آخر التطورات

[inspiron]

النهاردة نزلت من البيت عشان أنقل العربية مكان تاني.المهم دورت العربية وجيبتها علي R ورجعت عادي جدا جدا ( من غير ما أدوس بنزين ) وبعدين إديتها D وطلعت عادي جدا برده 50 متر كده.بعدين جيبت الفتيس علي N .أول ما جيبته علي N العربية حصل فيها رعشة كده كلها لمدة 10 ثواني بعدين رجعت طبيعية تاني...هل من جديد؟؟؟

[inspiron]

يا ملين..19 مشاهد 0 ردود

[Abo_Lina]

ممكن تكون كانت لسه باردة و عاوزة تسخن
و الله أعلم

[MaZaGAngeE]

ممكن الكهربا عالية او العربية بارده أو انت من الناس اللي بتطفي العربية و تشغلها و التكييف شغال و ده بيبرجل العربية

[cOrn]

يا باشا فى حاجة عندك اسمها افوميتر , دة بيظبط هوا الموتور و لو العربية باردة , و ياريت تقولنا لو العربية كانت باردة يعنى بقالها اكتر من 7 ساعات مش دايرة , فا الافوميتر دة بيحاول على قد ما يقدر يظبطلك الهوا دة عشان ميحصلش نتشة او رعشة وانت ماشى و لما بتقف بتحس برعشة عشان نسبة الهوا اللى اتعوضت و الله اعلم وعلى فكرة جرب عند الميكانيكى افوميتر تانى لو حسيت بأى فرق فى العربية من ناحية الصوت او الحرق البنزين او التسارع يبقى احتمال كبير يكون عايز يتغير عشان الافو دة لية عمر افتراضى و بجد لو هو المشكلة و اتغير العربية بتتظبط 100%

[maadi]

لم أسمع ‘ن أفوميتر من قبل. ما أعلمه أن الأفوميتر جهاز لقياس الفولت و الأمبير و ليس جزء من السياره. يمكن يكون ده الإسم الدارج للإيرماس أو الأيدل كنترول؟

بالنسبه للموضوع الأصلي لا تعليق لأني لا أعلم. و قلت أكثر من مره التشخيص كده مجرد تخمين وواضح انك بتحب عربيتك قوي و بتتأثر نفسيا بزياده و ده شئ جميل فبالتالي لازم التشخيص (مينفعش عل نت) يكون سليم بدل ما تسمع إحتمالات تضايقك.

[cOrn]

فعلا هو الاير ماس والتجار والصنايعية بيقولوا عليه افوميتر وهو عبار عن جهاز صغير على يمين المحرك , بيوصل بين الايدل كونترول تقريبا حاول تكشف عليه عند الراجل اللى قلتلك عليه و شوف كدة

[totty]

جربت المنظف بتاع دورة البنزين اللي انا قلت لك عليه ؟؟ لو جربته و هى لسه بتعمل كده يبقى روح لحد يراجع لك على العربيه على الكومبيوتر و يقرأ اى غلط ........و ربنا يوفقك .....و يديك الصحه :))

[MaZaGAngeE]

ايه الاخبار ؟
العيب كان ايه ؟

[yascro]

كان عندى نفس المشكله وكانت من قواعد الموتور