بي ام دبليو 1990 محتاج رأيكم

[hemalotfy]

السلام عليكم

قدامي عربية بي ام دبليو موديل 90 تقريبا او 89
العربية محتاجه شغل سمكره بسيط ودوكو (دواخل فبيرقة) واكصدام امامي وخلفي وشبكة امامي وفوانيس امامي وخلفي وزجاج امامي وتنجيد صالون

المهم الراجل قالي خدها ب 12000 الف بس وممكن اوصلها لحد 10 الاف

المشكلة دلوقتي انها كانت مسلمه نمرها للمرور ومرفوعه

معاها شهادة بيانات وجواب نمر

ايه رأيكم اخدها واشدها وارخصها ولا بلاش ؟!!

قطع غيرها غاليه ولا رخيصة ؟

الحاجات دي ممكن تتكلف كام

موتورها كويس بنسبة 75 %

[hemalotfy]

ايه ياجماعة محدش عنده خلفيه عن الموضوع

طيب هي لو حالتها كويسه هتعمل كام؟

[mahgary]

احسن حاجه تنقل الموضوع فى صفحة bmw هم عيفدوك اكتر

[hemalotfy]

احسن حاجه تنقل الموضوع فى صفحة bmw هم عيفدوك اكتر

شكرا ليك ياباشا بس انقله ازاي ولا اعمل موضوع جديد

ياريت من المشرفين نقل الموضوع لقسم bmw واكون شاكر ليهم

[eldell]

وبرضه ياريت تبقى تقلهم على رقم العربيه

[aymaym]

موديل 90 وبيقولك 12 الف !!!!!!!!!!!!!!!!!!!!!!!!
ياراجل دى لو فبريكه دواخل بتعمل 55 الف
الموضوع فيه خمسين ان

[hemalotfy]

موديل 90 وبيقولك 12 الف !!!!!!!!!!!!!!!!!!!!!!!!
ياراجل دى لو فبريكه دواخل بتعمل 55 الف
الموضوع فيه خمسين ان

مش خمسين بس دا مليون

انا استغربت فعلا من سعرها وحسيت ان فيه حاجة غلط

ممكن تكون مسروقه وبيلعب علي ؟!

[hemalotfy]

وبرضه ياريت تبقى تقلهم على رقم العربيه

الكلام بين الوسيط وبينه

على حسب كلام الوسيط ان العربية دي مسلمه نمر للمرور ومعاه شهادة بيانات

[ahmedfarou2]

يا سعدت الباشا اخلع و لو حتي فيها ميه المحياه يعني هوا لو فيها ميه المحياه اخلع بردو عشان علي ايه و جع القلب
العربيات كتيرررررررررررر

[SaberMan]

مش خمسين بس دا مليون

انا استغربت فعلا من سعرها وحسيت ان فيه حاجة غلط

ممكن تكون مسروقه وبيلعب علي ؟!

ممكن أوى .. السعر بعيد أوى عن متوسط سعر السوق غير كده فى فوانيس مسروقه و برابريز متكسر مش مريحانى يا ريت حضرتك تتأكد منها (خد بالك أوى فى شرى المستعمل).

[ahmdmagdy]

يا باشا ابعد عن الشر و غنيله لو كان فيها الخير ما كان رماها الطير

[hemalotfy]

انا من الصبح ودماغي بتلف

ليه هو مزبطهاش وباعها ؟!!

فعلا لو فيها خير ماكان رماها الطير

بس انا عايز اجيب اخر الراجل ده واشوف ايه حكاية العربية دي ؟! وليه سعرها ضايع كده

[eldell]

الكلام بين الوسيط وبينه

على حسب كلام الوسيط ان العربية دي مسلمه نمر للمرور ومعاه شهادة بيانات :u_thin1[1]:

قصدى العربيه 300 والا 500 والا ايه بالظبط مش نمر العربيه

[MOUSTAFA_SAAD]

العربيه دية مسروقه مليون فى الميه

[hemalotfy]

العربية دي اعتقد00 3

هزبط معاد واروح اشوفها واقعد مع الراجل بس ايه اللي ياكدلي انها مسروقة او ورقها سليمه ؟!