بفكر اشتري 523 - شوية اسئلة للخبراء ....

[abdobasha2004]

انا بفكر ان شاء الله اشتري 523 او 520 موديل 2001 - 2002
وكنت عاوز اسال :
1- الضريبة بتاعتها كام لكل منهما 523 (2500 سي سي) و 520 (2000 سي سي)
2- اماكن شراء قطع الغيار والسعر التقريبي لعدد من القطع مثل الفانوس الامامي، التيل الامامي، الاكصدام.....

وبصفة عامة افكر فالجديد ولا هي علما ان احتمال كبير ابيعها في خلال سنتين

وشكرا.....

[ahmedsadek82]

انا بفكر ان شاء الله اشتري 523 او 520 موديل 2001 - 2002
وكنت عاوز اسال :
1- الضريبة بتاعتها كام لكل منهما 523 (2500 سي سي) و 520 (2000 سي سي)
2- اماكن شراء قطع الغيار والسعر التقريبي لعدد من القطع مثل الفانوس الامامي، التيل الامامي، الاكصدام.....

وبصفة عامة افكر فالجديد ولا هي علما ان احتمال كبير ابيعها في خلال سنتين

وشكرا.....

اسأل زميلنا inspiron عشان لسه شاري وحده 523 2001 قريب قوي و كان عامل ها تقرير هنا.

[inspiron]

أنا جيت أهو يا باشا...أولا ألف مبروك مقدما.

- أنا أنصحك بالـ 523 مش 520 لإختلاف المواتير وبعض الكماليات. الـ 523 بتبقي 2500 سي سي 172 حصان..والـ 520 بتبقي 2200 سي سي 150 حصان. لكن العربيتين فتيس ستيبترونك.

- بالنسبة لكماليات 523 هتلاقيها في التقرير بتاعي. الـ 520 بتكون من غير تليفون و من غير ستارة كهربائية و أعتقد عدد إيرباج أقل. وبعض الوظايف اللي موجودة في كمبيوتر 523 مش موجودة في 520.أعتقد مفيش إختلاف تاني يذكر يعني.

أنا عملت عقد مسجل لعربيتي بـ 970 جنيه..وضريبتها السنوية 1100 جنيه تقريبا.

- بالنسبة لقطع الغيار ( مرمية ) في الحرفيين..وطبعا عند تجار كتير في كل مناطق القاهرة..بالنسبة للأسعار أنا واجهت الآتي..

1- البوجيهات ( 4 شمعة ) بـ 420 جنيه..( 6 بوجيهات ) ( بتتغير علي 40000 كيلو )

2- فلتر الهوا 85 جنيه ( بيتغير علي 30000 كيلو )

3- فلترين التكييف ( العربية بتاخد 2 مش واحد ) الإتنين بـ 250 جنيه.

4- فلتر الزيت 70 جنيه.

والعربية بتاخد 7 كيلو زيت ومينفعش فيها 5000...لازم 10000 ولا ينصح بزيت موبيل...إما شيل أو كاسترول...ده بالنسبة للحاجات اللي واجهتني..

بالنسبة للحاجات اللي سألت عليها :

1- الفوانيس الأمامية ( Angel eyes ) إستيراد بـ 2000 جنيه الفانوسين..الفوانيس العادية مسألتش عليها بس أعتقد ممكن الفانوسين يلعبوا في 1000 جنيه.

2- الفرش الداخلي الجلد الأصلي إستيراد بيعمل 700 جنيه.

3- الزجاج الخلفي بيعمل 650 جنيه ( أصلي ) ولسه مركبه عندي من يومين.

ده بصراحة اللي أنا متذكره حاليا ولو إفتكرت حاجة تانية هبلغك علي طول.. وممكن الأخوة الأفاضل برده يساعدوك..

- العربية موديل 2001 حالة نظيفة تعمل حوالي 135-142 ألف جنيه. كلامي علي 523...وهي في وجهة نظري..أفضل من الجديد.علي الرغم من إن الجديد ليه طعم خاص...لكن إنت هتبقي راكب عربية فخمة جدا..خامات ممتازة..قوية جدا..مريحة جدا..واسعة وكماليات كتير حلوة..وأي حاجة أنا في الخدمة.

[abdobasha2004]

ياباشا متشكر الف شكر
وربنا يباركلك فيها ان شاء الله

[Ahmed Hassan]

طيب ليه بتفكر في ٥٢٣ مش ٥٢٥ ؟

[inspiron]

طيب ليه بتفكر في ٥٢٣ مش ٥٢٥ ؟

وهو إيه الفرق بين العربيتين غير كام حصان زيادة..الأساسيات والكماليات وحتي السعة اللترية هي هي..

[Ahmed Hassan]

وهو إيه الفرق بين العربيتين غير كام حصان زيادة..الأساسيات والكماليات وحتي السعة اللترية هي هي..

مهو علشان السعه اللتريه هيه هيه و فيه كام حصان زياده بسألك السؤال ده :)

[tommys]

طب كويس إني لاقيت الموضوع ده ..... والله كنت بفكر أكتب نفس الموضوع ده لأني بفكر أشتري 525i موديل 2003 أو 2004 .... وكنت عايز أكرف الشكل ده أخره كان سنة كام هل 2003 أم 2004 ..... بس المشكلة عايز حد مضمون وعنده ضمير أشتري منه لأني خايف ألبس في الحيطه وينضحك عليا زي ماحصل مع ناس كتير أعرفهم ... ويكفيكم شر لبسة البى أم .. دي معناها خراب بيت على طول .... ياريت تنصحوني بحد كويس أروحله بس يكون غير منيب لأن أسعاره غالية جدا عن السوق..... وياترى السعر هايكون في حدود كام لو موديل 2003 أو 2004 وحالة نضيفة كاملة بفتحة سقف ....وشكرا قوي يارجالة

[tommys]

أه نسيت .... بعد إذن صاحب الموضوع طبعا .... عشان يكون موضوع واحد عن العربية دي ونستفيد كلنا بدل تكرار المواضيع......

[abdobasha2004]

لا ياباشا اتفضل
انا برضو خايف جدا من اللبس
بس سمعت ان فيه كشف فالبافارية ...

وكمان انا كلم ما اقارن العربية دي باي عربية جديدة العربية دي بتكسب الرهان دايما
كمان عرفت انها خدت جايزة افضل عربية سيدان مش عارف منين

وبالنسبة لل 525
اولا هي نادرة
تانيا سعرها اعلى بفارق مش قليل
ثالثا شريحة ضريبية تانية
رابعا انا افضل ال 520 بسبب استهلاك البنزين خصوصا ان العربية يوزد يعني استهلاك مش قليل من الاساس

[Ahmed Hassan]

لا ياباشا اتفضل
انا برضو خايف جدا من اللبس
بس سمعت ان فيه كشف فالبافارية ...

وكمان انا كلم ما اقارن العربية دي باي عربية جديدة العربية دي بتكسب الرهان دايما
كمان عرفت انها خدت جايزة افضل عربية سيدان مش عارف منين

وبالنسبة لل 525
اولا هي نادرة
تانيا سعرها اعلى بفارق مش قليل
ثالثا شريحة ضريبية تانية
رابعا انا افضل ال 520 بسبب استهلاك البنزين خصوصا ان العربية يوزد يعني استهلاك مش قليل من الاساس

لا مش شريحه تانيه.. ال ٥٢٥ و ٥٢٣ الاتنين ٢٥٠٠ سي سي يعني نفس الشريحه.
ال ٥٢٠ مش ٢٠٠٠ سي سي و لكن ٢٢٠٠ يعني في الغالب بردو نفس الشريحه علشان الموديل قدم و كلهم بيدفعوا الحد الادنى

[abdobasha2004]

ايه دا بجد؟
خلاص بقى مجتش على كلمة الشريحة...

الفروق التانية بقى :)
السعر
واستهلاك البنزين

وطبعا لنا مش مكنسلها من دماغي لو لقيت واحدة سعرها حلو اكيد هفكر فيها ان شاء الله

[Ahmed Hassan]

ايه دا بجد؟
خلاص بقى مجتش على كلمة الشريحة...

الفروق التانية بقى :)
السعر
واستهلاك البنزين

وطبعا لنا مش مكنسلها من دماغي لو لقيت واحدة سعرها حلو اكيد هفكر فيها ان شاء الله

اظن الفروق في استهلاك البنزين هتكون شبه منعدمه حتى لو قارنت ال ٥٢٠ بال ٥٢٥ بس ده مجرد اعتقاد انا معنديش ارقام .

في النهايه انا بفكر معاك بس ... لكن الفيصل هوه حالة العربيه

[egytamer]

ممكن صور للمودلين دول علشان مش عارفهم الصراحة

[inspiron]