عربية لقطة بس صاحبها بيتنك علية

[pioneerahmed]

السلام عليكم يا شباب

طبعا انتو عارفين انى بدور على 318 بقالى فترة

الحمد لله لقيت واحدة لقطة و دى مواصفاتها:

موديل : 2001
اللون : كحلى
الفرش : بيج
الكيلومتر : 46000 كم
الصاج : فابريكة بالكامل (العربية بتبرؤ ما شاء الله)
الفتيس : القديم الاوتوماتيك (معرفش ازاى بس هى العربية ممكن تكون سبيشيال اوردر سنة 2000 لان فيها اوبشنز مش موجودة فى الموديل دة و لا فى ال300 ميات اصلا)
الحالة العامة : جديدة لانج فعلا الكنبة بكيسها و دراعات المساحات بكيسها
التصنيع و التقفيل : المانى مش مصرى
الصيانات : مظبوطة بالساعة كل 6 شهور فى التوكيل بالفواتير (دة عشان مبتكملش مواعيد الصيانة بالكيلو) + معاة كشف البافارية ابو 800 جنية دة من اسبوع و ما شاء الله كلها جديدة و اتاكدت بنفسى من ملفها فى التوكيل

العربية بتاعة راجل كبير عندو 84 سنة و مبيركبهاش - راجل مليونير ساكن فى قصر و عندو غيرها حوالى 6 عربيات من الى بنشوفهم فى الاعلانات بس

تفتكروا العربية دى تخلص على كام؟؟؟ المهم ظبتها معاة على 110000 جم
المشكلة : ابن الراجل دة ماسك شركات ابوة و الكلام المفروض انو معاة بس للاسف انا مش عارف اتلم علية علطول مسافر

و يوم لما شفتة كان معاة مدير اعمالة (و الله يا شباب عامل زى رجال الاعمال الى دايما بيطلعوا فى السينما)

مشكلتة انو مش فارقة معاة فلوس بس هو بميت كلمة هبيع لا مش هبيع و فى اخر مرة لقيتو كلمنى و بيقولى انا مسافر كام يوم كدة فى شغل لاوروبا و معرفش هرجع امته قلتلة طيب خد الفلوس و هات العربية و بعدين نبقى نسجل لما ترجع بالسلامة قالى انا طيارتى بعد ساعتين!!!

اصل ابوة يبقى جوز خالة زوجة واحد صاحبى فى الشغل

تفتكروا استناة و افضل (ازن) و لا اكبر و ادور على حاجة تانية (بس طبعا عمرى ما هلاقى الحالة دى تانى) اصل هو محسسنى انى زى ما كون بشحت منو

انا محتار جدا شوروا علية يا شباب!!!

[medododo]

استمر في الزن الي الامام انت خسران ايه
انا شايف انها لقطة ومدام مش فارق معاهم الفلوس ممكن تخلص بأقل من كده كمان

[ahmed2y]

هههههههههههههههههههه هقولك انا تعمل اية بس على الخاص عشان مينفعش الافكار الشريرة دى متتقالش هنا بس قولى الاول انت عرفت العربية دى منين

[pioneerahmed]

هههههههههههههههههههه هقولك انا تعمل اية بس على الخاص عشان مينفعش الافكار الشريرة دى متتقالش هنا بس قولى الاول انت عرفت العربية دى منين

لا قول ارجوك انا فى امس الحاجة للافكار دى دلواتى

عرفتها عن طريق صاحبى الى معايا فى الشغل شافنى مسحول بدور على عربية بقالى شهرين فحن علية و قالى عليها بس هو ايدك منو و القبر مش بيحب يدخل نفسة فى بيع و شراء

و كمان كان بيفكر ياخدها هو بس الفلوس معجزة معاة

[pioneerahmed]

استمر في الزن الي الامام انت خسران ايه
انا شايف انها لقطة ومدام مش فارق معاهم الفلوس ممكن تخلص بأقل من كده كمان

اصلو راجل تنك اوى و انا مش بحب التناكة

و بعدين هى بصراحة العربية بحالتها دى تسوى اكتر و انا مش شاطر اوى فى الفصال

[ahmed2y]

على فكرة هو شاف فى عنيك ان العربية عجباك وانك عاوزها وسيبك من القلاطة الى هو فيها دى

خاليك وراة بالعقل

[ahmed2y]

لا قول ارجوك انا فى امس الحاجة للافكار دى دلواتى

عرفتها عن طريق صاحبى الى معايا فى الشغل شافنى مسحول بدور على عربية بقالى شهرين فحن علية و قالى عليها بس هو ايدك منو و القبر مش بيحب يدخل نفسة فى بيع و شراء

و كمان كان بيفكر ياخدها هو بس الفلوس معجزة معاة

وهو عرفها منين اعلان يعنى وعلى العموم نصيبك هيجيلك لحد عندك

[pioneerahmed]

لا هو مش عامل اعلان ولا حاجة دة صاحبى عرف من مراتو

[TheBuccaneer]

السلام عليكم.

إن كان فيها اساءة أدب منى ممكن تقول لنا على الكماليات الزياده على أساس نعرف هل السياره فعلا تستحق الأنتظار و لا ليس بالضروره. هى أفضل شىء حتى الأن إن عداد السياره 46000 كم فقط, و هذا معناه إن السياره لم تستعمل كثيرا و عالعموم سعر ال e46 2001 فى حدود مبلغ 105000 جنيه - 110000 جنيه لكن هذا الكلام بالنسبه لل e46 الفتيس الأستيبترونيك يعنى المفترض إن ال e46 مع نهاية عام 2000 زودت بالفتيس الأستيبترونيك, و عالعموم الفتيس الأستيبترونيك ب 5000 جنيه.

لكن هناك حالات مشابهه كثيره و يمكن أفضل من حيث الكماليات الزائده, كان هناك عضو عارض سيارته و كانت موديل 2001 بكماليات ما شاء الله ممتازه لكن كان بيطلب 125000 جنيه. و الفرق بينها و بين ما تتحدث عنها هو إن عداد سيارته كان فى حدود 120000 - 140000 كم.

عالعموم ربنا يوفقك و يسهل لك فى الشراء و تكون من نصيبك إن شاء الله. أنت قول لصاحب السياره حضرتك فاضى يوم ايه نخلص فيه يعنى ضبط معه ميعاد أو ما دام صديقك من أقرباء هذا الشخص ممكن تجعله يكلمه أو يأتى معك و أنت بتكلم صاحب السياره على أساس القرابه و تشترى و تخلص :).

[pioneerahmed]

1- الموتور الى نازل فى العربيات دى بيبقى 1900 سى سى (الموتور الابيض ) اما العربية دى موتورها الاسود سعة 2000 سى سى (غالبا بتاع ال 320 و الله اعلم)
2- العربية مزودة بمالتى فانكشن و كاسيت سى دى و مثبت سرعه فى التارة بتاعتها (الى هى الاير باج بتاعها مربع مش مدور)
3- فتحة سقف - المفروض الموديل دة نازل بيز لاين بس مفيهوش فتحة سقف
4- الجنوط بتاعتها مختلفة
5- نازلة بسنسور بارك اوريجينال
6- صاحبى بيقول ان العفشة بتاعتها مختلفة بس انا مبفهمش فيها
7- المقابض بتاعتها نواكل اوريجينال
8- التابلوة و يد الفتيس و الهاند مطعمين بابانوس
9- التابلوة بتاعها مختلف شوية

يا رب اكون منسيتش حاجة تانى

بس يا عمرو بية العربيات دى بتتباع بارخص من كدة موقع كونتاكت مش مقياس خصوصا ان البى ام تقيلة فى بيعها و النضيف منها قليل عشان كدة ممكن تسمع فية ال115 و ال120

و بردو سمعت من ناس كتير ان الموديل دة افضل من الى الشكل الى بعدة بس بصراحة انا مركبش لا دة و لا دة

[party_0000]

نصيحه من اخ واحد دوخني بردوا وكنت عاوز اشتري عربيته وفي الاخر مباعهاش
فالراجل مدام مش جاد سيبك منه ودور على غيرها ومتعشمش نفسك هيا مش نصيبك

[pioneerahmed]

نصيحه من اخ واحد دوخني بردوا وكنت عاوز اشتري عربيته وفي الاخر مباعهاش
فالراجل مدام مش جاد سيبك منه ودور على غيرها ومتعشمش نفسك هيا مش نصيبك

انتو هتقلقونى لية بقى؟؟

انا بدور بردو و نفسى الاقى واحدة كويسة تانية عشان اترحم من تناكتة

[TheBuccaneer]

1- الموتور الى نازل فى العربيات دى بيبقى 1900 سى سى (الموتور الابيض ) اما العربية دى موتورها الاسود سعة 2000 سى سى (غالبا بتاع ال 320 و الله اعلم)
2- العربية مزودة بمالتى فانكشن و كاسيت سى دى و مثبت سرعه فى التارة بتاعتها (الى هى الاير باج بتاعها مربع مش مدور)
3- فتحة سقف - المفروض الموديل دة نازل بيز لاين بس مفيهوش فتحة سقف
4- الجنوط بتاعتها مختلفة
5- نازلة بسنسور بارك اوريجينال
6- صاحبى بيقول ان العفشة بتاعتها مختلفة بس انا مبفهمش فيها
7- المقابض بتاعتها نواكل اوريجينال
8- التابلوة و يد الفتيس و الهاند مطعمين بابانوس
9- التابلوة بتاعها مختلف شوية

يا رب اكون منسيتش حاجة تانى

بس يا عمرو بية العربيات دى بتتباع بارخص من كدة موقع كونتاكت مش مقياس خصوصا ان البى ام تقيلة فى بيعها و النضيف منها قليل عشان كدة ممكن تسمع فية ال115 و ال120

و بردو سمعت من ناس كتير ان الموديل دة افضل من الى الشكل الى بعدة بس بصراحة انا مركبش لا دة و لا دة

السلام عليكم.

موضوع السعر أنا بقول لك على أساس إنه إن تعدى ال 110000 جنيه, يبقى الأفضل إنك تشترى البيز لاين موديل 2002 لأنها بتبدأ من 110000 - 115000 جنيه و الموديل من 2002 - 2005 "يوجد بمصر عدد محدود موديل 2006 منها" اللى مقسمه إلى بيز لاين "بدون فتحة سقف" و الهاى لاين "فتحة سقف". ال E46 بداية من 2002 "وابتعد عن اللى يقول لك 2002 بيز لاين كلاسيك لأنها نفسها ال 2001 لكن الفرق إن صاحب السياره تعاقد فى التوكيل نهاية عام 2001 و تسلم بداية 2002 مثلا لكن نفس ال 2001 فى الشكل الخارجى و الكماليات و المحرك" بها نفس الكماليات التى ذكرتها بالأعلى إلا إن كل هذه الإمكانيات تاتى مع السياره من المصنع و ليست كماليات إضافيه و إنما أساسيه بالسياره

المحرك الموجود بالسياره التى شاهدتها هو ال M52TUB20 بسعة 1991 سى سى قدرة 148 حصان @ 5900 أر بى إم و عزم 190 نيوتن @ 3500 أر بى إم و المحرك double VANOS

M52TUB20


موضوع العفشه بما إن المحرك 6 سليندر, العفشه بالتأكيد هتكون 6 سليندر مش كالعاديه 4 سليندر. ميزة العفشه ال 6 سليندر وجود ميزان بالشمعدنات الخلفيه لتوازى جنبى السياره خصوصا عند الملفات على سرعات كبيره. بالأضافه إلى إن حجم الطنابير محتلفه مما يعطيك فرامل أقوى من ال 4 سليندر , وثبات أفضل أيضا.

وتقصد إن عجلة القياده بهذا الشكل



مع الفارق إن بها أجزاء أبانوس

هى الميزه الوحيده و الفارق الكبير الذى يجعلها تستحق ال 110000 جنيه هو فتحة السقف لأن فعلا هذا الموديل أو ال E46 1999 - 2001 لم تزود بفتحة سقف إلا فى حالة إنها كانت طلب مخصوص و هذا يؤكد إن السياره مجمعه فى ألمانيا غير ذلك كل الإمكانيات الأضافيه الزائده كمثبت السرعه و الكاسيت السى دى و الجنوط المختلفه الشكل و حساسات الركن و التابلوه و الأبانوس كله يمكن إضافته لكن مع كل المواصفات التى ذكرتها + فتحة السقف بالمقام الأول تجعل السياره تستحق 110000 جنيه. و عالعموم أول شىء تعمله إن ربنا كرمك و اشتريت هذه السياره أول شىء بعد حمد الله طبعا, تشترى شداد شاسيه لأن هذه الموديلات 1999 - 2001 مشهوره بأن البطاحات الأماميه بتشرخ و هو عيب شائع لدرجة إنه من كثرة وجوده أضبح لا يمثل عيب على الأطلاق بهذه الموديلات. و ربنا إن شاء الله يسهل لك و تشترى السياره و تكون من نصيبك :).

[iCaesar]

معلش سؤال من باب الاستفسار .. شغال ايه الراجل ده و عربيات ايه تاني الي عنده؟

[MOUSTAFA_SAAD]

استمر فى الزن واصبر شويه دية تحفه