النجده يا اهل البي ام

[copra_mh]

يا جماعة عند اخويا بي ام e21 فضي زي العسل وعايز شوية حاجات ليها من مصر لاني انا بره مصر وعايز اعرف منين وبكام لو سمحتو
1- اضواء امامية وخلفية اصلي ولو مفيش ممكن يركبلها ايه بالزبط
2- اكصدام اصلي امامي اللي هو النيكل يكون جديد او استيراد المهم نضيف ومش متجرح
3- الكل بينصح تغير الكراسي بكراسي فيرنا او لانوس لان كراسيها تعبانه فلو حد يعرف ممكن ايه كمان وبكام
4- البكتيات اللي علي الابواب وبودي العربية الاصلي منين وبكام
ولو في جنطات مقاس 15 اربع خرم يركبو علي بي ام منين حتي لو استيراد
5- ولو حد يعرف فيين بتتركز او موجودة قطعها مبيبخلش علينا والنبي وليكو الاجر والثواب
6- وده اهم بند شكرا ليكو جد ولكل اللي ممكن يساعدنا اوي اوي اوي اوي
انا مشكلتي اني بره مصر واخويا ملوش علي الانترنت كتير فانا هبلغه
سلام عليكوو

[iCaesar]

http://www.nilemotors.net/Nile/225217-e21-e30.html

زميل لينا علي المنتدي ممكن تساله :)

[sheko_2000eg]

عليك و علي العمدة في الحرفيين
عاندو كل اللي انت بتسال عليه
بس بلاش كراسي اللانوس و الفيرنا
خليك في كراسي الدبانة تعمل 1200 جنيه من عاند العمدة
اي سؤال تاني انا في الخدمة

[copra_mh]

عليك و علي العمدة في الحرفيين
عاندو كل اللي انت بتسال عليه
بس بلاش كراسي اللانوس و الفيرنا
خليك في كراسي الدبانة تعمل 1200 جنيه من عاند العمدة
اي سؤال تاني انا في الخدمة

شكرا يا بشوات علي سرعة الرد شكر جامد جدا
سوال بقه هو العمده عندو كل الحاجات الاوريجينال بتاعت الe21 ولا فيبر وحاجات زي كده
سوال تاني هو كراسي الدبانه تركب عادي علي الموديل ده مش كبيره يعني شوية والضهر بيقدم ولا لا ما انتو عارفين انها كوبيه يعني في ناس هتقعد ورا

[samehelrewesh]

العمدة
زهير جبر
السكب
المتحدة
وفى ناس تانية كل دا فى شارع مرسيدس فى الحرفيين
وبعدين يا باشا العربية كوبيه زيى ما حضرتك بتقول والكراسى بتاعت الفيرنا والدايو عادى ياعنى مش بيقلبوا ياعنى مش هينفعوا عندك
ممكن تركب كراسى ال e30 او e36 كوبيه
بالنسبة للفوانيس لو القواعد بتاعتهم سليمة ممكن تعملهم وشاش عند اى حد بتاع فوانيسفى الحرفيين

[copra_mh]

والله انتو عالم جدعان جدا وشكرا ليكو علي الردود والمساعدة وربنا يجعله في ميزان حسناتكو ان شاء الله
وتصبحو علي خير يا حلوين

[pepsi007]

ربنا يبارك فيك

[aymaym]

بالنسبة للاماكن الزملا ردوا عليك
اما بالنسبه للفوانيس الامامى دى بقا اسهل حاجه بيركب عليها فوانيس الداتسون المدورة ودى منتشرة اوى ف السوق جداد الجوز ب 24 ج وبيتثبتوا عادى ف شاسيه اللمض

[BMW5260]

+1111111111111