ممكن موتور يرزع يمشى تانى ...؟؟

[E30power]

السلام عليكم ...

باختصار يا رجالة البى ام انا معايا e30 موتور ث40 1600 المهم

المكوتور الافو ميتر مكنش مظبوط بقالة فترة كبيرررة ولمبة الشك انجين كاننت مولعة ودة عادى الى كنت متاقلم معاه ...

والعربية بجرى وبدفرت وعاادى ..المهم النهاردة قسيت شوية على العربية ووقعدت بتاع نصف ساعة تدرفت متواصلة والجو كان مخلينى مشعوز العربية بصراحة وطلعات اول وحرق وتفصيل كتيررر..

ركنت العربية وجيت اتحرك بيها انها تدور تانى ابدا ..كل ما ادور اسمع صوت المارش ومفيش اى حركة وساعات صوت تخبيط حديد فى بعضة جامد كائك بترمى حاجة على حاجات حديد ..فجة واحد ابن حلال اووى قالى مبروك الموتور رزع ..؟؟

المهم جبنا حبل وقطرنا العربية وانا ماشى قمت ناطر العربية على التانى فدارت بس كان فى صوت تخبيط حديد جااااااااااااااامد جدا اول ما دارت لدرجة ان صاحبى افتكر ان الاكصدام اتكسر ووقع وبعد كدة مشيت وروحت بيها

وحاليا اجى ادور مش بتدور وبتعمل نفس الحركة

ممكن يكون موتور فعلا انا ملحقتش اشوف فى دخنة ولا لا بس مظنش كان فية ....ابص على اية ولا احركها ازاى لانها تحت البيت ..

تانى حاجة المية ممكن تتزود من الريداتير زات نفسة لان القربة مش قادرين نفتحها بتاعت المية

[gamaladel]

.................................................. ............................
.....................................

- استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب".

يرجى مراجعة قواعد المنتدى

4:12am 14/2/2011
م.ع.6

[elm3lem_youssef]

فى ميكانيكى أعرفه ممكن تكلمه ويشوفهالك وهو فاتح ورشه فى المعادى ودايما كان هو اللى بيصلحلى العربيه اللى كانت معايا
اسمه وليد 0127178708 وقوله انت من طرف يوسف بس وان شاء الله تطلع حاجه بسيطه

[E30power]

متشكر جداا يا رجالة والحمدلله طلع الفريم (الفلام) اتكسر واشتباه فى ان البستم فية حاجة ... وهجيبها من قصيرها وهسقط مكنة عفية شوية ان شاء الله ...... متكشر جداا كمان مرة على الافادة يا رجالة


..... انا حاليا بدور على حد ثقة اجيب منة الحاجة واسقط عندة كمان بس يكون فى الحرفين فياريت لو حد يعرف ميكانيكى كهربائى اى بتنجان مقلى ياريت مايخل للاخوكم الصغير لانى تقريبا بعمل عربية من اول وجديد

[elm3lem_youssef]

بص يا جميل فى واحد أعرفه إسمه عماد المصرى بس هو فى الدقى
عن تجربه واسأل ناس هنا برضو شغله نضيف ممكن تشوف عنده مكنه وعنده كمان ميكانيكى شغال فى توكيل أبو غالى بييجى عنده يعمله الشغل إسمه كمال لو حابب أجيبلك رقمه لأنه مش معايا دلوقتى ولو لقيت رقمه على المنتدى وكلمته قوله انك من طرف يوسف هاواوى

[E30power]

متشكر يا معلم يوسف ....انا فعلا كلمتة بس تقريبا اسعارة مضاعفة بالنسبة للحرفيين مش عارف لية ..؟

[hanyhosney]

في واحد في صقر قريش المعادي
اسمه استاذ عادل
دا بيجيب عربيات استيراد
من سويسرا رقم تليفونو 0101431046
واسعاره اقل من الحرفيين كيييييييييييييييييك
وبعد ما تشتري وتخلص
عندو كل حاجه
قلو من طرف هاني ال معاه بي ام ام 40
حمرا
هبقي اوديك عند الميكانيكي
اي خدمه يا عم

[E30power]

في واحد في صقر قريش المعادي
اسمه استاذ عادل
دا بيجيب عربيات استيراد
من سويسرا رقم تليفونو 0101431046
واسعاره اقل من الحرفيين كيييييييييييييييييك
وبعد ما تشتري وتخلص
عندو كل حاجه
قلو من طرف هاني ال معاه بي ام ام 40
حمرا
هبقي اوديك عند الميكانيكي
اي خدمه يا عم

....

يا مسهل بقىىى.. حاكم انا تعبت من العربية وشكلى قربت ابيعها واجيب واحدة جاهزة ... ودة هيكون عندة نصاص كاملة ولا مواتير بس

[احمد فهمى]

ربنا معاك حاول تجيب موتور من عند واحد انت عارفو ويا ريت ميكانيكي يكون بتاع بى ام