ايه الفرق بين 318i و 3m

[MoOoD]

ما شاء الله أخى TheBuccaneer على المعلومات المنظمه و الكامله
جزاك الله كل خير عنا جميعاً

[TheBuccaneer]

ياترى اسعار المرايات الفولدنج تويست بالتركيب ل 46

السلام عليكم. المرايات الفولدنج تويست التايوانى جديده ب 1850 جنيه. أما فى حالة الألمانى فالواحده ب 6000 جنيه حسب أخر مره سألت عليهم.

[TheBuccaneer]

انا متشكر جدا على اهتمامك وياريت عايز اعرف سعر رش العربيه بالكامل ايه ( اسكنز ) وشكرا مره تانيه لاهتمامك

موضوع الدهان أنا ممكن ارسلك لشخص أخ هو هيدلك على بوهيجى ما شاء الله عليه نظيف جدا لكن غالى بعض الشىء. لكن للحقيقه أنا ليس لدى خلفيه عن سعر الدهان هيكون كان لكن إن كانت السياره كلها هيطلب فى حدود 2500 - 3000 جنيه لكن هيخرج لك شغل 100% و إن لم يعجبك يدهن لكن مره ثانيه على حسابه.

[belladona]

حضرتك bmw m3 e46 قي منو مانيوال وفي منة smg ودا ممكن يبقا اوتو عادي او تغير من الطارة نفسها في وضع السباق

[belladona]

حضرتك bmw m3 e46 قي منو مانيوال وفي منة smg ودا ممكن يبقا اوتو عادي او تغير من الطارة

السلام عليكم

مع احترامى لكل الأعضاء و الردود لكن مع الأسف كلها خاطئه لأن حضرتك بتسأل عن موديل ال E46 كما هو بسؤالك عن الفرق بين ال 318 موديل عام 2001 و ال M3 بالتأكيد لنفس الشكل و جاءت الردود كلها عن فئة الجديده ال E90 M3 Series مع وجود بعض طبعا بعض الأشياء الغير صحيحه ايضا.

المهم الفرق بين ال 318 و ال M3 فرق كبير جدا. ال M3 هى الطراز الرياضى للفئه الثالثه. الأختلافات بينها وبين اية سياره أخرى فى ال E46 سواء كانت 318 - 320 إلخ... فرق كبير فى كل شىء أولا بالنسبه للسياره من الخارج إكصدامات أماميه وخلفيه مختلفه, هوايات جانبيه بالرفارف الأماميه و الغير متوفره إلا بال M3, باكتات جانبيه للأبواب, عتب أبواب مختلف, شكل الفوانيس أيضا مختلف, بالنسبه للصالون الداخلى كراسى مختلفة الشكل, عجلة قياده متعددة الأستخدامات مختلفه عن عجلة القياده العاديه و عن المتعددة الأستخدامات التى وجدت بال E46 منذ عام 2002 فى فئة البيز لاين و الهاى لاين, نظام ملاحى "مختلف الأشكال" داخل السياره, عدادات بشكل مختلف + إن العدادات 300 كم و ليست 240 كال 4 سليندر أو 260 كال 6 سليندر إلخ... , مرايات جانبيه معروفه ب "فولدنج تويست" بها خاصية الأغلاق مع الدوارن و الفتح أيضا مع سنتر لوك السياره فى كلا الحالتين "الأغلاق أو الفتح" مع وجود زر داخلى أيضا يمكنك من فتح و غلق المرايا بنفس الطريقه المتاحه مع السنتر لوك + إن المرايا بها حساسات ضوء, السياره مزوده بسى دى تشانجر, الفتيس مانيوال ولا يوجد M3 على الأطلاق بفتيس اتوماتيك أو حتى استيبترونيك لا جديد ولا قديم, نظام الميكانيكا مختلف بالكامل عن كل سيارات الفئه الثالثه سواء كانت 4 سليندر أو 6 سليندر و الشكمان 4 مخارج "2 مخرج يمين + 2 مخرج شمال" . احجام جنوط و شكل مختلف عن الفئه الثالثه العاديه و الجنط بيكون مكتوب عليه حرف ال M الملون المعروف. ال E46 M3 لم الأصليه لم تتوفر إلا بطرازين الكوبيه أو الكابروليه فقط. محرك السياره اسمه S54B32 بسعة 3246 سى سى قدرة 343 حصان (338 حصان فعليا) @ 7900 أر بى إم و عزم 365 نيوتن @ 4900 أر بى إم - سرعة 0 إلى 100 فى غضون 4.9 ثانيه تقريبا (لست متذكر حقيقة لكن فى غضون 4.9 أو 4.8 )

S54B32


E46 M3










حضرتك فيه فريما بيكون حول العدادات من الداخل غير متوفر إلا بال M3



حضرتك قارن بين اية E46 حضرتك تشوفها وبين الصور و حضرتك هتعرف الفرق.

كل التعديلات متاحه أن حضرتك تقدر تشترى E46 318 عاديه جدا و تحولها إما شكلها الخارجى فقط إلى M3 تشترى الهوايات, و الباكتات, و الأكصدامات, و العتب, و الفوانيس, و الشبك الأمامى و تخلع و تركب, و تقدر تشترى الصالون و تخلع و تركب, و تقدر تشترى فريم العدادت و تفك العداد و تركب الفريم حول العدادات الداخليه, و تقدر تشترى عجلة القياد و تركبها لكن كل الوظائف لن تعمل مع المحرك ال 4 سليندر كل ما سيعمل هو التحكم فى الكاسيت فقط, و تقدر تشترى نظام الملاحه و تركبه, و تقدر تشترى النظام الميكانيكى كامل و تركبه, او عفشه فقط و تركبها لكن طبعا كل هذا سيتكلف مبلغ و قدره يعنى نظام الميكانيكا كامل هيتكلف 50000 جنيه (محرك + فتيس + عدادات + كنترولات + عفشه كامله + شكمان + ريداتير + كرونه + عمود كردان إلخ ...) يعنى حضرتك تفك كل ما هو متعلق بالميكانيكا و تركب نظام ال M3

[youtube]http://www.youtube.com/watch?v=2cup1DLjgu8[/youtube]

[gemy1]

تعديل بسيط يا TheBuccaneer باشا ال 46 نزل منها ستيبترونيك طبعا تعديل لمعلوماتك القيمه الفتيس ال SMG

[TheBuccaneer]

تعديل بسيط يا TheBuccaneer باشا ال 46 نزل منها ستيبترونيك طبعا تعديل لمعلوماتك القيمه الفتيس ال SMG

السلام عليكم

شكرا لك الفتيس ال SMG كالفتيس الموجود باللمبورجينى و هو عباره و به زوج من الذراعات أيضا بجانب عجلة القياده أحدهم لنقل الغيارات للأعلى و الأخر للأسفل كاللمبورجينى تمام. لكن مدى توفره فى مصر اعتقد أنه نادر جدا جدا جدا جدا ...



و المفترض إن ال SMG تعنى Sequential Manual Gearbox و حضرتك إن لا حظت بالصوره بالأعلى إنه فى الأساس التغير للسرعات أنت اللى بتحدده ليس كالفتيس الأستيبترونيك بخاصية ال D و ال D/S و إنما يوجد فقط ال D/S و علامتى ال - و ال + لتغير السرعات و التى تقوم أنت بتحريكها إما لل + لنقل الغيار للأعلى و إما - لنقل الغيار للأسفل بالأضافة إلى الذراعات الموجود بجانب عجلة القياده و من اسم الفتيس ذات نفسه يوجد كلمة مانيوال أى تغير يدوى و ليس أتوماتيك كامل كالفتيس الأستيبترونيك. يعنى حضرتك إن لم تضع السياره على خاصيه ال D/S من البدايه يبقى نقل الغيارات هيكون يدوى سواء من الذراعين أو عصا الفتيس. :) شكرا لك مره ثانيه :)

[gemy1]

يا باشا شكرا على ايه كلنا هنا عشان نكمل بعض فى كل حاجه ما فيش حد يعرف كل حاجه :)

[MMamdouh]

باختصار شديد... الفرق بين الM و اى BMW عادية... زى الفرق بين الشحات مبروك و الضيف احمد رحمة الله





MMamdouh