وأخيييييييييييرا صلحت المشكلة

[elfashn]

معلش بس لو تسمحلى بسؤال صغير
انا والدى معاه سكودا a4 موديل 2003 كان حصلها مشكله فى دوره التبريد و كوع اتكسر
المهم الحمد لله الموضوع اتصلح و بقى تمام بس لاحظت انها والعربيه بارده الصبح و لو دورت وطلعت بيها علطول تنط كده زى م حضرتك قلت كانها طالعه على غيار عالى .... لكن و هى سخنه مبتعملش الحركه دى فهل العيب برضو ممكن يكون من ال alternator sensor و لا ممكن تكون عيب تانى (فتيس مثلا )

اعتقد انى دى مشكله فى الايديال كنترول وبيظهر الكلام ده فى العربيه خاصه وهيه لسه بارده ومع سخونه العربيه بيروح الكلام ده. والله اعلم

[inspiron]

إعتقادي الشخصي والله أعلم إن فتيس الـ a4 مش كهربة.ولذلك المشكلة مختلفة..بس سؤال..حضرتك حصلت معاك الحكاية دي بعد مشكلة دورة التبريد مباشرة ولا إمتة؟

بعد مشكله دوره التبريد مباشره
حتى غيرت زيت الفتيس و برضو مفيش اى امل [/QUOTE]
من الأفضل توصيل العربية علي الكمبيوتر لأن في الغالب هتكون مشكلة sensor .

بحييك على ايجابيتك وعدم استسلامك لكلام الفتى بتاع التوكيل وكمان علشان تركيبك للحاجه بنفسك انا نفسى فى يوم من الايام ابقى زيك واعرف اركب حاجه بنفسى فى العربيه. اصل دى حاجه محتاج قلب لآنى بخاف ابوظ اى حاجه+انى مش خبره فى الفك والتركيب. عموما ربنا يباركلك فى عربيتك وتتمتع بيها.

يا باشا متشكر جدا لكلامك.وربنا يحصنلك عربيتك من أي مشكلة إن شاء الله.

اعتقد انى دى مشكله فى الايديال كنترول وبيظهر الكلام ده فى العربيه خاصه وهيه لسه بارده ومع سخونه العربيه بيروح الكلام ده. والله اعلم

حساس الأيدل كنترول ملوش علاقة بنقلات الفتيس.ده بيتحكم في حاجتين..وضع العربية إيه في حالة الثبات ( السلانسيه ) ونسبة فتح وغلق بوابة الحرق.

[OmaR_FekrY]

متشكر لسرعه رد حضرتك يا باشا

[Kareem.ElAraby]

احييييييييك و أرفعلك القبعه علي بحثك و طريقه تفكيرك ( ما شاء الله اللهم لا حسد) و انك لبيت بتوع التوكيل و نفضتلهم قال 70000 الف ده كان عاوز كلمه قبيحه !!!
مبروك علي رجوع عربيتك ليييييييييك و ابقي متعنا بمواضيعك الجميله ده

[ahmedfoud]

طبعا موضوع رائع و استفدنا منه كتير جدا ..

نفس المشكله تقريبا حصلت مع واحد صحبي في ال 520 موديل 2004 اخر الشكل القديم
و نفس القصه في التوكيل قالوا جير بوكي ب 70000 جنيه نفس الرقم الي حضرتك قولته بس هو اقل حظ او اجتهاد منك هو راح الحرفيين غير فتيس بالفعل بس ب 7000 جنيه بالتركيب بكل حاجه و العربيه رجعت زيرو تاني

يا ريت لو عندك معلومات عن اسعار قطع الغيار و الصيانه للعربيه دي عشان انا ناوي اشتري زيها ان شاء الله

صديقكم الجديد... احمد فوده

[د.محمود صلاح]

احسنت التصرف ,, ومبروك التصليح والحمد لله

[hanyhosney]

برافو برافو
خبره تضاف لخبراتنا كلنا فكرتني بنفسي
لما فضلت ابرم والف قال ايه العربيه بتاكل بنزين بس انا برضو مدتش ودني لحد
واكتشفت ان مفيش مشكله وان عداد الكيلومتر مبيعدش كويس
وعشان كده كان بيخرف والحمد لله مفكتش ولا غيرت ولا عملت
وموضوعك ده من المواضيع المفيده ال قريتها في المنتدي بتاع البي ام الفتره الي فاتت
واحييك علي انك ركبت القطعه بنفسك
والف مبروك السحب

[Ahmed Hassan]

معلش بس لو تسمحلى بسؤال صغير
انا والدى معاه سكودا a4 موديل 2003 كان حصلها مشكله فى دوره التبريد و كوع اتكسر
المهم الحمد لله الموضوع اتصلح و بقى تمام بس لاحظت انها والعربيه بارده الصبح و لو دورت وطلعت بيها علطول تنط كده زى م حضرتك قلت كانها طالعه على غيار عالى .... لكن و هى سخنه مبتعملش الحركه دى فهل العيب برضو ممكن يكون من ال alternator sensor و لا ممكن تكون عيب تانى (فتيس مثلا )

العربيه بتنط في النقلات لانها بارده فال rpm عالي.... يعني كأنك دايس بنزين و بتنقل من N الى D و لما تسخن ال rpm بينزل و النقلا بتبقى طبيعيه

[inspiron]

متشكر جدا يا جماعة علي ردودكم وأنا في الخدمة في أي إستفسار أقدر أساعد فيه إن شاء الله...

[MoOoD]

مبروك على تصليح المشكله...وفعلاً أستفدت من موضوعه ده
و مستنين منك مواضيعك الجامده والإختبارات الرائعه

[seko_66]

الف الف مبروك على تصليح العربية و السحب .

[mosakr]

طبعا اللي متابع مواضيعي عن سيارتي 523 موديل 2001 ..كنت في فترة من الفترات بشتكي من موضوع السحب وكان مجنني.وعملت كل حاجة ممكن تتعمل ومفيش فايدة ..تنظيف دورة البنزين.تغيير الطرمبة,تنظيف الماف سنسور.الكشف علي الفتيس بالكمبيوتر والكشف علي زيت الفتيس واللي عرفت إنه مش بيتغير من مصادر موثوق منها علي عكس ما أشاع الكثير.

المهم قولت خلاص بقي همشي بالعربية كده وخلاص.لحد ما حصل اللي خلاني فضلت ورا المشكلة لحد ما حلتها الحمدلله..وكان السبب عجيب لا يخطر علي بال أحد وبفضل الله إكتشفته لوحدي بعد البحث علي النت.

كنت رايح مشوار طويل كده من كام يوم.وبعد ما خلصت المشوار ومروح البيت ووقفت في إشارة ومدي العربية وضع n ..الإشارة فتحت عملت d وبدأت في الحركة بالظبط 10 أمتار....وإذا برسالة تحذيرية علي الكمبيوتر وصوت إنذار متواصل ( transmission failure safe prog ) والعربية كلبشت مكانها كأني ضربت فرامل.وبعدها علي طول رسالة تانية ( switch engine off ) طبعت بطلت العربية بسرعة في نص الشارع وقولت يا خبر إسود ومنيل الفتيس رااااااااح وفلوسي هترووووووووح معاه.

فضلت منتظر كده 10 دقايق في حالة من الذعر علي العربية...دورت دارت عادي خالص وصوت الموتور طبيعي.ولكن.لمبة asc ولمبة abs منورين والحروف بتاعة الفتيس علي الشاشة كلها مطفية.

أجيب الفتيس علي r مفيش مشكلة تتحرك عادي بس مش باين حرف الـ r علي الشاشة.أجيب الفتيس بقي علي d العربية تقفز لقدام كده وتثبت.أدوس بنزين تبدأ في الحركة بس كأنها بتطلع علي الرابع.إزداد رعبي أكتر وأصبحت متأكد إن الفتيس باظ وقولت العوض علي الله..المهم فضلت ماشي بيها كده بسرعة السلحفة لحد ما وصلت البيت.أنا ساكن في الهرم وكنت في شارع البحر الأعظم..وصلت في ساعة.

إتصلت بالتوكيل عشان أحكي اللي حصل.المهندس إبن الـ........ يقولي للأسف يا فندم هتحتاج جير بوكس جديد وسعره 70000 جنيه بعد الخصصصصصصصممممممم...قفلت في وشه.

قولت مبدهاش بقي وأعمل بحث مطول علي النت., فوجئت إن في ناس كتير من برة مصر واجهتهم المشكلة دي والغريب إن المشكلة متتطلعش في الفتيس.؟؟؟!!!!

بعد البحث والتمحيص والتدقيق وإستعمال قاموس ألماني للترجمة.عرفت إن فتيس الـ e39 و الـ e46 اللي هو steptronic ده فتيس كهربة وإسمه efst ( electronical fragmented supply transmission ومصدر الطاقة بتاعه طبعا بطارية العربية.وحساس آخر إسمه alternator sensor وده بيعمل كمردد تيار بديل وتنبيه الفتيس بميعاد نقل الغيار في الوقت المناسب والمسئول عن تنظيم إستجابة الفتيس أثناء التسارع.وذلك عن طريق إرسال الإشارة لحساس السرعة الموجود في الفتيس. ولو البطارية ضعفت أو حساس alternator ده في مشكلة.يحصل اللي حصل معايا ده في العربية.لأن في حالة ضعف البطارية الكهربه بتوصل ضعيفة للفتيس.ولو alternator sensor ده في مشكلة بيحصل لخبطة في كنترول الفتيس ..وعلي طول كمبيوتر العربية ينقل علي نظام failure safe program أو ما يسموه limp mode وده نظام بيخلي الفتيس يفصل جميع النقلات والأنظمة الحركية ويخلي الغيار الرابع فقط هو اللي شغال.وده كصمام أمان للفتيس عشان ميضربش.وهو ده اللي حصل معايا.

كلمت التوكيل طبعا تاني وسألتهم علي سعر الـ alternator sensor قلولي مش موجود حاليا.طبعا دخلت فيهم شمال وعملت شكوي في المهندس اللي رد عليا الأول لما قال محتاج فتيس بـ 70000.وقولتلهم أنا هبعت شكوي للـ head office أبهدلكم فيها وقفلت.

روحت الحرفيين ولقيت الـ alternator هناك وسعره 800 جنيه.إشتريته ورجعت البيت ركبته بنفسي ودورت العربية الحمدلله مفيش أي رسايل ظهرت وكل حاجة رجعت تمام.قولت بقي أطلع علي طريق أجرب التسارع عشان أطمن. والنتيجة أبهرتني الحمدلله وحسيت بفرق شاااااسع في التسارع.

معلش أنا آسف علي التطويل بس حبيت أحكي المغامرة لأن سبب المشكلة فعلا مكنش يخطر علي بالي إطلاقا..وصرفت دم قلبي علي حاجات مكنش ليها علاقة بالمشكلة.الحمدلله

اقولك على معلومه انا متأكد منها جدااااااااااااااااااااااااااااا
مع اعفائى من مصدرها او مدى التأكد منها ؟
مفيش حد بيشتغل فى توكيل ويكون بيفهم
او بمعنى اخر ان كل توكيلات مصر كل المهندسين والفنيين الى شغالين فيها مبيفهموش اى حاجه خاااااااااالص
فيما عدا توكيل mti فقط
انا والله متأكد من المعلومه دى ملياااااار الميه
والله الموفق

[dramir1]

اقولك على معلومه انا متأكد منها جدااااااااااااااااااااااااااااا
مع اعفائى من مصدرها او مدى التأكد منها ؟
مفيش حد بيشتغل فى توكيل ويكون بيفهم
او بمعنى اخر ان كل توكيلات مصر كل المهندسين والفنيين الى شغالين فيها مبيفهموش اى حاجه خاااااااااالص
فيما عدا توكيل mti فقط
انا والله متأكد من المعلومه دى ملياااااار الميه
والله الموفق

انا حصل معايا خلاف ذلك.... لفيت بعربيتي السوزوكي بالتكيف عشان لما ابيعها اللي يشتريها مايدعيش عليا.... كان السحب بيقل بدرجه كبيره مع التكييف وكل ماروح لحد يقولي التكييف زي الفل وانت حساس شويه ... وفي الأخر محدش صلحها غير فني في توكيل سوزوكي" مودرن موتورز" فرع الدقي.....فماينفعش الحكم يتعمم ...
انا مع حضرتك ان في ناس كتير بتشتغل في توكيلات بيجيلها مرض التغيير: عايز كل حاجه يشيل القديم ويحط جديد والزبون يدفع ....
ولكن مش كل الناس زي بعضها....تقبل مروري

[inspiron]

انا حصل معايا خلاف ذلك.... لفيت بعربيتي السوزوكي بالتكيف عشان لما ابيعها اللي يشتريها مايدعيش عليا.... كان السحب بيقل بدرجه كبيره مع التكييف وكل ماروح لحد يقولي التكييف زي الفل وانت حساس شويه ... وفي الأخر محدش صلحها غير فني في توكيل سوزوكي" مودرن موتورز" فرع الدقي.....فماينفعش الحكم يتعمم ...
انا مع حضرتك ان في ناس كتير بتشتغل في توكيلات بيجيلها مرض التغيير: عايز كل حاجه يشيل القديم ويحط جديد والزبون يدفع ....
ولكن مش كل الناس زي بعضها....تقبل مروري

متفق معاك..لكن هنا المسألة حساسة شوية...لما يكون توكيل مسئول عن خدمة سيارة من أعظم سيارات العالم زي بي إم دبليو. ويعين مهندسين عنده مش فاهمين حاجة وعندهم مرض التغيير زي ما حضرتك بتقول.تبقي مشكلة.أمال توكيلات الكوري والياباني يعملوا إيه؟؟؟؟

مع كامل إحترامي طبعا لجميع السيارات الكوري والياباني.

[mosakr]

ياجماعه المشكله فى مصر ان التوكيلات بتحب تشترى دماغها يعنى شيل وحط جديد ودا احيانا بيكون التشخيص خطأ
وساعتها العميل الى بيلبس فى حيطه