أمتى أعمل عمرة موتور ؟

[MarEgypt]

عربيتى BMW-E21-318 ، موديل 1980 ، موتور 4 سلندر 1600 سىسى (130 ألف كم) ، كربيرتور (Solex 32-32 DIDTA) ، فتيس أوتوماتيك. (باستخدم بنزين 80).

خلال الـ 10 أيام الماضية قمت بتغير زيت الموتور (شل الأصفر HELIX HX5) وتغير فلتر زيت الموتور (Hengst)، وتغير زيت فتيس أتوماتيك (موبيل ATF 320)، وغسلت بالبنزين مصفة زيت الفتيس (مصفاة

معدنية)، وغيرت زيت كرونا (موبيل SAE 85W-140)، وغيرت زيت فرامل (Lockhead)، وغيرت زيت باور سترينج (موبيل ATF 320)، وغسلت الرديتير ومليته مياه خضراء.

بعدها حسيت بفرق فى أداء العربيه للأحسن طبعاً، وصوت الموتور أنخفضت بشكل ملحوظ.

بعد يومين غيرت طقم البوجيهات كان راكب فيها (BERU شمعة واحدة) وركبت بدل منه (دانسو 3 شمعات) "الميكانيكى خلع الاربع بوجيهات -بيرو- القدام ، واثناء ما هم مخلوعين قالى دورى المارش للحظات، وبعدين طلب أدور

المارش مره تانى للحظات 'مش عارفه ليه الحركة دى؟' ، ثم ركب الأربعة بوجهات -دانسو- الجدد"، بعد ذلك ظبط كهربا وبنزين وهوا، وبدأت المشاكل بعد تغير البوجيهات بيوم، وهى:
- العربيه أحيانا تعمل فرقعة فى الشكمان (مدافع)، خاصة أثناء التسخين الصبح ، أو لما أتحرت بيها فى الصبح ومؤشر الحرارة فى أول درجة.
- حسيت أن السحب ضعف. (وبخاصة لما يكون معايا أكثر من شخص فى العربية)
- لما أضغط بنزين جامد مره واحدة (Kickdown) ، ممكن تعمل صوت مدفع وتطفى، أو احسن أن الموتور مخنوق وصوته يوطى بدل ما يعى وعداد RPM يثبت أو يقل بدل ما يزيد، وعشان أقدر أمشى واسحب بالعربيه لازم

أسايس دواسة البنزين حبة حبة، فى الحاله دى ممكن أوصل بدواسة البنزين للأخر، لكن لازم حبة حبة وبالراحة. (ما كنتش كدا الأول)
- الدخان ما لوش لون، لكن لما بتدى فرقعة (مدفع)، بيبقى لونه أسود.
- صوت الموتور بقى فيه رنه أو ذى خبطة بتظهر منتظمة مكنتش موجوده فى الأول، لما بتكون على السلانسيه بتظهر واضحة، وبتكرر فى السلانسيه حوالى مرتين أو ثلاثه فى الثانية، لما السرعة بتزيد ما باقدرش الاحظها.

رجعت للميكانيكى تانى وقولت له المشكله، فقال دى مشكلة كهربا، وظبط شويا فى الاسبيراتير (اسبيراتير عادى مش ألكترونى)، وغير أبلاتين (BERU)، وكوندنسر (قال أى كوندسر يشتغل وركب كوندنسر عربية فيات جابه من عنده

"مش متأكده أنه جديد لكن شكله جديده")، وكشف على البوجيهات ، وغير أخر بوجيه (كان أخره لونه أسمر، لكن مش محروق أو متأكل).

بعدها تقريبا بطلت تعمل مدافع (نادر جداً)، وبقيت احس ان الموتور قوى أثناء ما العربية بارده، وكل ما تسخن أكتر أحس أن الموتور بيضعف (مؤشر الحرارة دائماً أقل من النصف). انا باخاف أسرع أكتر من 120 كم، والعربيه بتجيب

الـ 120 كم.

رجعت للميكانيكى تانى ، فقال الموتور عاوز عمرة. (أو اشترى موتور استيراد)

أخذت رأى أكثر من ميكانيكى ، وكانت الآراء كالتالى:

- أشواط الموتور مش مظبوطة (الاربع أشواط)، وعايزه تتظبط.
- الاسبيراتير من مظبوط، ومش عامل تناغم مظبوط مع شمعات الاحتراق، يعنى المفروض الابلتين يظبط (شمعة 1 مع 3) وبعدين (شمعة 2 مع 4) ، لكن هو ملخبط حاجة فيهم، أو الميكانيكى لخبط حاجه فى اسلاكة. (و الأفضل

أشترى أسبيراتير جديد)
- مشكلة تاكيهات، والتاكيهات عاوزه تتظبط.
- مشكلة كربيراتور، وتغير بيكات وظبط هوا وبنزين وكهربا. (أو أشترى كربيراتور جديد)
- زيت الموتور المستخدم غير مناسب للموتور، ويجب تغيره بزيت أتقل. (الزيت الموجود لسه ما عملش 400 كم).
- مشكلة بساتم أو شنابر ، فى بستم أو اكتر (أو شنابره) متآكل.
- أعتقد لو سألت ميكانيكى تانى ، هيقترح سبب جديد.

زهقت واتعقدت من العربيه، ومش عارفه أعمل ايه، وكل واحد كلامه مش مقنع، ومش عارفه أيهم الصح واخليه يشتغلى فى العربيه؟

ملحوظة: أنا عندى مشكلة من زمان (من قبل ما أغير أى زيوت أو بوجيهات) مش عارفه ايه سببها؟ المشكله أن العربيه بتستهلك بنزين كتير ، الصفحية (بنزين 80) يتعمل أقل من 100 كم.

[mohamed_e36]

اه الله يعينك على عك الصنايعيه بص انا بيتهيقلي ان الموتور سليم و بعدين انته بتقول ان المشكله حصلت بعد تغير البوجيهات
يعني الموتور قبليها مكنش في اي حاجه
دعبس بقى في موضوع البوجيهات ده يمكن تكون الفتحه بتاعه البوجيهات مش مظبوطه او يمكن في سلك من سلوك البوجيهات بايظ وبيهرب كهرباء جرب السلوك واحد واحد يعني افصل الكابل بتاع كل بوجيه وشوفه هيطلع شراره ولا لأ
بس انا بيتهيألي ان المشكله دي مش هتخرج عن ظبطه كهرباء وياريت تظبط الاسبراتير تاني عند حد كويس

[SHNORY]

الميكانيكيه كلهم عاوزين يرزقوا
العمره بتكون لما الموتور عزمه يضعف (العزم مش السرعه)
ولما يطلع دخان ابيض نتيجه حرق الزيت مع البنزين
انما الدخان الاسود ده بيكون ظبط ماكينه او تنضيف كاربراتير

معلش استفسار
حضرتك كاتب في بياناتك ذكر
وموضوعك كاتبه بصيغه المؤنث
علشان بس نحدد الصيغه اللي نكلم بيها حضرتك

[Mina-Magdy]

اولا احب اقول لحضرتك مفيش حاجة اسمها عمرة فى البى ام لما لاقدر اللة يحصل حاجة فى الموتور الافضل شراء موتور استيراد وبيكون 50 % معتمد على شطارة الميكانيكى و50 % على اللة

ثانيا انا حاسس ان الميكانيكى الى حضرتك بتروح لة لايعتمد علية انا اول مرة اشوف حد يدور المرش بدون بعض شمعات الاحتراق الكلام دة مش صح وهو دة الى برجل السيارة علشان الطبيعى لما الميكانيكى بيشيل البوجيهات الميكانيكى النضيف بيحط اى حاجة علشان ماينزلش وساخة داخل فتحة البوجية فا اكيد الحركة الى عملها مع رج الموتور نزل وساخة وهو دة السبب

ممكن الحل يكون كالاتى ان الموتور الفرصة الوحيدة لية لو مكنش فى مشاكل قبل كدة انة يفتح حتى بيت الاربع بوجيهات وينظف جيدا ويعاد تقفيلة

اما استهلاك البنزين فا دة اسبابة حجات كتير زى اولا الكربراتير بكاتة مش سليمة او متسخة وتانى حاجة دورة البنزين يعنى فلتر البنزين وطرمبة البنزين و ظبط الهواء والكهرباء

والف سلامة على عربية حضرتك وانشاء اللة تتظبط وتبقى احسن من الاول

[elmkaneeki]

طالما فرقعة يبقى عيب كهربا وبالخصوص ال مكثف

[fahd_628]

الفرقعة يعنى محتاجة ظبط

روحى لميكانيكى كويس علشان الموتور ان شاء الله مفيهوش حاجة المشكلة كلها ظبط فقط

[TheBuccaneer]

عربيتى BMW-E21-318 ، موديل 1980 ، موتور 4 سلندر 1600 سىسى (130 ألف كم) ، كربيرتور (Solex 32-32 DIDTA) ، فتيس أوتوماتيك. (باستخدم بنزين 80).

خلال الـ 10 أيام الماضية قمت بتغير زيت الموتور (شل الأصفر HELIX HX5) وتغير فلتر زيت الموتور (Hengst)، وتغير زيت فتيس أتوماتيك (موبيل ATF 320)، وغسلت بالبنزين مصفة زيت الفتيس (مصفاة

معدنية)، وغيرت زيت كرونا (موبيل SAE 85W-140)، وغيرت زيت فرامل (Lockhead)، وغيرت زيت باور سترينج (موبيل ATF 320)، وغسلت الرديتير ومليته مياه خضراء.

بعدها حسيت بفرق فى أداء العربيه للأحسن طبعاً، وصوت الموتور أنخفضت بشكل ملحوظ.

بعد يومين غيرت طقم البوجيهات كان راكب فيها (BERU شمعة واحدة) وركبت بدل منه (دانسو 3 شمعات) "الميكانيكى خلع الاربع بوجيهات -بيرو- القدام ، واثناء ما هم مخلوعين قالى دورى المارش للحظات، وبعدين طلب أدور المارش مره تانى للحظات 'مش عارفه ليه الحركة دى؟' ، ثم ركب الأربعة بوجهات -دانسو- الجدد"، بعد ذلك ظبط كهربا وبنزين وهوا، وبدأت المشاكل بعد تغير البوجيهات بيوم، وهى:
- العربيه أحيانا تعمل فرقعة فى الشكمان (مدافع)، خاصة أثناء التسخين الصبح ، أو لما أتحرت بيها فى الصبح ومؤشر الحرارة فى أول درجة.
- حسيت أن السحب ضعف. (وبخاصة لما يكون معايا أكثر من شخص فى العربية)
- لما أضغط بنزين جامد مره واحدة (Kickdown) ، ممكن تعمل صوت مدفع وتطفى، أو احس أن الموتور مخنوق وصوته يوطى بدل ما يعى وعداد RPM يثبت أو يقل بدل ما يزيد، وعشان أقدر أمشى واسحب بالعربيه لازم أسايس دواسة البنزين حبة حبة، فى الحاله دى ممكن أوصل بدواسة البنزين للأخر، لكن لازم حبة حبة وبالراحة. (ما كنتش كدا الأول)
- الدخان ما لوش لون، لكن لما بتدى فرقعة (مدفع)، بيبقى لونه أسود.
- صوت الموتور بقى فيه رنه أو ذى خبطة بتظهر منتظمة مكنتش موجوده فى الأول، لما بتكون على السلانسيه بتظهر واضحة، وبتكرر فى السلانسيه حوالى مرتين أو ثلاثه فى الثانية، لما السرعة بتزيد ما باقدرش الاحظها.

رجعت للميكانيكى تانى وقولت له المشكله، فقال دى مشكلة كهربا، وظبط شويا فى الاسبيراتير (اسبيراتير عادى مش ألكترونى)، وغير أبلاتين (BERU)، وكوندنسر (قال أى كوندسر يشتغل وركب كوندنسر عربية فيات جابه من عنده "مش متأكده أنه جديد لكن شكله جديده")، وكشف على البوجيهات ، وغير أخر بوجيه (كان أخره لونه أسمر، لكن مش محروق أو متأكل).

بعدها تقريبا بطلت تعمل مدافع (نادر جداً)، وبقيت احس ان الموتور قوى أثناء ما العربية بارده، وكل ما تسخن أكتر أحس أن الموتور بيضعف (مؤشر الحرارة دائماً أقل من النصف). انا باخاف أسرع أكتر من 120 كم، والعربيه بتجيب الـ 120 كم.

رجعت للميكانيكى تانى ، فقال الموتور عاوز عمرة. (أو اشترى موتور استيراد)

أخذت رأى أكثر من ميكانيكى ، وكانت الآراء كالتالى:
- أشواط الموتور مش مظبوطة (الاربع أشواط)، وعايزه تتظبط.
- الاسبيراتير من مظبوط، ومش عامل تناغم مظبوط مع شمعات الاحتراق، يعنى المفروض الابلتين يظبط (شمعة 1 مع 3) وبعدين (شمعة 2 مع 4) ، لكن هو ملخبط حاجة فيهم، أو الميكانيكى لخبط حاجه فى اسلاكة. (و الأفضل
أشترى أسبيراتير جديد)
- مشكلة تاكيهات، والتاكيهات عاوزه تتظبط.
- مشكلة كربيراتور، وتغير بيكات وظبط هوا وبنزين وكهربا. (أو أشترى كربيراتور جديد)
- زيت الموتور المستخدم غير مناسب للموتور، ويجب تغيره بزيت أتقل. (الزيت الموجود لسه ما عملش 400 كم).
- مشكلة بساتم أو شنابر ، فى بستم أو اكتر (أو شنابره) متآكل.
- أعتقد لو سألت ميكانيكى تانى ، هيقترح سبب جديد.

زهقت واتعقدت من العربيه، ومش عارفه أعمل ايه، وكل واحد كلامه مش مقنع، ومش عارفه أيهم الصح واخليه يشتغلى فى العربيه؟

ملحوظة: أنا عندى مشكلة من زمان (من قبل ما أغير أى زيوت أو بوجيهات) مش عارفه ايه سببها؟ المشكله أن العربيه بتستهلك بنزين كتير ، الصفحية (بنزين 80) يتعمل أقل من 100 كم.

السلام عليكمو أسف لتأخرى بالرد لكن ذلك لظروف

اولا أنا مستبعد أخر نقطتين ( مشكله زيت محرك او مشكله بستم ).

موضوع الفرقعه اللى بتم هذا غير انتظام فى أشواط المحرك قد يكون وضع سلك بوجيه مكان الثانى او مشكلة أسبيراتير, و اعتقد أنه عمل الأولى و ضع سلك بوجيه مكان الثانى لأن السياره قبل تغيير البوجيهات كانت تمام و لا يوجد فرقعه و خلافه, هل هو ضبط شىء بالأسبيراتير؟ إذا كان الجواب لأ فهو ان شاء الله ينحسر فى مشكله فى تركيب سلوك البوجيهات أن شاء الله. بالنسبه لمشكله سحب البنزبن أن شاء الله تنحصر فى الكربراتير, تغيير بيكات مثلا, احد أبواب الكربراتير ليست مضبوطه فى القفل و الفتح و هذا بيؤثر على سحب السياره أو قد تجدى صوت المحرك عالى + الأر بى أم عالى فى حالة تعليق أحد الأبواب. تركيبه لكوندنسر فيات غير مضبوط بالمره . إذا حضرتك تقدرى تورحى الحرفيين أوصف لك ميكانيكى هتروحى له و يشوف السياره و هو أمين و مش بيفتح و أنا ضامنه برقبتى لو الموضوع بسيط هيضبطه لو فيه شىء ثانى هيتغير لا قدر الله هيقول لك عليه تمام و يغير اوك مش تمام مش هنغير لكن يكون لديك خلفيه.

نهاية لا يوجد شىء اسمه عمرة محرك مرسيدس أو بى أم دبليو, لأن ببساطه بثمن العمره إن لزمت و بنسبه 99% لا توجد تشترى محرك استيراد. و هذا يدل على أن الميكانيكى مش فاهم ولازم ينضرب ! و نصيحه روحى لميكانيكى بيفهم و بيشتغل فى البى أم دبليو لأن مش كل السيارات مثل بعضها يعنى فيه ميكانيكى لا يعمل إلا بمرسيدس و أخر إلا ببى أم دبليو و أخر ب....

إذا كان لك رغبه فى الذهاب للميكانيكى ارسلى لى على الخاص و هوصف لك المكان و هرسل لك رقم تليفونه و أن لزم الأمر لوجودى هناك أن شاء الله اكون موجود. و أن شاء الله خير, و أسف لتأخرى فى الرد مره ثانيه.

[MarEgypt]

أشكر كل من:
smaalos
SHNORY
aramolos
elmkaneeki
fahd_628
TheBuccaneer
على حسن تعاونهم ، ومشاركتهم الخبيره التى كان لها 99.9% فى حل مشكلتى

ظبط تاكيهات وظبط كربوراتير وغيرت بوجيهات (شمعة واحدة) وكوندنسر وعطاء اسبراتير
الحمدلله العربية رجعت أحسن من الأول
واستهلاك البنزين قل جداااااااااااااا حوالى 200 كم فى الصفيحة (على الطريق خارج البلد) بعد ظبط الكربوراتير ، هل كدا مناسب ولا برضو استهلاك زياده؟

بس قالى برضوا الموتور قديم وطبيعى أن يكون فيه نسبة تفويت مش كبيره ، وممكن أستمر بيه كذا سنه
ولعلاجها حاجه من أتنين: أيه رأئيكو أى الحلين أفضل؟
1) عمرة موتور
2) موتور استراد يكون حديث شويا (يعنى بتاع موديل أحدث من موديل عربيتى) - ياترى ايه أنسب موتور ممكن اركبه بدل الى عندى؟ الى عندى تقريباً أسمه M10

[i_Am_Legend]

السلام عليكم ....اهلا بحضرتك..........

المشكلة عند حضرتك من الكاربراتر...........

لازم حد كويس ينضفة ويكشف عليه ويغير البيكات الواسعة..........

ثانيا لو حبيتى تغيرى الموتور يبقى موتور e30.......

مع ناى افضل انك تبيعى العربية دى وتشترى فيات اونو ..افضل.......

[TheBuccaneer]

أشكر كل من:
smaalos
shnory
aramolos
elmkaneeki
fahd_628
thebuccaneer
على حسن تعاونهم ، ومشاركتهم الخبيره التى كان لها 99.9% فى حل مشكلتى

ظبط تاكيهات وظبط كربوراتير وغيرت بوجيهات (شمعة واحدة) وكوندنسر وعطاء اسبراتير
الحمدلله العربية رجعت أحسن من الأول
واستهلاك البنزين قل جداااااااااااااا حوالى 200 كم فى الصفيحة (على الطريق خارج البلد) بعد ظبط الكربوراتير ، هل كدا مناسب ولا برضو استهلاك زياده؟

بس قالى برضوا الموتور قديم وطبيعى أن يكون فيه نسبة تفويت مش كبيره ، وممكن أستمر بيه كذا سنه
ولعلاجها حاجه من أتنين: أيه رأئيكو أى الحلين أفضل؟
1) عمرة موتور
2) موتور استراد يكون حديث شويا (يعنى بتاع موديل أحدث من موديل عربيتى) - ياترى ايه أنسب موتور ممكن اركبه بدل الى عندى؟ الى عندى تقريباً أسمه m10

إما محرك ال m40 أو الأفضل منه ال m43

[amrelsaqqa]

السلام عليكم ....اهلا بحضرتك..........

المشكلة عند حضرتك من الكاربراتر...........

لازم حد كويس ينضفة ويكشف عليه ويغير البيكات الواسعة..........

ثانيا لو حبيتى تغيرى الموتور يبقى موتور e30.......

مع ناى افضل انك تبيعى العربية دى وتشترى فيات اونو ..افضل.......

فيات اونو افضل ازاى ؟

[i_Am_Legend]

فيات اونو افضل ازاى ؟

يا باشا دى بنت _والبى إماية دى قديمة جدا_وإتلعب فيها كتير جدا_هى محتاجة عربية تخدمها مش هى تخدم العربية_دى لو كانت إى ثرتى _كان ماشى حلال فيها المصاريف_لكن الشارك مش بتاعة صرف ولا بتاعة بنات_ومبروك شدة البيجو بتاعة حضرتك

[MarEgypt]

إما محرك ال m40 أو الأفضل منه ال m43

تمنهم حوالى كم ؟
وهل هما انجكشن ولا كربيراتير؟ ولو الاثنين ايهم أفضل؟
وهيركبوا علطول ، ولا هاحتاج تعديل فى حوض العربية؟
وهل يركبوا على الفتيس الاتوماتيك الموجود عندى؟ ولا هحتاج اغير فتيس ؟
وما معدلات استهلاك الوقود لهم؟ ونوع البنزين المستخدم فيهم ؟ 80 ، 90 ، 92 ، 95


شكراً

[MarEgypt]

بشمهندس TheBuccaneer
انا قريت موضوعك : http://www.nilemotors.net/Nile/12756...ne-prices.html

هذا جزء منه

...
...
...
M40

4 سليندر, 8 صباب, وزنه تقريبا 81 كيلو
استخدم من سنة 1987 إلى 1993
استخدم فى ال E30 316i/318i 1987, وفى ال E34 518i, وفى ال E36 حتى سنة 1993
ال 1600 بيكون 102 حصان, ال 1800 بيكون 122 حصان

M42

4 سليندر, 16 صباب, وزنه تقريبا 100 كيلو
استخدم من سنة 1989 إلى 1996
استخدم فى ال E30 وال E36 ال 318is فقط. استخدم فى ال Z3
1800 قدرة الحصانية مختلفه على حسب وزن العربيه بيبدأ من 138 حصان إلى 142 حصان

M43

4 سليندر, 8 صباب, وزنه تقريبا 83 كيلو
استخدم من سنة 1993 إلى 1996
استخدم فى ال E36 316i/318i, وفى ال E34/39 518i
ال 1600 بيكون 102 حصان, ال 1800 بيكون 115 حصان

M43TU
4 سليندر, 8 صباب, 83 كيلو
استخدم فى ال E46 318i
1900CC بيكون 118 حصان

M44

4 سليندر, 8 صباب, وزنه تقريبا 102 كيلو
استخدم فى ال E36 318is, Z3
1900CC بيكون من 142 حصان إلى 150 حصان

... طبعا هو أحسن واحد فيهم ال M44
...
...
...

الـ M42 حتى سنة 1996 وقوة حوالى 140 حصان
هل يركب عندى؟
ما عيوبه؟ وايه الى يميز M44 عنه ؟ لان حضرتك قولت طبعا هو أحسن واحد فيهم ال M44

وايه الاسعار تقريباً

[TheBuccaneer]

ال M40BXX له عيب شائع و أنه بيسخن و بالتالى بيستهلك كامات, يعنى كل فتره هتغيرى كامات :(, و بلوف, و شواكيش. يعنى بثمن محرك M40XX غيره

الأفضليه هتكون بداية من ال M43BXX, ثم ال M43TUB19 < وهو المحرك الموجود بالصوره الأخيره وليس ال M44B19 > خطأ فنى منى أثناء وضع الموضوع و ال M43TUB19 هو المحرك الموجود بال E46 1999 - 2001, ثم ال M42B18 و ال M44B19 ال 2 لهم نفس الشكل لكن أنا كلامى على ال M42B18 منذ عام 1992 لأن ال M42B18 هناك منه نوعين
أعوام 1989 - 1991 M42B18 بقدرة 136 حصان @ 6000 أر بى أم و عزم 172 نيوتن @ 4600 أر بى أم
أعوام 1992 - 1995 M42B18 بقدرة 138 حصان @ 6000 أر بى أم و عزم 175 نيوتن @ 4500 أر بى أم
ال M44B19 منذ عام 1996 بقدرة 138 حصان @ 6000 أر بى أم و عزم 180 نيوتن @ 4200 أر بى أم.

طبعا أكيد لاحظتى أن فيه فارق فى العزم 5 نيوتن عند عدد دورات أقل بفارق 300 دوره لصالح ال M44B19.

1- ال 5 محركات انجكشن
2- محركات M43BXX - M43TUB19 - M42B18 - M44B19 اذا واحد ركب الباقى يركب لأن البلوكات تقريبا واحده.
3- أفضلية التركيب هتكون لل M44B19 بالنسبة لى, مع العلم أن الأفضليه هتكون لها سعرها D:
4 - المحركات تركب عندك لكن اكيد هتكون المشكله فى ضفيرة الكهرباء للسياره
5 - موضوع الفتيس أنا ليس لدى خلفيه عن نوعية الفتيس الأتوماتيك الموجود عندك اذا كان يقبل التركيب عليها أو لأ, اذا وضعت صوره له هيكون أفضل.
6 - معدل استهلاك البنزين جيد جدا, هتجديها أفضل من المحرك الموجود معك. بنزين 90 على الأقل بالنسبه لنوعية البنزين.
7 - بالنسبه للتكلفه أمهلينى فقط ليوم الأثنين القادم و هرد عليك بالأسعار.