ايهما افضل 316i e36 مانيوال و لا اوتو ؟؟؟

[goofy301]

السلام عليكم اخوانى الاعزاء ....
كنت عايز اعرف من خبراتكم بالنسبة للموديل 316i عام 1992 اللى هو e36 طبعاً هل الموديل ده الاوتو منه افضل ولا المانيوال من حيث الصيانة واستهلاك البنزين ؟ وهل فى مشاكل فى الاوتوماتيك للموديل ده تحديداً ... وشكرا

[fahd_628]

دة يرجع لحضرتك

انا عن نفسى بفضل المانيوال لأنى بحب سواقة المانيوال

الأوتوماتيك مريييح بس مش رياضى

و مفيش مشاكل معينة فى الفتيس على حد علمى

[elfashn]

مفيش مشكله فى الفتيس الاتو بس استهلاك البنزين اعلى من المانيوال.عموما لو عايز تحس بالعزم وتحرق يبقى مانيوال اما لو عايز سواقه مريحه يبقى اوتو وعلى فكره الاوتو بيشد حلو وفيه زرار سبورت بيعفرت العربيه بس المانيوال ليه طعم تانى

[TheBuccaneer]

السلام عليكم اخوانى الاعزاء ....
كنت عايز اعرف من خبراتكم بالنسبة للموديل 316i عام 1992 اللى هو e36 طبعاً هل الموديل ده الاوتو منه افضل ولا المانيوال من حيث الصيانة واستهلاك البنزين ؟ وهل فى مشاكل فى الاوتوماتيك للموديل ده تحديداً ... وشكرا

السلام عليكم.

و الله موضوع المانيوال و لا الأتوماتيك يأتى على رغبة منك هل أنت من هواة الجرى و اللعب بالسياره و معظم طرقك طويل بالتأكيد المانيوال أفضل أما فى حالة إن أنت لست من هواة الجرى و اللعب بالسياره و معظم طرقك داخل البلد أكثر من خارجها اعتقد الأتوماتيك أفضل من حيث الراحه فى القياده. الفتيس الأتوماتيك به خاصية القياده الرياضيه لكن القياده المانيوال تختلف فى الجرى اختلاف كلى عن القياده الأتوماتيك و إن كانت رياضيه. استهلاك البنزين اعتقد 220 - 250 كم لكل 20 لتر بنزين لكن استهلاك البنزين هتسمع فيه اقوال كثيره و تختلف من سياره لأخرى و من استعمال شخص إلى أخر فلن تجد من يستطيع أن يفيدك بشكل 100% صحيح عن استهلاك البنزين. لكن عند حضرتك عداد الأكونيمى أسفل عداد الأر بى إم و هو بيعرفك ما هو استهلاك البنزين حسب دوسة حضرتك على داوسة البنزين. موضوع الصيانه مانيوال ولا أتوماتيك لن تفرق لأن لها علاقه بالفتيس و ليس للسياره ككل لكن طبعا هيكون فيه فى حالة المانيوال هيكون لديك صيانه لطقم الدبرياج بعكس الأتوماتيك لا يوجد طقم دبرياج. حقيقة الفتيس الأتوماتيك الألمانى "زباله" هو على حسب الأستخدام لكن أنا لأن لدى مشكله بالفتيس قد يكون هذا رأيى لكن لا تنسى إن كل سيارات ال e46 1999 - و معظم 2000 كلها بفتيس أتوماتيك و العديد منها لا يوجد منها مشاكل بالفتيس. المشكله كلها فى ال "البودى بلف" المسئول عن نقل غيارات الفتيس هذا إن خرب لا قدر الله كل عام و أنت بخير فى الفتيس ثمن الفتيس الأتوماتيك 3500 جنيه من فم التاجر و ثم الفتيس المانيوال 600 - 700 جنيه.

[goofy301]

اشكركم جميعاً على الافادة .... لكن الواضح من كلام حضراتكم ان الموضوع عام زى مثلا اى عربية عند المقارنة بين المانيوال ولا اوتو...لكن اقصد تحديداً هل بعد 20 عام مثلأ من 91 حتى الان هل الفتيس الاوتو ماظهرش فيه اى مشاكل ؟؟؟ يعنى اتوكل على الله ؟؟

[m000dy]

انا دوخت على ما لقيتها مانيوال
حدد طريقة استعمالك للعربيه وانت هاتعرف محتاج ايه وزى ما قاللك اخونا بوكانير
لو طريقك طويل وعاوز تحس بعزم العربيه اركبها مانيوال خصوصا لو بتسافر عشان استهلاك البنزين لان الفتيس الاوتوماتيك اربعة غيار اما المانيوال فخمسه غسار يعنى يريح المكنه ويهدى صوتها ويستهلك بنزين اقل حتى سعره لو جرى فيه حاجه لا قدر الله ارخص