برجاء الإهتمام لضرورة الأمر.

[inspiron]

أنا هودي العربية بكرة لسروجي عشان يظبط كذا حاجة في الصالون..وعندي إستفسار..أنا عندي العربية القايمين الأماميين فيهم air bag والفرش بتاع القايمين فك من الشمس وعاوز يتصلح..السروجي بيقول لازم يفك القايم ويشد الفرش ويركبه تاني..هل لو عمل كده..الـ air bag يحصله حاجة ولا عادي..أرجو سرعة الرد عشان أنا نازل الصبح بدري. وشكرا.

[Fadi Ezzat]

بص انا مش عارف اوى بصراحة ومش خبير فى الموضوع دة
بس خلية يفك كابل البطارية لاحسن اى حاجة تحصل احتياطى بردة

[totty]

عليك و على حربى فى الحرفيين انا اتعاملت معاه كذا مرة و ده واحد محترم جدا و صنايعي اوى و فى نفس الوقت سعرة مناسب ........و الله الموفق

[maadi]

القايمين البلاستيك بيتشالو من غير لمس الأير باج ولا فك فيشته لأن الإيرباج معلق بالقايم الحديد بتاع العربيه نفسه. و المستطيل الرفيع اللي انت شايفه المكتوب عليه إيرباج ده المكان اللي بيتفتح عند إنفجار الإيرباج.
المهم بس ميكسرش الكليبسات البلاستيك و هو بيشد القايم.

و لو أي حد حب يفك فيشة الإيرباج أضمن طريقه هو فصل كبل البطاريه و الأنتظار 20 دقيقه ثم فك الايرباج و تركيبه ثانية ثم توصيل أرضي البطاريه.
و لو حد نسي يعمل كده و لمضة الايرباج نورت يبقى لازم تنطفي بالجهاز. و كل سروجي في الحرفيين بيبقى عارفله كام واحد لطفي اللمض دي...بتحصل كل يوم و في أحسن السيارات فـــلا تقلق.

[inspiron]

ألف ألف شكر.

[KHALED AYMAN]

الايرباج ايا كان مكانه بيتوصل بفيشه ...
فك كابل البطاريه و ريح نفسك
ولو نازل الحرفيين فى سروجى هناك اسمه عم حربى ده راجل ما شاء الله عليه ..