عفشه امامية e36

[elfashn]

السلام عليكم انا المساعدين الى عندى فى العربية خفاف شوية ومش عاجبنى ومحتاج اغيرهم وفى نفس الوقت الطنابير بتسبب غربلة فى الدركسيون لما بدوس فرامل على سرعه عاليه فمحتاج برضه اغيرهم فقررت اجيب عفشة كامله استراد امامى يعنى مساعدين بالسوست مع الطنابير والتيل وكله يعنى هشيل من النص واركب عالطول وقررت اركب العفشة بتاعه السته سلندر بيقولو عليها احسن و فراملها احسن علشان فيها هوايات المهم انا كنت عايز اخد رأيكو قبل مغير حاجه وبرضه عايز اعرف المساعدين بطنابيرهم بتيلهم بكله ممكن يكلفو كام و لو حد يعرف حد كويس اجيب من عنده يقولى عليه بس يبقى فى الحرفيين علشان هركب هناك

[m000dy]

انا اعرف ان الطنابير الاماميه بس بتعمل 450
لكن لو هاتجييب الركب كاملين هاتعمل اقل من كده بكتير يعنى تقلايبا مش هاتعدى ال 1000 جنيه ده بالنسبه لعفشة الاربعه سلندر
انا اعرف ان عفشة السته سلندر احسن طبعا وبتفرق كمان فى الثبات قال يعنى هى ناقصه ثبات لكن ماعنديش اسعارها للاسف

[elfashn]

انا اعرف ان الطنابير الاماميه بس بتعمل 450
لكن لو هاتجييب الركب كاملين هاتعمل اقل من كده بكتير يعنى تقلايبا مش هاتعدى ال 1000 جنيه ده بالنسبه لعفشة الاربعه سلندر
انا اعرف ان عفشة السته سلندر احسن طبعا وبتفرق كمان فى الثبات قال يعنى هى ناقصه ثبات لكن ماعنديش اسعارها للاسف

اولا شكرا لحضرتك ولردك عليا ثانيا هيه فعلا مش ناقصه ثبات:0002014a: بس اتقالى ان طنابير السته فيها هوايات بتدى اداء احسن فى الفرامل بالرغم من ان فرامل الاربعه برضه حلوه بس الواحد قال مدام هيغير يجيب الاعلى لآنى ممكن فى يوم من الايام اجيب جنوط 17 فبالتالى هحتاج عفشة السته سلندر علشان تستحمل

[m000dy]

اعرف اتنين مركبين جنط 17 على عفشة الاربعة سليندر وماشيه معاهم زى الفل بدون اى شكوى او مشاكل

[elfashn]

اعرف اتنين مركبين جنط 17 على عفشة الاربعة سليندر وماشيه معاهم زى الفل بدون اى شكوى او مشاكل

جديد الموضوع ده الى انا اعرفه ان الجنط ال17 يتعب العفشه بتاعة ال4 سلندر ويتقل الدركسيون.

[m000dy]

ياباشا دول صحابى وبيقعدوا معايا كل يوم تقريبا
شرقنى فى السويس واقعدك معاهم وتشوف بعنيك
وفيهم واحد مركب جنط الى ام ال 17 الاصلى كمان وما اشتكاش لا من عفشة ولا من تقل دركسيون
وباى حال لو العفشه هاتتعب فمش هايبقى فى القريب العاجل ابدا

[elfashn]

شكرا لحضرتك ولآهتمامك

[Ahmed Selim]

معلش علشان أنا ناسى.........طنابير ال e36 الخلفية ديسكات و لا لأ ؟

لو مش ديسكات يبقى غير أمامى و خلفى للستة سلندر علشان تحس بالفرق فى الفرامل.

و بالنسبة للثبات هو فعلاً بيزيد بنسبة مش وحشة .

[elfashn]

شكرا للنصيحه