لو سمحتم نورونى فى سعر 520i مو 96

[مدحت منيب]

السلام عليكم جميعا
عاوز اخد رأى حضراتكم فى عربيه Bmw - 520 I موديل 1996 اول يد من المانيا دهان المصنع برة و جوة جميع صياناتها فى التوكيل عن ثقه ( معرفه يعنى ) مركونه من سنتين لوفاة صاحبها .. الوالد عارضها
بس المشكله انه يعتبر والد روحى لى و مش اقدر افاصل ( احرج اوى منه ) .. السواق بتاعه بيقول انه طالب 160 الف ، بس السواق جاب له ناس على 150
العربيه طبعا الماظه و طول عمرها فى جراج الفيللا و هم متيسرين اوى ، يعنى ما عندهمش حاجه اسمها تصليح ابدا .. كله ع التوكيل و غيّر

قبل ما يتوفى صاحبها بسنه غير فى التوكيل كل عفشتها بمبالغ فلكيه .. علما انا عندى دايو ليجانزا 99 و لا اشكو منها فى شىء.. فها ابيع سيارتى قبل ما تفتح بقها و اشتريها .. ام ماذا ترون ؟

بماذا تنصحونى جزاكم الله كل خير

[Xpert]

بص .. انصحك .. العربيه دي لو حالتها زي ما بتقول .. ادفع و شيل .. حتي لو هاتدفع زياده شويتين هاتها برضه .. بالنسبه للسعر ماقدرش افيدك فيه قوي .. عشان الموديلات ما بعج ال 95 مش بحبها قوي ..انت كده بتتكلم عن اي ثرتي ناين .. و خد بالك ان عفشتها من تحت الومونيوم .. و كذلك موتورها البلوك فيه الومونيوم .. (هاتها انت بس لو حالتها حلوه .. الالومونيوم هايعيش و كل حاجه بس محتاج صيانه و ملاحظه دوريه عشان لو حصل فيه حاجه هاتشيل و ترمي) ..
نصيحتي ؟
اشتري يا حج و خليها علي الله (هوه ده شرط الحاله اللي باقول عليه.. الحاله نضيفه و زي الالماظ؟ ادفع و لو بزياده و خدها)

[مدحت منيب]

انا محظوظ ان اكسبرت اللى رد عليه من ساعة ما حطيت سؤالى و انا باقول ربنا يسوقك يا اكسبرت

هو ايه ميزات الموديل دا يا اكسبرت و ملاحظاتك عليه لو سمحت ؟
مع جزيل الشكر

[paladin]

the e39 is very very good take it without any question but take care the spare parts are very expensive

[Xpert]

اهه قالك بالادين .. الاي ثرتي ناين حلوه و مريحه و تحفه .. قطع غيارها غاليه شويه .. في قطع الغيار تتعامل مع 2 : عندك البافاريه في شارع دمشق . و رشدي في التوفيقيه ..
العربيه حلوه و منتشره نسبياً (انت عارف البي ام بينتشر بصعوبه شويه) ..
الميزه انه مريح و كبير و للاستخدام العائلي .. الموتور 2000 سيسي حلو برضه ..
العيب قطع الغيار غاليه نسبياُ بس بتعيش .. العفشه الومونيوم .. و الموتور الومونيوم (خليك حنين عليها في المطبات يعني .. و اوعي حد يبوسك بوسه من العيار التقيل )
;)

[Xpert]

سوري الدكان اسمه بايرن اللي في شارع دمشق ..
انظر هنا للتليفونات ..

http://www.nilemotors.net/Nile/showthread.php?p=177278#post177278

[mshamy]

السعر عالي شويه

بس العربيه لو زي ما بتقول تبقى لقطة ..أنا شفت و احده نبيتة على car100100 شكلها جميل كانت ب 130 ألف . لو فيها خير ربنا يسهلها لك و لو فيها شر ربنا يبعدها عنك:)

[مدحت منيب]

,مش عارف اشكرك ازاى اكسبرت انت و بالادين
كتر الف خيركم و ربنا يسعدكم و يستر طريقكم

جميلكم دا كبير اوى لو تعرفوا

لما بتنوروا لواحد سكته .ز وهو مرعوب من دفع مبالغ كبيرة و يا ترى قراره صح والا ها يندم .. و تريحوه و تسندوه

ربنا يكرمكم

[Xpert]

عاوز تردلنا الجميل ؟ اديني لفه يا كابتن :d
انا بعد كده هامشي في الشارع اكتب علي الجاكت اكسبرت .. اللي هايوقفني هاركب معاه هههه :d

[subway]

انا راي اشترى حاجه جديه احسن و 150 الف كتير اوى ممكن تشتريلك حاجه حلوه بيها وتكون استعمالك انت وعارف ايه الى غيرته من قطع غيار وخلافه.
ودى من 96 يعنى بقلها 12 سنه حتى لو استعمال حلو اكيد هتلاقى البلاستيك مكسر الحديد صدا حتى لو مركونه
المستعمل برضه هتصرف عليه حتى لو بى ام دبليو

[hazem_khidr]

استاذ مدحت فينك من زمان واحشنا و الله :).
بالنسبه للعربيه لو بالحاله دي خدها فورا احسن من الليجانزا و احسن من العيون اللي في موديلها كمان.
الموديل دا بالذات من العربيات اللي ليها تاريخ و موديل يعتمد عليه
لما نزلت الخبراء قالو عنها في انجلترا( قد تكون افضل سياره في العالم )
و بصراحه عربيه حكايه كثبات و ركوب و خامات و كله

[مدحت منيب]

انا راي اشترى حاجه جديه احسن و 150 الف كتير اوى ممكن تشتريلك حاجه حلوه بيها وتكون استعمالك انت وعارف ايه الى غيرته من قطع غيار وخلافه.
ودى من 96 يعنى بقلها 12 سنه حتى لو استعمال حلو اكيد هتلاقى البلاستيك مكسر الحديد صدا حتى لو مركونه
المستعمل برضه هتصرف عليه حتى لو بى ام دبليو

---------------------------------------------------صب واى تحياتى
و اشكرك لردك الجميل الواقعى و العملى

ولحشنى يا حازم و اشكر تكرمك بالرد ، و كل الشكر طبعا لاكسبرت و اشجب فكرة الفانله عشان ما تتخطفش مننا ، عايزينك هنا ..
شوفوا اللى حصل :

رحت شفت العربيه لقيت السنتر لوك بايظ .. سألتهم فى التوكيل حضراتهم عايزين 2000 جنيه !!!

الظاهر السواق عمل عملية استبدال فى الكاوتش الاصلى بتاعها و محطوط بداله اتنين و اتنين استعمال

يعنى هاخش فى حوالى كمان 4000

الباشا الكبير حد اقنعه انها تسوى 170 ف مش راضى يتنازل عن ال150

خربت

و صب واى بص لبعيد و كلامه فى الجون الف شكر لكم جميعا و سامحونى .. نزوه و عدت على خير

[novo]

العربيه دي سعرها بتراوح من 140000 الي 170000 و السعر ده ما يعتبرش رخيص,ممكن تروح لمعرض منيب في مصر الجديده عنده 520 2001 و 2002 و اسعار 160000 و 170000 و عنده تشكيله كبيره و رائعه من البيمرات.
بالنسبه للعربيه كعربيه فهي رائعه و من اجمل ما انتجت بي ام,انا كنت مجربها و هتلاقي التجربه علي منتدي بي ام.

[Xpert]

170 الف كتير عليها فعلاً و ماتشتريش بالسعر ده .. و كمان مغيرين حاجات (كده عيني عينك؟) .. و كده خلاص بقي مفيش نصيب .. مش هاخد لفه :( :d ..

[subway]

ربنا يخليك يا استاذ مدحت انا اتشرفت بمعرفتك
وحاول تفكر وتشوف كتير وتسال قبل ماتشتري
واتمنى تلاقى حاجه كويسه
بالتوفيق ليك