباشرة فى البطاحات فتشرخ!

البطاحات هى الجزء الموجود بالجانب الأيمن أسفل العلبة السوداء

[sa7aby]

يا نهار ابيض!!!
انا كنت فاكرك تقصد البطاحات بالرولمان بلي اللي فوق المساعدين

[hanyhosney]

باشا صباح الفل
الحمدلله العربيه إتظبطت بعد أما حطيت منظف دوره البنزين بس أنا كمان عايز أفك الأيدل كونترول وأنضفه هو وحساس البوابه وبالمناسبه أنا بفكر أبيع وأشوفلى حته e46 وعايزك تبقى تيجى معايا للخربوطلى علشان عايز أوديله عربيه أخويا هى e30 بس 2000 c.c

ربنا يوفقك في الحته الجديده
وشوغ عايز تروح امته للخربوطلي
وكلمني
بس هو اجازتو الجمعه
ونا معاك
وهتبقي فرصه نتقابل

[elm3lem_youssef]

ربنا يوفقك في الحته الجديده
وشوغ عايز تروح امته للخربوطلي
وكلمني
بس هو اجازتو الجمعه
ونا معاك
وهتبقي فرصه نتقابل

باشا كويس إنك قولتلى أنه أجازه الجمعه علشان كنت ناوى أروح لو كده يبقى ممكن الخميس أو السبت
ومعلش ممكن تبعتلى رقمك

[hader]

السلام عليكم
يا جماعة انا اول مره احتك ب bmw عايز اعرف كل حاجة عن موديلاتها وانواعها وافضل فئة فيها من ناحية المتانة والاقتصادية في المصاريف .
انا معايا 100000 الي 120000 ونفسي اشتري افضل حاجة بيهم مش عايز اتسك من الاخر ولا اندم
وشكرا ليكم معلش يا جماعة انا جديدخالص علي الموضوع ده