استفسار برجاء المساعدة

[shark12345]

في قدامي bmw 318
موديل 99 عاملة 70000 كم فابريكة دواخل وبرة رشة نطافة بتاعت جاري والعربية مش بتتحرك تقريبا دية تساووي كام وكمان اية الفرق بين الفتيس القديم والجديد واعتقد 99 حيبقي فتيس قديم وقريت هنا علي المنتدي ان فية مشاكل في الفتيس القديم فهل ده صحيح واية حل موضوع الفتيس وتكلفتة كلم لو حصل حاجة منتظر الردود وبعد اذنكوا باسرع ما يمكن قبل ما العربية تتباع وجزاكم الله خيرا

[novo]

تساوي 90 لو حاله شاذه
و الفتيس القديم مشكلته انه غالي و أعطاله أكتر من الجديد
الرجاء التأكد من قراءة الكيلو عن طريق الكشف لان الكيلو كده غالبا ملعوب فيه

[shark12345]

الكيلومتر انا متاكد منة لانه جاري وسنة كبير والعربية علي طول في الجراج قدام عيني من ساعة ما جبها زيرو وشكرا ليك ومنتظر مزيد من الاراء

[TheBuccaneer]

السلام عليكم. السياره إذا كانت حاله فابريكه بالكامل بمعنى الكلمه < يعنى لا حزام نظافه ولا شىء > بدهان المصنع 100% < طبعا فيه أشياء يمكن التغاضى عنها يعنى رش الأكصدامات تعتبر فابريكه فى نظرى > بتعمل سعر 90000 - 95000 جنيه لكن غالبا اللى بيكون معه مثل هذه الحاله بيطلب 95000 جنيه, عالعموم حاول معه مبدئيا على 90000 جنيه و زود لكن لا تتعدى ال 95000 جنيه, و على فكره فى سياره معروضه فى كونتاكت كارز موديل 2001 الفتيس الأستيبترونيك < الجديد > معروضه ب 95000 جنيه و شكل الصوره أنها نظيفه. فأنت حاول معه على 90000. بالنسبه للفتيس الأستيراد و سعره بيتكلف 8000 جنيه و على حسب علمى نادر بعض الشىء لأنه تقريبا بنفس سعر الفتيس الأستيبترونيك الأستيراد فأذا لا قدر الله حصل شىء و نويت تغير الأفضل لك الفتيس الأستيبترونيك, اما فى التوكيل الفتيس الأستيبترونيك ب 18000 جنيه. تمام أهم شىء الكشف على السياره و تأكد من البطاحات الأماميه إذا كان بها شروخ ولا لأ, و عالعموم هذا عيب شائع فى موديلات 1999 - 2001. لكن أن وجد من وجهة نظرى الشخصيه يجب معالجته حتى لا يمتد.

[shark12345]

شكرا لرد حضرتك واستوفي كل النقاط

[rompo10]

ربنا يكرمك فيها ان شاء الله وطمنا بس اكشف عليها كويس ياعالم