طلب اسعار موديلات bmw

[Dr_Mido]

السلام عليكم ورحمه الله

ازيكو يارجاله
انا ليا صديق عزيز راجع من المانيا كمان اسبوع او اتنين وكان مكلمنى انى اعرفله اسعار العربيات دى فى مصر ايه

حد عندة فكرة عن الاسعار وهل الموديلات دى موجودة فى مصر اساسا ولا لا
BMW M3 Convertible
BMW M6 Coupé
BMW M6 Convertible
Z4


واكون شاكر جدا ليكو

[TheBuccaneer]

السلام عليكم ورحمه الله

ازيكو يارجاله
انا ليا صديق عزيز راجع من المانيا كمان اسبوع او اتنين وكان مكلمنى انى اعرفله اسعار العربيات دى فى مصر ايه

حد عندة فكرة عن الاسعار وهل الموديلات دى موجودة فى مصر اساسا ولا لا
bmw m3 convertible
bmw m6 coupé
bmw m6 convertible
z4

واكون شاكر جدا ليكو

فى البدايه صديقك لا يقارن أسعار مثل هذه السيارات أو حتى حالة السيارة ذات نفسها الموجود بمصر مثل أسعارها أو حالة السيارة الموجوده بألمانيا, لعدة أسباب من أهمها الطرق فى ألمانيا غير فى مصر!

ثانيا! بالنسبة للإم ثرى المكشوفه هيكون صعب إنه يجد سيارة من هذا النوع أولا لعددها المحدود يعنى بالكثير 5 سيارات فى مصر مثلا, ثانيا إذا وجدت هتكون إما شاركت فى الأوتو كروس يعنى دريفت و أمريكانى كثير, أو شاب و دريفت و أمريكانى كثير, وإذا كانت نظيفه يكون سعرها عالى. كان فيه سيارة إم ثرى e46 كوبيه موديل 2004 كانت صاحب السيارة طالب 320000 جنيه! كانت السيارة الوحيده الأم ثرى المعروضه للبيع و كوبيه وليست مكشوفه

بالنسبة للأم سته كوبيه نادرة البيع و إن كانت لا تباع من الأساس! ثمنها جديد فى حدود من 2,500,000 الى 3,000,000 جنيه! حضرتك تخيل إذا فكرت فى البيع هتعرض السيارة على سعر كام؟ !!!

بالنسبة للأم سته مكشوفه بالتأكيد مش هتجد و احده للبيع! بالنسبة للأم سته بشكل عام مش هتجد سيارة للبيع أساسا كل اللى ممكن تجده للبيع و بشكل قليل يعنى سيارة أو سيارتين بالكثير هتكون من الفئة السادسه و لكن ليست إم سته يعنى 640 أو 645

ال z4 نفس مشكلة الأم سته! صعبه و نادره ثانيا السيارات بمثل هذه إلامكانيات إذا كانت مع شباب و هذا شىء أكيد بيكون شغال على السيارة دريفت و أمريكانى و أشياء من هذا القبيل

بالنسبة للأم ثرى هذا الموضوع له حل إذا كنت تحب تعرفه!!!

[TheBuccaneer]

بالنسبة للأم ثرى! إنت ممكن تشترى سيارة عاديه e46 318 مكشوفه أو كوبيه ثم تذهب إلى الحرفيين و تغير السيارة من 318 عاديه إلى إم ثرى! بيكون عندهم سيارات إم ثرى نصفين بيبدأ يفكك من الأم ثرى و ينقل فى ال e46 (عفشه, محرك, ريداتير, كرونه, عمود كردان إلخ...) يعنى كل شىء من السيارة الأم ثرى هتنقل إلى سياراتك ال e46 العادية و التغيير هيتكلف من 60000 الى 70000 جنيه! و يصبح معك سيارة إم ثرى كوبيه أو مكشوفه! على حسب سياراتك ال e46 التى ستشتريها!

أو صديقك ممكن يشترى من هناك سيارة إم ثرى و يقطعها إلى نصفين و يشحنها على مصر و هيدفع عليها جمارك على حسب نوعها (e46 m3 smg, e46 m3 csl ) طبعا أقوى إم ثرى هى ال e46 m3 gtr محركها جبار p60b40 بقدره حصانيه 400 حصان أو يزيد المهم هيدفع على السيارة جمرك تقريبا 60000 جنيه! و بعدها تذهب لميكانيكى محترف و جيد يركب لك كل ما هو فى الأم ثرى الى السيارة العاديه و هيدفع مصاريف تركيب من 5000 الى 8000 جنيه كحد أقصى!

[x512]

و علي ايه الغلب دا كلو يا باشا...انا رأيي خلي صديقك في المانيا احسن ...هناك هيستمتع بالطرق و العربيه هتبقي من مصانع بلدها و متوفره و بسعر مناسب لامكانيتها ولا جمارك ولا دياولو ولول باظ فيها حاجه هيتعملها احسن صيانه..ثم لو هو ناوي يرجع و يعيش في مصر يبقي ولا عربيه من دول هتنفعو لانو مش هيعرف يجري داخل البلد عشان الزحمه ولا علي الطرق عشان المطبات و الحفر و الذي منو...يبقي يفكر تفكير عملي احسن يا اما يفضل هناك يا اما ينزل مصر و يجيب حاجه مناسبه تستحمل قرف البلد اللي احنا عايشين فيها دي

[PoweRPassioN]

و علي ايه الغلب دا كلو يا باشا...انا رأيي خلي صديقك في المانيا احسن ...هناك هيستمتع بالطرق و العربيه هتبقي من مصانع بلدها و متوفره و بسعر مناسب لامكانيتها ولا جمارك ولا دياولو ولول باظ فيها حاجه هيتعملها احسن صيانه..ثم لو هو ناوي يرجع و يعيش في مصر يبقي ولا عربيه من دول هتنفعو لانو مش هيعرف يجري داخل البلد عشان الزحمه ولا علي الطرق عشان المطبات و الحفر و الذي منو...يبقي يفكر تفكير عملي احسن يا اما يفضل هناك يا اما ينزل مصر و يجيب حاجه مناسبه تستحمل قرف البلد اللي احنا عايشين فيها دي

حسره عليكي يا مصر

[D.Tarek]

و علي ايه الغلب دا كلو يا باشا...انا رأيي خلي صديقك في المانيا احسن ...هناك هيستمتع بالطرق و العربيه هتبقي من مصانع بلدها و متوفره و بسعر مناسب لامكانيتها ولا جمارك ولا دياولو ولول باظ فيها حاجه هيتعملها احسن صيانه..ثم لو هو ناوي يرجع و يعيش في مصر يبقي ولا عربيه من دول هتنفعو لانو مش هيعرف يجري داخل البلد عشان الزحمه ولا علي الطرق عشان المطبات و الحفر و الذي منو...يبقي يفكر تفكير عملي احسن يا اما يفضل هناك يا اما ينزل مصر و يجيب حاجه مناسبه تستحمل قرف البلد اللي احنا عايشين فيها دي

والله انا معاك في كل كلمه قلتها , بس انا مؤيد جدا لفكرة خليه هناك الفرق شاسع والبلد هنا اصبحت لا تطاق