مساعدة بخصوص بى ام e30 ضرورى يا جماعة !!

[mody100]

السلام عليكم انا معروض عليا بى ام e30 موديل 84 رشة دواخل لانه مغير اللون فيها جنط 17 متعدلة 90 وفيها باور ومرايات كهرباء وفوانيس رينجات قدام وكساحات و عتب و كراسى ريكارو و فيها مكنة 2000 ,6 سلندر و عفشة كونى وسوند سيستم هى حلوة و عجبتنى صاحبها شاددها كويس و هو معرفة يعنى بيتكلم فى 40 الف ,انتو اية رايكم ؟؟

[aymaym]

مشكلتها 6 سلندر 1000 ج ضريبه

[TheBuccaneer]

السلام عليكم انا معروض عليا بى ام e30 موديل 84 رشة دواخل لانه مغير اللون فيها جنط 17 متعدلة 90 وفيها باور ومرايات كهرباء وفوانيس رينجات قدام وكساحات و عتب و كراسى ريكارو و فيها مكنة 2000 ,6 سلندر و عفشة كونى وسوند سيستم هى حلوة و عجبتنى صاحبها شاددها كويس و هو معرفة يعنى بيتكلم فى 40 الف ,انتو اية رايكم ؟؟

أولا السياره سعرها بالسوق 35000 جنيه - 40000 جنيه حسب الحاله العامه طبعا. الشىء المهم هو موضوع إن السياره مرشوشه من الداخل هذا بمصر يعد عيبا فى سوق البيع و الشراء و بالتالى إن حضرتك اشتريت السياره وودت البيع هتخسر ما لا يقل عن 10000 جنيه لأنها ببساطه مرشوشه من الداخل حتى و إن لم يكن بها حادث و تسبب بالرش الداخلى. لكن إن كنت معجب بالسياره لهذه الدرجه حاول تخفض معه و تشتريها على 30000 - 35000 جنيه. و لا تنسى إن أنت هتخسر فى إعادة البيع و عالعموم يوجد العديد من السيارات ال e30 النظيفه معروضه بموقع كونتاكت كارز زور الموقع و شاهد الفئات 316 - 318 - 320 و ال 325 و هتجد سيارات حالتها نظيفه و تقريبا بنفس السعر 40000 جنيه موديل اعلى و موضوع التضبيط أنت تقدر تشبط كل شهر شىء على كيفك و ذوقك.

[eng.m7md.ali]

اللي بيجي يرش علشان يغير لون مش بيرش دواخل
بلاش احسن ممكن تكون مش رشة بس علشان تغيير لون

[hanyhosney]

مشكلتها 6 سلندر 1000 ج ضريبه

ال 6 سلندر 2500 هي ال بتدفعلها 1000 عشان موديل السنه لكن ال 2000 اقل من كده بكتير
وفعلا زي ما عمرو قال هنا في مصر الرش الداخلي بيعيب العربيه لكن مش شرط تكون عامله حادثه
وربنا يسهل

[mody100]

هو صاحبها اصلا انا اعرفه صاحب صحابى المهم بقول لصحابى انا بدور على بى ام e30 لو حد قدامه حاجة يعنى ودونى اشوفها و هى بصراحة عجبتنى و الواد العربية بقالها معاه حوالى 3 سنين هو لسة معمرها مبقلهاش كام شهر و مغير لونها عشان بيقولى كان لونها pink و الناس كانت بتضحك عليه وخلاها ازرق عموما انا سالته برضو اذا كانت عاملة حادثة قالى بص و هى معايا معملتش اى حاجة بيها لكن الله اعلم قبل كده .
بس و عموما اللى e30 هنا فى الاسكندرية قليلة جدا جدا و عشان اجيب حاجة فبريكة لازم انزل القاهرة و اعمل شهاده بيانات و حوارات عشان انقلها اسكندرية

[mahmoud_anwar]

عارف العربية دي بي المصوفات الي قولتها اكلمة في كام 25 وابقا خسران فلوسي كفاية انها رشة انزل السوق الي بيشتري بي ام بيفتح الكبوت لو لقي فيها حتا بسة مرشوشة بيقفل الكبوت تاني ونصيحة ابعد عنها اصل البي ام دي مليانة انصاص متضمنش ممكن يكون مغير نصين تيجي تاخد مطب تلقي نفسك بتجري بي النص الأولني ولا حاجة هههههههههههههههههههههههههه فكك منها 40 الف دي تجبلك واحدة m40 محترمة مش ملعوب في اساسها

[mody100]

عارف العربية دي بي المصوفات الي قولتها اكلمة في كام 25 وابقا خسران فلوسي كفاية انها رشة انزل السوق الي بيشتري بي ام بيفتح الكبوت لو لقي فيها حتا بسة مرشوشة بيقفل الكبوت تاني ونصيحة ابعد عنها اصل البي ام دي مليانة انصاص متضمنش ممكن يكون مغير نصين تيجي تاخد مطب تلقي نفسك بتجري بي النص الأولني ولا حاجة هههههههههههههههههههههههههه فكك منها 40 الف دي تجبلك واحدة m40 محترمة مش ملعوب في اساسها

عجبنى تعليق حضرتك اوى ,حلوة اوى موضوع انى اجرى بالنص الاولانى ده هههههههههههههههههههه طيب سؤال بقى حاجرى بالكرسى ولا امسك فى الطارة وخلاص هههههههههههههههههههههههههههه

[pepsi007]

عجبنى تعليق حضرتك اوى ,حلوة اوى موضوع انى اجرى بالنص الاولانى ده هههههههههههههههههههه طيب سؤال بقى حاجرى بالكرسى ولا امسك فى الطارة وخلاص هههههههههههههههههههههههههههه

انت و نصيبك في موضوع الكرسي ده بس اهم حاجه تحط الرخص في الشماسه مش في جيبك الوراني متضمنش تقابل المطبات امتي

[sheko_2000eg]

جميع سيارت ال e30 , e40
في مصر يا رشة جوة يا نصيين و ملحومين
العربيات ديه في الشارع من عام 1984 يعني انسا الفبريكة
بص
هي العربية تعمل من 28000 الي 35000 حسب الحالة
علي العموم اكشف علي الحوض كويس لو سليم يباه اتكل علي الله

[pepsi007]

جميع سيارت ال e30 , e40
في مصر يا رشة جوة يا نصيين و ملحومين
العربيات ديه في الشارع من عام 1984 يعني انسا الفبريكة
بص
هي العربية تعمل من 28000 الي 35000 حسب الحالة
علي العموم اكشف علي الحوض كويس لو سليم يباه اتكل علي الله

باشا انت اكيد تقصد e30 وm40 علي ما اعتقد مفيش حاجه اسمها e40
و فيه عربيات منها فابريكه بره و جوه

[sheko_2000eg]

انا اسف علي الخطأ غير المقصود
e30 , m40

[pepsi007]

انا اسف علي الخطأ غير المقصود
e30 , m40

يا باشا العفو ليه بس الاسف

[fahd_628]

هو صاحبها اصلا انا اعرفه صاحب صحابى المهم بقول لصحابى انا بدور على بى ام e30 لو حد قدامه حاجة يعنى ودونى اشوفها و هى بصراحة عجبتنى و الواد العربية بقالها معاه حوالى 3 سنين هو لسة معمرها مبقلهاش كام شهر و مغير لونها عشان بيقولى كان لونها pink و الناس كانت بتضحك عليه وخلاها ازرق عموما انا سالته برضو اذا كانت عاملة حادثة قالى بص و هى معايا معملتش اى حاجة بيها لكن الله اعلم قبل كده .
بس و عموما اللى e30 هنا فى الاسكندرية قليلة جدا جدا و عشان اجيب حاجة فبريكة لازم انزل القاهرة و اعمل شهاده بيانات و حوارات عشان انقلها اسكندرية

متفكرنيش :(

انا لسة جايب واحدة مرور المنصورة و حيطلع عينى :( لازم اروح و اطابق بصمة و حاجات كدة ( لازم للبى ام و المرسيدس ) )

بس بينى و بينك هية تستاهل التعب هوة دة الى مهون عليا

و بصراحة بلاش تجيب عربية رشة دواخل دة رأى

اتعب شوية و هات عربية فابريكة دواخل علشان متتعبش قدام او لو حبيت تبيع

[mody100]

خلاص انا صرف نظر عن العربية دى ,وححاول اشوف حاجة تانية كويسة