أستفسار عن أسعار قطع غيار m3 e36

[salahssalem]

الأخوة الأعضاء عندي عربية BMW M3 E36 وعاوز أعرف هل قطع غيار العربية متوفر في مصر أو لا وأسعارها لو تكرمتم

Remanufactured pressure plate for twin mass flywh
Remanufactured clutch disk f.twin mass flywheel
Clutch rel.fork lever
Repair kit, brake pads asbestos-free

[samehelrewesh]

الكلام دا قليل اووى ف مصر مش هتلاقيى غير واحد او اتنين ممكن يجيبهوملك ف الحرفيين
واحد اسمه عادل وجدى
والتانى اسمه ميدو
بس هيجبهوملك بالطلب ياعنى مش هتلاقيه موجودين هندهم على طول

[salahssalem]

مشكور جداً أخي العزيز علي مساعتدك لي

[samehelrewesh]

Ur Welcome

[otefa]

طيب ماتعمل طلبية من علي النت أسهلك وأرخصلك ده غير قطع الأم 3 مش متوفرة في أي من الدول العربية ومعظم الأجنبية

[TheBuccaneer]

طيب ماتعمل طلبية من علي النت أسهلك وأرخصلك ده غير قطع الأم 3 مش متوفرة في أي من الدول العربية ومعظم الأجنبية

فيه ميكانيكى مشهور اسمه منصور بيشتغل فى البى إم فقط! ممكن يشترى لك أية حاجه تحتاجها من دبى و تركبها عنده عند غيره مش هتفرق! هو بيشترى للناس محركات الأم ثرى و غيره و قطع غياره إلخ... و يركبها للناس وفيه فى الحرفيين ناس بيكون عندهم سيارات نصفين و بيفك منها و يعطيك قطعة الغيار (الأستيراد).

بالنسبة للشراء عن طريق النت طبعا شىء متاح لكن هل بيكون فيه جمارك على قطع الغيار! اعتقد إن بيكون فيه جمارك يعنى حسبتها من الخارج نفس الحساب مثل الشراء من هنا!

[salahssalem]

الله يبارك فيكم جميعاً علي تعاونكم معي . أخيراً وجد صديق لي في دبي حجيبلي قطع الغيار من دبي بس عندي سؤال تاني لو كنت عاوز أغير لون ... بويا .. العربية بالكامل التكلفة حتكون كم و بردو عاوز حد يشطب فرش العربية من جوا ..

[otefa]

لونها جميل قوي بسم الله ماشاء الله.....عايز تغير لأي لون!

[TheBuccaneer]

الله يبارك فيكم جميعاً علي تعاونكم معي . أخيراً وجد صديق لي في دبي حجيبلي قطع الغيار من دبي بس عندي سؤال تاني لو كنت عاوز أغير لون ... بويا .. العربية بالكامل التكلفة حتكون كم و بردو عاوز حد يشطب فرش العربية من جوا ..

هل أنت هتشيل البويه اللى عليها كلها و هتدهن لون تانى؟ إذا كنت هتغير لون عالعموم الحرفيين أحسن مكان تعمل فيه كل ما يتعلق بالسياره. التكلفه إذا كنت هتشيل الدهان الأصلى و تجعل السياره على الصاج ثم تعيد الدهان هتكون التكلفه من 6000 جنيه إلى 7000 جنيه! لكن غن شاء الله اللى هيفرج على السياره هيقول إنها فابريكه بالكامل معمول لها وش نظافه! بالنسبة للفرش لا يوجد أحسن من حربى السروجى إن شاء الله أحسن سروجى فى القاهره و يذهب إليه العديد من السيارات الفارهه

بالنسبه للون الجديد, لو تسمح لى هقترح عليك إما الأزرق, الأسود, البلوبلاك! هيجعل السياره شكلها جميله

[M.almaghraby]

ليه يا باشا 6000 جنيه؟؟

مش كتير شوية؟

[salahssalem]

مشكورين جداً علي الأهتمام طبعاً اللون الأصفر مش حلو زي الأزرق و الأسود و الأبيض وبأذن الله لم انزل مصر الشهر الجاي اروح للحريفين و نشوفوا حيعملونا أيه .

عاوز أسأل الجنط والكوتشات أسعارها كم في مصر مثلاً
245/40/18 دانلوب او بريدجستون او اي نوع كويس

هنا في ليبيا تعمل عدد 4 كوتش 245/40/17 ميشلان 3800 مصري وعدد 4 جونط 3300 جنيه أيهم افضل اركب في مصر و لا هنا قبل ما أتوكل و انزل مصر................

[otefa]

نصيحة بلاش ال18 مشاكلهم للصبح أي مطب متوسط بيعوجهم ...........كنت مركبهم عندي علي ال535 صداع ده غير كاوتشهم أغلي بكتير من 17 وال 16

[TheBuccaneer]

ليه يا باشا 6000 جنيه؟؟

مش كتير شوية؟

لأ مش كثير, لأنك هتنزل الدهان الموجود على السياره كله (هتحرق الدهان بأكلمه) و بعدين تأخذ السياره بالكامل وش معجون و بعدين تدهن السياره و غير ذلك أنت بتتكلم فى نظافة فى الدهان انت ممكن تدهن بأقل من هذا خارج الحرفيين لكن بالأمانه انا جربت فى الخارج و جربت هناك و طبعا فروق شاسعه فى طريقة التى دهنت بها السياره! غير الوقت أنا بروح الحرفيين اترك السياره و اروح بعد يوم او يومين بأخد السياره ما شاء الله 100% جديده و على فكره فى أكثر من هذا المبلغ فى أماكن اخرى!

[M.almaghraby]

شكرا لرد حضرتك

اصلي اسمع ان الموضوع دا ميزدش عن الفين و نص مثلا ,,, او حضرتك ادري الاسعار برا رينجها ايه

هل في فرق في نوعية الدهان ولا ايه

يعني اصدي اكيد في فرق فالشغل ....

[salahssalem]

هو لو تندهن العربية بالكامل يعني تنشال عليها كل حاجة وتبقا علي الحديد وتتندهن و الدهان يكون مية مية مش كثير 6000 جنيه بس أهم حاجة ترجع كل حاجة في مكنها و أنا كل ثقة في فنيين الحرفين و أن شاء الله مايصير الي كل خير