عندى سؤال و محتاج متخصص

[yasserhamed195]

انا معايا 320 موديل 2007 لسة شاريها و غيرت تيل امامى و طنابير من شارع دمشق مش من التوكيل و بعد ما غيرت التيل بحس بهزة خفيفة فى الدريكسيون مع الفرامل فى واحد قالى ان التيل لسة مطبعش و واحد قالى انت عندك مشكلة فى المقصات و واحد تانى قالى دى مشكلة شداد الميزان و دي كانت اول مشكلة .... تانى مشكلة ان ال drive i قارئ الكليو متر المتبقى لتغيير التيل نفس الرقم القديم و الميكانيكى قال لى لما تمشى شوية هو هيعدل نفسه و لغاية دلوقتى الرقم الى باقى على التغيير بيقل مش بيزىد ارجو الافادة و شكرا

[pepsi007]

لازم تتحط علي الجهاز علشان يعرف ان التيل اتغير

[yasserhamed195]

و بالنسبة للرعشة

[farahat]

الرعشة دي غالباً بتكون طنبير فيها رفة ، يا إما نوع الطنابير نفسها وحش يا إما مش راكبة عدل ، و يا ريت تعملها بسرعة لأن دة مع الوقت هيخليها تعمل عالي وواطي وتبوظ بسرعة.


بالنسبة للقراءة بتاعة الصيانة دي بتحتاج يتعملها reset على الجهاز ، ودي بسيطة ، لو الميكانيكي بتاع حضرتك ماعندوش جهاز ممكن حضرتك تقابلني في أي مكان وأعملهالك

[hanyhosney]

الرعشه

انت بتقول مغير الطنابير
يبقي فيها ريجا يعني عالي وي واطي
نوعها رديء لكن فكره انها هتطبع دي مش عارف
الرعشه دي بتبقي علي سرعه كام ؟

[Batman372]

و بالنسبة للرعشة

- لو الرعشه على طول >>>> يبقى ممكن حاجات كتير : تظبيط زوايا او وجود شىء فى المقصات او الطنابير بها رفه او الجنط لو سليم يحتاج ترصيص .

- لو الرعشه فقط عند سرعه 80 / 90 كم و انت مريح رجلك على الفرامل >>>>> يبقى 100% جلب المقصات .

....* الافضل لك الذهاب فورا للتوكيل - حضرتك راكب عربيه محترمه و غاليه !!

[TheBuccaneer]

الرعشة دي غالباً بتكون طنبير فيها رفة ، يا إما نوع الطنابير نفسها وحش يا إما مش راكبة عدل ، و يا ريت تعملها بسرعة لأن دة مع الوقت هيخليها تعمل عالي وواطي وتبوظ بسرعة.


بالنسبة للقراءة بتاعة الصيانة دي بتحتاج يتعملها reset على الجهاز ، ودي بسيطة ، لو الميكانيكي بتاع حضرتك ماعندوش جهاز ممكن حضرتك تقابلني في أي مكان وأعملهالك

متفق معك تماما :)

[farahat]

متفق معك تماما :)

ما إنت خبرة كبيرة برضه يا عمرو باشا :)

[Ahmed.Fahmy]

رعشة + فرامل = طنابير
كل ما السرعة تزيد الرعشة مع الفرامل تبان اكتر يبقى اكيد طنابير وربنا معاك

[yasserhamed195]

- لو الرعشه على طول >>>> يبقى ممكن حاجات كتير : تظبيط زوايا او وجود شىء فى المقصات او الطنابير بها رفه او الجنط لو سليم يحتاج ترصيص .

- لو الرعشه فقط عند سرعه 80 / 90 كم و انت مريح رجلك على الفرامل >>>>> يبقى 100% جلب المقصات .

....* الافضل لك الذهاب فورا للتوكيل - حضرتك راكب عربيه محترمه و غاليه !!

هو فعلا كدا الرعشة على السرعة دى بس ما كنتش موجودة قبل ما اغير التيل و الطنابير

[yasserhamed195]

الرعشة دي غالباً بتكون طنبير فيها رفة ، يا إما نوع الطنابير نفسها وحش يا إما مش راكبة عدل ، و يا ريت تعملها بسرعة لأن دة مع الوقت هيخليها تعمل عالي وواطي وتبوظ بسرعة.


بالنسبة للقراءة بتاعة الصيانة دي بتحتاج يتعملها reset على الجهاز ، ودي بسيطة ، لو الميكانيكي بتاع حضرتك ماعندوش جهاز ممكن حضرتك تقابلني في أي مكان وأعملهالك

الف شكر هو فعلا الميكانيكى معرفش لو ممكن حضرتك تعملهاى .... تحب نتقابل اذاى

[farahat]

الف شكر هو فعلا الميكانيكى معرفش لو ممكن حضرتك تعملهاى .... تحب نتقابل اذاى

لو حضرتك ساكن قريب من كارفور المعادي أو سهل عليك ممكن نتقابل هناك أو في بنزينة امارات أو حاجة، عشان يبقى فيه مكان نركن بس

[yasserhamed195]

لو حضرتك ساكن قريب من كارفور المعادي أو سهل عليك ممكن نتقابل هناك أو في بنزينة امارات أو حاجة، عشان يبقى فيه مكان نركن بس

المكان مناسب جدا ممكن موبيلك

[zegna]

طبيعي ان رقم الكيلومتراج بتاع التيل القديم هوة اللي يكون موجود لان حضرتك مغيرتش السنسور بتاعوة بواحد جديد دة تمنة في التوكيل ب 400 جنية لو عاوز قراية الكيلو متراج صح انما ممكن تتعامل عادي من غير سنسور والخبراء يفدوك اكتر برضو

[farahat]

طبيعي ان رقم الكيلومتراج بتاع التيل القديم هوة اللي يكون موجود لان حضرتك مغيرتش السنسور بتاعوة بواحد جديد دة تمنة في التوكيل ب 400 جنية لو عاوز قراية الكيلو متراج صح انما ممكن تتعامل عادي من غير سنسور والخبراء يفدوك اكتر برضو

على حسب ما أنا فاكر حساس التيل تمنه في التوكيل 200 جنيه وبرة التوكيل حوالي 90 ، ودة بيكون عبارة عن فيشة بتركب جانب التيل عشان لما التيل يتاكل تتاكل هي كمان فتخلي اللمبة بتاعة التيل تنور . لكن مفيش فيها أي حاجة إلكتروني