تسعير bmw 320 موديل 1982

[SiGmAa]

انا قدامى عربية بى ام 320 كوبية 6 سلندر 2000 سى سى موديل 1982 الحالة العامة ممكن نقول جيد وحالة الموتور تقريبا 80-85 % ومجنطة وفرش جلد ومعروضة على 24 الف
سعرها كدة كويس ولا غالى ولا لقطة ولا اية بالظبط عشان انا لا افقة شىء فى عالم البى ام
وكمان بالنسبة لقطع الغيار موجودة ولا لا مش مهم غالية ولا لا المهم تكون موجودة ولا هدووخ عليها ؟؟؟!!!
افيدوونى افادكم الله

[ahmed88hassan]

ايه يا جدعان متردوا علي الراجل
افيدونا يا رجالة البي ام !

[samehelrewesh]

82 دى تقريبا شارك
عموما اشارك قطع غيارها عزيزة شوية فا العربية لو عايزة حاجة فكك منها انت ممكن تزود الفلوس الى معاك دى شوية وتدور على E30 coupe هتبقى رخيصة ياعنى ممكن متوصلش ل 30الف وقطع غيرها موجودة بالعبييييط ف الحرفيين اكتر من ال e21 وسهل انك تغير شكلها ل m40

[hanyhosney]

كل عام وانتم بخير

82 دى تقريبا شارك
عموما اشارك قطع غيارها عزيزة شوية فا العربية لو عايزة حاجة فكك منها انت ممكن تزود الفلوس الى معاك دى شوية وتدور على E30 coupe هتبقى رخيصة ياعنى ممكن متوصلش ل 30الف وقطع غيرها موجودة بالعبييييط ف الحرفيين اكتر من ال e21 وسهل انك تغير شكلها ل m40

اولا كل عام وانتم بخير وعيد سعيد عليكم جميعا

بالنسبه
للزميل صاحب السؤال
الاصلي
هو لو حاله العربيه بالوصف ده
السعر يكون مناسب
من 22 لحد 25
الف
لكن زي مرد عليك الزميل
سامح
ده موديل اسمو شارك
وقطع غيارو موجوده بس نادره شويه
وبرضو زي ما قالك الازميل سامح الافضل انك تزود وتجيب موديل
(e30)
بيتدي من 84 لحد 91
لكن مفيش بي امالموديل ده كوبيه
او سيدان
ب 30000
دي تبقي فيها مصيبه
الكوبيه اغلي
من السيدان احيانا
الموديل ده اوله لو العربيه فيها شغل كتير وحالتها مش اد كده
35000
وتوصل لحد 60000 كمان
ادخل علي كونتاكت كارز
ونتا هتلاقي فرص حلوه
واسف اني طولت

[samehelrewesh]

هانى باشا كل سنة وانت طيب
بس احب اوضح حاجة انا لسة مشترى عربية m40 موديل 89 وكنت يدور على حاجة كدة بقالى شهريين تقريبا
وقابنى ارقام زى اللى انا بقوك عليها دى عموما انا مشترى عربيتى كاملة فابريكة سقف ورفارف وكانت مرفوعة 5 سنين خلصتها عل35 الف واكن فى حجات اقل من كدة وبالنسبة للكوبيه هى ارخص من ال 4 باب لان سوقها واقف شوية ونادر لو لقيت حاجة نضيفة وفعلا لو لقتها رقم واحد مش هتقل عن 45 او 50 كمان
بس انا بتكلم ف ان هو لو جاب حاجة اول ال E30 كوبيه هتبقى رخيصة حتى لو محتاجة شوية نضافة هتبقى احسن من الشارك وزى ما قلتلك لو لفيت شوية هتلاقى الكوبية بس ال e30 مش m40 هتلاقيها 30000
انا كان فى واحدة قدامى من حوالى شهر بس كانت موديل 84 كانت على 28 لو قيتها لسة موجودة هجبلك الرقم بتاعها
وكل سنة وانتوا طيبين

[hanyhosney]

ونتا طيب يا باشا

هانى باشا كل سنة وانت طيب
بس احب اوضح حاجة انا لسة مشترى عربية m40 موديل 89 وكنت يدور على حاجة كدة بقالى شهريين تقريبا
وقابنى ارقام زى اللى انا بقوك عليها دى عموما انا مشترى عربيتى كاملة فابريكة سقف ورفارف وكانت مرفوعة 5 سنين خلصتها عل35 الف واكن فى حجات اقل من كدة وبالنسبة للكوبيه هى ارخص من ال 4 باب لان سوقها واقف شوية ونادر لو لقيت حاجة نضيفة وفعلا لو لقتها رقم واحد مش هتقل عن 45 او 50 كمان
بس انا بتكلم ف ان هو لو جاب حاجة اول ال e30 كوبيه هتبقى رخيصة حتى لو محتاجة شوية نضافة هتبقى احسن من الشارك وزى ما قلتلك لو لفيت شوية هتلاقى الكوبية بس ال e30 مش m40 هتلاقيها 30000
انا كان فى واحدة قدامى من حوالى شهر بس كانت موديل 84 كانت على 28 لو قيتها لسة موجودة هجبلك الرقم بتاعها
وكل سنة وانتوا طيبين

ونتا طيب يا باشاوالاختلاف في الراي لا يفسدللود قضيهشوف يا باشاالقرش صيادوالفرص مبتتعوضشلو وقعت هلي حاجه كويسهدوسبس اكشف عليها كويسوربنا يوفقك

[SiGmAa]

طب ياجماعة انا سئلت واحد ميكانيكى معرفة فى الحرفيين شغااال فى البى ام بس قالى لا ماتجبهاش وكدة غالى عليها كمان وهتدووخ على قطع الغيار بتاعتها وقالى انى لو دماغى فى البى ام انو قدامو عربية نفس الموديل وفيها موتور ال 25 الابيض (مش عارف يعنى اية ) وفيها فتيس (البين) ومش عارف برضو يعنى اية وقالى حديهالك على 18 الف ؟؟!!
يعنى اية بقى ال 25 الابيض دة واية الفتيس ال البين دة سبور دة يعنى ولا اية
وسعر العربية كدة حلو مع العلم انى لسة ماشوفتش حالتها اية بس انا بتكلم فى الرينج بتاع السعر

[samehelrewesh]

هانى باشا اكيد مفيش خلاف لان احنا هنا بنساعد بعد ف مينفعش اننا نختلف بالنسبة للعربية اللحمد لله كشفت عيها وناس ف البافاريا نسها شافوها واللحمد لله العربية طلعت كويسة هى عايزة شوية نضافة بس لان العربية كانت مرفوعة فترة كبييرة ف محتاجة شوية شغل مش هيعدى ال 3000 جنيه
sigma:طلاما قالك متجبهاش يبقى عاوز يديك واحدة لييه ؟؟؟
عموما 25 دى ياعنى 2500 سى سى
والفتيس البينا دا فتيس سبور اشد من الفتيس العادى بيركب لما تبقى مسقط متور كبير ولازم هتلاقى معاها كرونة لوك

بالنسبة لموضوع 18 دا حلو على موديل 82 لو العربية نضيفة اووى بس خلى بالك ان المتور دا لو نازل على الرخصة الضريبة بتاعته مش هتقل عن 800 جنيه تقريبا
وعموما ربنا يوفقك

[samehelrewesh]

البى ام مواتيرها هنا فى مصر مسمينتا ابيض واسود
بالنسبة للمتور الابيض دا اسم بيتقال على المتور عشان لونه ابيض ودا موديلاته قديمة شوية
دا الابيض:


ودا الاسود:

[husse]

سلام عليكم يا اخونا:

أنا معروض علي عربية بي ام 320 موديل 1982، العربية كانت مرفوعة فترة كبيرة، ومفيهاش غلطة من حيث العفشة والبودي، متسقط لها موتور 2500 من شهرين، وفيها تكييف وكاسيت وفرش جلد بتاعها وسماعات كلاريون، وصاحبها بيحلف انه صارف عليها بتاع خمسن ألف جنيه لحد دلوقتي، عشان هو شاري عفشة غالية، ومغير حاجات كتير فيها، وهو مهتم بيها جدا بأمانة، الخلاصة أنه عارضها على 35 ألف جنيه، ومش مستعد ينزل جنيه واحد، بس انا حاسس ان ده كتير أوي على الموديل ده رغم ان العربية جامدة جدا.

كنت عاوز بس رأيكم..

[samehelrewesh]

كتير اوووووووووووووى اووووووووووووى اوووووووووووووووووووووووى وفى الاخر اسمها شارك

[magyver]

كتير 30 الف جنية علي شاارك
هتلاقيها معشااب ومعدل فيها وطال فيها السعر دة
هي اشارك اخر موديل فيها كام

[samehelrewesh]

اخر موديل للشارك 82

[otefa]

هانى باشا اكيد مفيش خلاف لان احنا هنا بنساعد بعد ف مينفعش اننا نختلف بالنسبة للعربية اللحمد لله كشفت عيها وناس ف البافاريا نسها شافوها واللحمد لله العربية طلعت كويسة هى عايزة شوية نضافة بس لان العربية كانت مرفوعة فترة كبييرة ف محتاجة شوية شغل مش هيعدى ال 3000 جنيه
sigma:طلاما قالك متجبهاش يبقى عاوز يديك واحدة لييه ؟؟؟
عموما 25 دى ياعنى 2500 سى سى
والفتيس البينا دا فتيس سبور اشد من الفتيس العادى بيركب لما تبقى مسقط متور كبير ولازم هتلاقى معاها كرونة لوك

بالنسبة لموضوع 18 دا حلو على موديل 82 لو العربية نضيفة اووى بس خلى بالك ان المتور دا لو نازل على الرخصة الضريبة بتاعته مش هتقل عن 800 جنيه تقريبا
وعموما ربنا يوفقك

الضريبة للموديلات تحت ال90 عادية زيها زي ال1600 تقريبا حتي لو 6 سلندر وسي سي عالي

[samehelrewesh]

متأكد من الموضوع دا ياباشا عشان انا بصراحة اول مرة اسمع عنه ؟؟؟؟؟
انا لسة مرخص عريتى ودافع ضريبة 280 ج على 1800 سى سى ؟؟؟؟
وكان فى واحد ف المرور كان قاعد يزعق عشان معاه عربية بويك 2400 سى سى والضريبة عنده عدت ال 1000 جنيه