هايز معلومات بسيطة عن e30

[m_samy2008]

بعد اذنكم ياجماعة انا عايز اعرف اسعار قطع غيار الفراشة 90 لو 316i وهل اسعار قطع غيارها اغلى من الدبانة ولا الدبانة اغلى ولو انا قدامى واحدة ستوك فبريكة برة وجوة يبقى اخرها كام فى السعر لوحالة نادرة ما بتمشيش

[m_samy2008]

ايه ياجماعة مفيش حد هنا ولا اييييييييييييييييييييييه

[TheBuccaneer]

السلام عليكم

السياره ال E30 منذ عام 1982 < بمصر 1983 > إلى عام 1994 < بمصر إلى 1991 >.

زودت السياره منذ بدأ خط الأنتاج بالمحرك M10B18 سواء كان لل 316 أو لل 318 لكن بالطبع كان فيه اختلاف بين كل من المحركيين فالل 316 كان المحرك بقدرة 89 حصان, بينما لل 318 كان بقدرة 103 حصان.

ثم منذ عام 1987 تقريبا بدأ تزويد السياره بمحرك M40BXX و XX = 1.6 or 1.8 على حسب السعه. و لذلك يطلق عليها منذ عام 1987 M40 لكن الأسم الصحيح لهذا الشكل هو ال E30 تمام.

ال M40BXX بالطبع محرك مزود بحقن ألكترونى و ليس بنظام كربراتير كال M10B18. ال M40B16 بسعة 1596 سى سى, قدرة 102 حصان @ 5500 أر بى أم, عزم 143 نيوتن @ 4250 أر بى ام. بينما ال M40B18 بسعة 1796 سى سى, قدرة 115 حصان @ 5500 أر بى أم, عزم 165 نيوتن @ 4250 أر بى أم.

نفس المحرك السابق مستخدم فى ال E36 بالنسبه ل E36 316 حتى عام 1994 أما ال E36 318 حتى عام 1993.

من عيوب ال M40BXX الشائعه هو ان المحرك بيسخن و بيستهلك كامات, طبعا الأستهلاك ليس معناه تغيره شهريا, لكن طبعا حسب الأستخدام < الدريفتات, و الأمريكانى, و التخميس > بكثره هيجعلك تغير الكامات بسرعه, على سبيل المثال كل 6 - 8 شهور.

حضرتك محتاج تعرف معلومات ثانيه عن اية شىء بالضبط؟؟؟

[m_samy2008]

شكرا ليك the buccaneer

الف شكر على اهتمامك ياباشا.....انا كنت عايز اعرف اسعار قطع غيارها ايه ومستلزمات الصيانة الدورية(فلتر زيت,فلتر بنزين وخلافه) بالاضافة الى اسعار قطع الغيار التانية لوفى لينك ولا حاجة اقدر ادخل عليه,وانا قدامى عربية موديل 90 فبريكة بره وجوه ومشيها قليل قوى 316i هل الموديل ده احسن موديل فى ال e30 مفيهوش عيب الماتور ده ولا هو هو نفس الماتور ولو انا هخلص فيها اخرها كام يعنى اقصى حاجة ادفعها لو العربية فورة يعنى وعلى فكرة انا مش بتاع دريفتات ولا تخميس ولا اى حاجة من الحاجات دى انا راجل بحب اركب عربية محترمة ابقى مطمنلها وانا راكبها........و اسف على الاطاله.....بس انا ما اتشرفتش باسم حضرتك واضح انك ملك البى ام هنا

[TheBuccaneer]

الف شكر على اهتمامك ياباشا.....انا كنت عايز اعرف اسعار قطع غيارها ايه ومستلزمات الصيانة الدورية(فلتر زيت,فلتر بنزين وخلافه) بالاضافة الى اسعار قطع الغيار التانية لوفى لينك ولا حاجة اقدر ادخل عليه,وانا قدامى عربية موديل 90 فبريكة بره وجوه ومشيها قليل قوى 316i هل الموديل ده احسن موديل فى ال e30 مفيهوش عيب الماتور ده ولا هو هو نفس الماتور ولو انا هخلص فيها اخرها كام يعنى اقصى حاجة ادفعها لو العربية فورة يعنى وعلى فكرة انا مش بتاع دريفتات ولا تخميس ولا اى حاجة من الحاجات دى انا راجل بحب اركب عربية محترمة ابقى مطمنلها وانا راكبها........و اسف على الاطاله.....بس انا ما اتشرفتش باسم حضرتك واضح انك ملك البى ام هنا

السلام عليكم و رحمة الله. أنا لا ملك و لا شىء, و هناك اعضاء أفضل منى بكثير :).

موضوع قطع الغيار, بالنسبه لتوفرها موجوده بالحرفيين, لكن قد تجد بعض الأشياء النارده من حيث الأعطال هتكون نادره من حيث التواجد.

على سبيل المثال بالنسبه للأسعار و ما بذاكرتى :)
زوج فوانيس خلفيه ب 500 جنيه < استيراد >
4 مساعدين مايلى ألمانى ب 1600 جنيه < جديد >
كلاتش مروحه ب 500 جنيه < جديد >
4 بوجيهات ب 100 - 120 جنيه
سير كاتينه ب 90 جنيه
سير دينامو ب 60 جنيه
فلتر زيت ب 30 جنيه
رفرف استيراد ب 100 جنيه
فتيس مانيوال ب 600 - 800 جنيه < استيراد >
طقم فرامل خلفى كامل ( 2 طنبوره, 2 تيل, 2 ماستر ) ب 1000 جنيه < جديد >
2 طنبوره ب 350 جنيه < استيراد >
علبة دركسيون ب 800 - 1000 جنيه < استيراد > ( لست على علم بسعرها الحالى فمنذ عام تقريبا كانت ب 1000 جنيه عند سؤالى علي سعرها )
محرك ب 4000 جنيه تقريبا + فتيس مانيوال + كنترولات.
عفشه 6 سليندر ( 4 مسمار ) خلفى ( زوج المقصات الخلفى كاملين بدون المساعدين ) اعتقد فى حدود سعر 600 - 700 جنيه لأن عفشة ال 6 سليندر ال 5 مسمار الخاصه بال E36 ( و هو الشكل الذى يلى ال E30 ) ب 800 جنيه, زوج مقصات كامل بدون مساعدين.
محرك M20B20 المعروف بالمحرك ال 2000 سى سى الأبيض ( سعة 1991 سى سى ) ب 5500 + فتيس مانيوال + كنترولات.
طقم عداد داخلى اعتقد ب 250 - 300 جنيه < استيراد >.

بالنسبه لسؤالك عن المحرك فهو ال M40B16 الموجود بالسياره و هو من عيوبه ارتفاع درجة حرارته و استهلاكه للكامات ( ليس المقصود بأرتفاع درجة حرارته انه بيتحرق, و على فكره مؤشر درجة حرارة السياره بيكون طبيعى جدا قبل المنتصف بشىء بسيط, لكن هذا عيب شائع به ). و ليس بالموضوع الكبير فقط تأكد من المحرك عند الشراء ( دوس Kick-down على دواسة البنزين إلى أن يكون مؤشر الأر بى أم بالمنطقة الحمراء و تاكد من سماع تفصيلة سليندرات المحرك ). الاحظ صوت المحرك عند الثانيتين ال 24 و 25 بهذا الفيديو.
[youtube]http://www.youtube.com/watch?v=0UyrrLDDV98&feature=related[/youtube]

بالنسبه للسعر إذا كانت السياره فوره مثلما تقول و لا تحتاج جنيه واحد مصروف سعر 53000 - 55000 جنيه سعر مناسب هذه الأيام إذا كانت موديل 1990.

[TheBuccaneer]

و هذا الفيديو بالثانيه 55

[youtube]http://www.youtube.com/watch?v=_Uz_To3jnyk&feature=related[/youtube]

[elm3lem_youssef]

كلاتش مروحه 150 جنيه استيراد
مساعدين أمامى ساكس 640 جنيه
مساعدين خلفى kyb 350 جنيه
تيل فرامل 90 جنيه
رفرف استيراد 100 جنيه
باب أمامى أستيراد كامل 150 جنيه
حساس كرنك استيراد 150 جنيه
مرايه استيراد 100 جنيه
طقم كشافات أمامى أستيراد 300 - 350 جنيه

ده اللى فاكره وبصراحه العربيه دى ممتازه جدا

انا اللى كانت معايا كنت مسقط فيها مكنه موديل 93 وقبلها كان فيها موتورها الأصلى وبالنسبه لموضوع الكامات ده عادى بس علشان متبقاش قلقان الموضوع ده مش بصوره سريعه دى بيبقى بعد عمر طويل جدا للموتور

ربنا يوفقك لو العربيه سليمه وأهم حاجه تقيس أبعاد الشاسيه لأن العربيه ممكن تبقى فابريقه وتطلع نصين ومتجمعه فى الحرفيين

[m_samy2008]

شكرا جزيلا على اهتمامكم .....بس انا عايز اعرف يعنى ايه اقيس ابعاد الشاسيه لانى بصراحة اول مرة اسمع عنها والقياس ده بيبقى فين ؟؟؟

[elm3lem_youssef]

بص يا جميل الأول شوف البعد بين نص العربيه اليمين والنص الشمال وهما المفروض يبقوا قد بعض
المسمار بتاع المساحه الشمال بيقى فى نص العربيه بالظبط حتجيب متر وتقيس من المسمار ده لغايه المسمار اللى رابط المساعد اليمين ( المسمار اللى بره) ونفس المسافه للمساعد الشمال وكده تبقى متأكد ان العربيه المسافه بين اليمين والشمال قد بعض

[m_samy2008]

طيب نعلش ياجماعة انا لسة شايف عربيه 318 موديل 1989 من يومين ستوك فبريكة بره وجوه هل اخد دى احسن لو طلعت مش محتاجة مصاريف وهل قطع غيارها اغلى من ال 316 واستهلاك البنزين بتاعها عامل ايه؟؟

[TheBuccaneer]

طيب نعلش ياجماعة انا لسة شايف عربيه 318 موديل 1989 من يومين ستوك فبريكة بره وجوه هل اخد دى احسن لو طلعت مش محتاجة مصاريف وهل قطع غيارها اغلى من ال 316 واستهلاك البنزين بتاعها عامل ايه؟؟

السيارتين سواء 316 أو 318 لا يوجد بينهم فروق غير سعة المحرك ليس إلا و استهلاك البنزين هيكون متقارب جدا جدا لدرجة انه قد لا يكون موجود على الأطلاق.

[m_samy2008]

الف شكر ياباشا على اهتمامكوالله.....بس انا فى حاجة معلش لو هيبقى فيها رخامة انا عايز حضرتك تبقى معايا وانا بتفرج على ال 316 اللى كنت قايلك عليها هى فى القاهرة وانا لسة هحدد معاد علشان انزل اتفرج عليها...معلش انا حاسس انى بتقل عليك بس انا عارف ان شراء البى ام مختلف عن شراء اى عربية وانا محتاج حد يكون فاهم فيها يبقى معايا وشكرا

[TheBuccaneer]

الف شكر ياباشا على اهتمامكوالله.....بس انا فى حاجة معلش لو هيبقى فيها رخامة انا عايز حضرتك تبقى معايا وانا بتفرج على ال 316 اللى كنت قايلك عليها هى فى القاهرة وانا لسة هحدد معاد علشان انزل اتفرج عليها...معلش انا حاسس انى بتقل عليك بس انا عارف ان شراء البى ام مختلف عن شراء اى عربية وانا محتاج حد يكون فاهم فيها يبقى معايا وشكرا

أنا تحت امرك لكن لازم نشوف ميكانيكى يكشف على السياره هذا مهم طبعا لأنه بخبرته عنى لأنى مجرد هاوى و راكب لكن هو خبرة تصليح و صيانه. كلم صاحب السياره و ضبط معه أن نتقابل فى الحرفيين و نروح للميكانيكى و نبعت نجيب السمكرى من ورشته يعاين هو الأخر. على أساس ان حتى و أن كان هناك شىء هيتم تغييره نعرف سعره. شوف أنت عاوز تعمل ايه و أن شاء الله أنا معك لكن من الأفضل طبعا أن الميكانيكى و السمكرى هم اللى يفحصوا و يعاينوا أرجو أنك تكون فهمت قصدى. :)

[m_samy2008]

انا طبعا فهمت قصدك ياباشا وده اللى انا كنت عايز اعمله بس قولت لازم يكون معايا حد فاهم فى البى ام وشكرا مرة تانية على اهتمامك بس انا لسة لغايت دلوقتى معرفتش اسمك وعايز رقم التليفون بعد اذنك لو ممكن تكتبهولى فى الخاص

[E30power]

تجربة من واااااااااحد ملدوع من e30 iهههه العربية دية تجيبها اما على الشعرة وكل حاجة فيها سليمة ومشدودة صح او بلالالالاش .... ومتقولش دية بسيطة وانا هعمل واعمل ... نصيحة ليك ..


انا الحمدلله قدرت الم العربية الى كنت هصرف عليها 7 الاف ..دلوقتى داخل فى 13 الف ...لدرجة انى الحاجات الى جايبها كلها مش قادر اركبها من كتر الخوازيق الى بتطلع من تحت الارض للعربية

بس بصراحة هيا العربية تستاهل كل قرش فيها ولا تقارن اطلاقا بالكورى والكلام دة ...انا كان معايا لانوس 2008 من الزيرو وبعتها علشان اركبهاا ومش ندمان الحمدلله