مواتير ال bm ؟؟؟؟؟؟

[Xpert]

-4 سلندر احدث شويه من 1987 لحد 1994 ...
المكنه دي باختصار .. اسمها ام فورتي .. لو قيتها في الحوض .. شيلها و ارميها في الزباله ...اللي يقولك ب 3000 جنيه قوله خد انت 3000 جنيه و حل عني .....

دي نازله في الاي ثرتي من 1987 لحد 1990(الشعب سماها ام فورتي .. انما المكنه هيا اللي ام فورتي) ... و نزلت في الاي ثرتي سكس (الدبانه) من 1990 لحد 1994 ....
المكنه دي بتاكل كامات (جلب الكامات) و ممكن تؤدي الي اضرار جسيمه .. و عمرها قصير لا تتعدي ال 150 الف كم ..(لاحظ .. فيه مواتر بي ام عدت ال 300 الف كم علي العداد و لسه ماتعمرتش ... المكنه دي الوحيدع بقي اللي مش بتعيش) ...
لو بتتكلم في عربيه موديل اعلي من 1995 يبقي انت في السليم حيث ان نزل فيها الموتور الاحدث ...

[FASTER]

شكرا يا باشا طيب لو أنا عايز أغير الماكينة دي بواحدة أفضل تنصحني بأيه علما بأن عربيتي 318 موديل 88 وسعر الماكينة تقريبا هايكون في حدود كام وهاتركب بدون مشاكل ولا أيه
ومعلش طولت عليك بس من عشمي يا باشا

[bimmeraddict]

شكرا يا باشا طيب لو أنا عايز أغير الماكينة دي بواحدة أفضل تنصحني بأيه علما بأن عربيتي 318 موديل 88 وسعر الماكينة تقريبا هايكون في حدود كام وهاتركب بدون مشاكل ولا أيه
ومعلش طولت عليك بس من عشمي يا باشا

أنا لو مكانك هسقط 25 الأسود(m50 )بس تكون مفيهاش فانوس(non vanos )مع فتيس مانيوال جيتراج(getrag 250 sd)وكورونا لوك 3.46
بس هتحتاج نغير ضفيرة الكهربا .

[Xpert]

يا ولد يا ابو حميد ... اخرب بيت الراجل انت قوله 25 اسود و بتاع ... هوه كل من ركب بي ام يبقي بتاع جري ؟ ...(يمكن الراجل ممعهوش مثلاُ و تبع الغلابه ... يمكن مش بتاع جري مثلاً ... يمكن :d )
بص يا سيدي .. الخلاصه : لو انت عاوز 1800 برضه .. تركب المكنه الاحدث شويه ... موديل 96 و طالع (خد بالك من البلاوي الكهرباء ) .. دي اعرف سكه لواحده نمره واحد هاجيبهالك بسعر مرتاح ... (مش هاتحتاج تغير فتيس ولا الكلام ده .. الموتور بتعديل الضفيره و شكراُ علي كده) ...
لو انت حابب تجري شويه .. بتجيب ال 318 اي اس .. 1800 16 صباب ... هاتحتاج تغير الفرامل و الفتيس و الكرونه ...
لو انت بقي عاوز تنطق المكنه .. زي ما قالك ابو حميد كده .. 25 اسود نون فانوس معاه فتيس و كرونه و عفشه ...
انوي بس و انا اظبطك ز ادلك علي واحد تتعامل معاه في اي حاجه تحتاجها ;)

[FASTER]

شكرا يا رجالة وفعلا انا عايز أحقق المعادلة الصعبة بين أحساسي بقوة الموتور وفي نفس الوقت مراعاة الاسعار

[bimmeraddict]

شكرا يا رجالة وفعلا انا عايز أحقق المعادلة الصعبة بين أحساسي بقوة الموتور وفي نفس الوقت مراعاة الاسعار

بس ال25 الأسود الفرق بينة وبين ال4سلندر مش كتير في السعر يعني المكنة بالفتيس تعملها في حدود 5000-6000
أو ال1800 الاي اس m42 or m44 مش غالية ومكنة جامدة وتعملها بالفتيس في حدود 4000
متغيرش حاجة في العفشة أو الفرامل الا لما تسقط المكنة وتطمن على كل حاجة بعديها شوف العفشة هتحتاج اية.

[Xpert]

شكرا يا رجالة وفعلا انا عايز أحقق المعادلة الصعبة بين أحساسي بقوة الموتور وفي نفس الوقت مراعاة الاسعار

318 اي اس 4 سلندر 1800 سيسي 135 حصان ....;)

[bimmeraddict]

318 اي اس 4 سلندر 1800 سيسي 135 حصان ....;)

+111111111111
m42 or m44

[Xpert]

M42 احسن ....

[FASTER]

ودي تعملها في حدود كام يا عم أكسبرت وأيه التعديلات اللي هاعملها علشان تركب ومعلش سامحوني اخوكوا معلوماته ضعيفة في البي أم شوية

[Xpert]

بص يا سيدي الخلاصه.. ال مكنه ال 1800 سيسي العاديه فوق ال 96 دي مش هاتغير في حاجه يعتبر ... شيل دي و حط دي ...
ال 318 اي اس 1800سيسي 16 صباب دي هاتغير : موتور - فتيس - عفشه - ردياتير - و السلوك الكهرباء ..
ال 318 فوق ال 96 دي مكنه محسنه .. في الجري زيها زي اللي عندك .. بس العيوب فيها اقل .. و صيانتها اقل ...
ال 318 اي اس 16 صباب دي هاتجري احسن طبعاً و علشان كده محتاج تغير عفشه و فرامل و فتيس و كرونه علشان يناسبوا بعض ...
المواتير حسب الحاله .. الموتور لوحده بيبتدي من 3000 لحد 7000 جنيه بالنسبه لل 4 سلندر (ده كده الموتور لوحده) ... بعفشته و كامل ممكن يبتدي من 5000 لحد 10000 حسب الحاله و الشغل و حاجات كده احنا نعرفها انتو ماتعرفوهاش ;) بيبقي نظام الشغل اللي جي فيه المكنه .. جايه من انهي بلد .. عامله كام كيلو و حاله العربيه قبل ما تتجزاء .. العربيه جايه حوادث ولا سليمه ... الكيلو متر الحقيقي للعربيه (اللي بيعرفها المستورد .. التاجر مابيسألش .علي الكلام ده ..) .. و كذا حاجه تاني ..
العرف التجاري (اللي كانوا بيعملوا بيه زمان ... دلوقتي العمليه بقت نصب علي كله) ... بيقول ان المواتير النضيفه تمسك سعر عالي .. و المواتير التعبانه تطلع بأي سعر ..دلوقتي بقي اختلف السوق .. و ممكن تاخد موتور عيان ب 10 الاف و يلبسك العمه ... دلوقتي عرف السوق بيقول : عاوز تشتري مكنه نضيفه هاتها من واحد مضمون و يمكن كمان لو واحد قريبك او معرفه جامد قوي و ممكن في الاخر يضحك عليك !

[FASTER]

شكرا يا أكسبرت باشا المعلومة وصلت وبجد أنت راجل محترم :-)

[Xpert]

اي خدمه يا اكسلانس هههه

[bimmeraddict]

اي خدمه يا اكسلانس هههه

بس الواحد بيشتري المكنة على التجربة يعني لو كشف عليها في التوكيل كل حاجة هتبان صح؟
والمكنة الاي اس مش محتاج تغير رادياتور أو عفشة لأن فرق الوزن مش كبير.

[Xpert]

اولاً : انا في بني سويف و التجربه عندنا علي الطبيعه ...
ثانياُ : محتاج يتغير ...