تغيير جنوط bmw 318

[oct]

بخصوص 318 موديل 99 بيبقى نازل فيها جنوط 15 (195/65/15) ينفع اعلى الجنوط ل مقاس 16 أو 17 وهل ده ممكن
يستهلك العفشه بسرعه او يشقق البطاحات وفى حاله تركيب جنوط مقاس 17 يبقى افضل مقاس للكاوتش كام وايه
افضل نوع اشتريه وسعره كام... وشكرا

[fahd_628]

عادى ال E46 بتنزل بجنوط 16 فى مصر

لو حتركب 16 يبقى يا اما 205/55R16 يا اما 225/50R16 انا جبت الكلام دة من على النت

لو 17 يبقى 225/45R17

[TheBuccaneer]

بخصوص 318 موديل 99 بيبقى نازل فيها جنوط 15 (195/65/15) ينفع اعلى الجنوط ل مقاس 16 أو 17 وهل ده ممكن
يستهلك العفشه بسرعه او يشقق البطاحات وفى حاله تركيب جنوط مقاس 17 يبقى افضل مقاس للكاوتش كام وايه
افضل نوع اشتريه وسعره كام... وشكرا

السلام عليكم. البطاحات الأماميه حتى و إن لم تغير الجنوط فهى بتشرخ نتيجه لضعف حالة المساعد و مع السير عليه فتره بتشرخ البطاحات فالنصيحه اشترى شداد الشاسيه للضمان بالنسبه للجنوط تقدر تشترى إلى مقاس 18 بوصه و ليس فقط 17 لكن ما دام عفشتك 4 أو 6 سليندر فالأفضل 17 بوصه لكن إن كانت عفشتك M3 فال 18 بوصه لا يؤثر فيها. أفضل أشكال للجنوط هو إما ال M3 أو الأيه سى شنيزر و أنا هرسل لك رابط به بعض صور الجنوط الأيه سى شنيزر و أماكن تواجدها و سعر ال 4 جنوط ب 4300 جنيه لأيه شكل من الأشكال التى سوف تكون بالرابط

AC Schnitzer Type IV


AC Schnitzer Type IV BiColor


AC Schnitzer Type VIII


AC Schnitzer Type V Lightweight Forged


كل هذه الجنوط و غيرها يوجد محل أسمه أرابكوم فى مدينة نصر فى العمارات اللى قبل سيتى ستارز
ت: 24183371 / 24183372 / 24183373

[oct]

بصراحه انا مش عارف أقولك أيه على كل ردودك المحترمه دى واهتمامك الدنيا لسه بخير فعلا ... معلش يعنى معنى كلامك انى ممكن اركب جنوط 17 على العفشه العاديه من غير متأثر عليها ... طب انا هتاقل شويه فى سوألين سعر الجنوط 17 استيراد كام وايه افضل نوع كاوتش بيريللى ولا كونتنتل ولا بيريدج ستون وسعره كام

[oct]

عادى ال e46 بتنزل بجنوط 16 فى مصر

لو حتركب 16 يبقى يا اما 205/55r16 يا اما 225/50r16 انا جبت الكلام دة من على النت

لو 17 يبقى 225/45r17

انا متشكر جدا لاهتمامك وسرعه ردك المحترم

[TheBuccaneer]

بصراحه انا مش عارف أقولك أيه على كل ردودك المحترمه دى واهتمامك الدنيا لسه بخير فعلا ... معلش يعنى معنى كلامك انى ممكن اركب جنوط 17 على العفشه العاديه من غير متأثر عليها ... طب انا هتاقل شويه فى سوألين سعر الجنوط 17 استيراد كام وايه افضل نوع كاوتش بيريللى ولا كونتنتل ولا بيريدج ستون وسعره كام

سعر جنط استيراد نظيف لن يقل عن 3000 جنيه بالنسبه لمقاس ال 17 بوصه, و أن وجدته بسعر أقل هيكون محتاج إلى ضبط و تعديل يعنى أنا كنت هشترى جنط 17 أية سى شنيزر اللى هو Type V Lightweight Forged و كان سعره استيراد ب 3000 جنيه و كان هيحتاج إلى ضبط مما فيه من ثنيات و بالطبع هيحتاج إلى دهان بعد الضبط بالتسخين و هيتكلف معك و بالتالى فالأفضل أنك تشتريه جديد ب 4300 جنيه و إن اشتريت الجنوط بكاوتش نيكسن من أرابكوم هيتكلف كله معك 6200 جنيه 4 جنوط + 4 كاوتش و بيعطيك ضمان عام مع الكاوتش لأنهم الوكيل لهذا النوع من الكاوتش بالنسبه للأفضل الكونتيننتال الأفضل و سعر الواحده ب 900 - 1000 جنيه و الثانى بيريدج ستون و سعر الواحده 800 - 850 جنيه و الميشلان نظيف جدا أيضا و سعره مقارب إن لم يكن بنفس سعر البيريدج ستون وعلى فكره شركه أيه سى شنيزر بترشح الكونتيننتال و الميشلان ككاوتش. بالنسبه للنيكسن اللى قولت لك عليه بالأعلى هو كورى الصنع و الواحده ب 550 جنيه.

[TheBuccaneer]

هناك أيضا هذا الشكل من الجنوط و أنا اعرف واحد فى أول شارع دمشق جهة الشمال عند دخولك من جهة شارع المؤدى لميدان روكسى مع شارع دمشق و جهة اليمين و أنت قادم من تجاه بنزينة التعاون بأول الشارع محل جنوط و كاوتش قال لى اعطيه لك + 4 كاوتش نيكسن ب 5300 جنيه

[loaysami]

استاذى انت فعلا حد محترم جدا وخبير في ردودك وانا فعلا بستفاد منك جدا يا رب اجعل كل الخير في ميزان حسناتك امين

[oct]

هناك أيضا هذا الشكل من الجنوط و أنا اعرف واحد فى أول شارع دمشق جهة الشمال عند دخولك من جهة شارع المؤدى لميدان روكسى مع شارع دمشق و جهة اليمين و أنت قادم من تجاه بنزينة التعاون بأول الشارع محل جنوط و كاوتش قال لى اعطيه لك + 4 كاوتش نيكسن ب 5300 جنيه


والله لو مفيش فى المنتدى ده الا انت يبقى كفايه أوى
ويبقى أحسن منتدى فى الدنيا كمان

[zegna]

طب بالنسبة لل 316 e90 هيا فيها جنط 16 ياتري اخري مقاس كام؟

[Batman372]

طب بالنسبة لل 316 e90 هيا فيها جنط 16 ياتري اخري مقاس كام؟

بعد التحيه ،

- يجب المعرفه ان ال 3 series لها جنوطها المخصوصه من مقاسات 15 / 16 / 17 / 18
- و بالنسبه للكاوتش لل 3 series >> مقاس 16 > 205/55 - مقاس 17 > 225/50- مقاس 18 > 240/45

.... للتوضيح اكثر كمثال جنط ال 5 series ال 16 لانه مختلف يركب عليه كاوتش 225/55.

يعنى جنط ال 3 series ال 16 - هو اصغر من جنط ال 5 series ال 16.
كذلك جنط ال 3 series ال 16 من الخطا تركيب عليه كاوتش 225/50 .

ارجو ان تكون المعلومه وصلت :)

تحياتى ...

[Eslam.Elrefaey]

سعر جنط استيراد نظيف لن يقل عن 3000 جنيه بالنسبه لمقاس ال 17 بوصه, و أن وجدته بسعر أقل هيكون محتاج إلى ضبط و تعديل يعنى أنا كنت هشترى جنط 17 أية سى شنيزر اللى هو type v lightweight forged و كان سعره استيراد ب 3000 جنيه و كان هيحتاج إلى ضبط مما فيه من ثنيات و بالطبع هيحتاج إلى دهان بعد الضبط بالتسخين و هيتكلف معك و بالتالى فالأفضل أنك تشتريه جديد ب 4300 جنيه و إن اشتريت الجنوط بكاوتش نيكسن من أرابكوم هيتكلف كله معك 6200 جنيه 4 جنوط + 4 كاوتش و بيعطيك ضمان عام مع الكاوتش لأنهم الوكيل لهذا النوع من الكاوتش بالنسبه للأفضل الكونتيننتال الأفضل و سعر الواحده ب 900 - 1000 جنيه و الثانى بيريدج ستون و سعر الواحده 800 - 850 جنيه و الميشلان نظيف جدا أيضا و سعره مقارب إن لم يكن بنفس سعر البيريدج ستون وعلى فكره شركه أيه سى شنيزر بترشح الكونتيننتال و الميشلان ككاوتش. بالنسبه للنيكسن اللى قولت لك عليه بالأعلى هو كورى الصنع و الواحده ب 550 جنيه.

انت جبته ب 3000 استيراد علشان اكيد اى سى تشينزر اصلى المانى تقريبا اما بتاع ارابكوم ده هتلاقيه صينى او تيوانى يعنى شكل بس اداء صفر

[TheBuccaneer]

انت جبته ب 3000 استيراد علشان اكيد اى سى تشينزر اصلى المانى تقريبا اما بتاع ارابكوم ده هتلاقيه صينى او تيوانى يعنى شكل بس اداء صفر

و الله حضرتك مش مضمون إن اللى موجود عند التجار بالحرفيين ألمانى لأنه إذا كان ألمانى يجب أن يكون نيكل كروم. هل الجنوط اللى مع حضرتك كلهم نيكل كروم؟ أنا كنت هشترى جنوط m3 17 و كانت ب 3000 جنيه لكن حالة نظيفه جدا لكن مش ألمانى و التاجر قال لى إن وجدتهم ألمانى أصلى لن يقل سعرهم عن 5000 جنيه بدون كاوتش و نفس الجنوط كانت عند زهير جبر و زهير بيستورد شغل من فرنسا و قال لى 4000 جنيه و كثير من التجار بيستورد شغل من اليابان لرخص الأسعار هناك. فعلا الجنوط الموجوده عند أرابكوم تايوانى و ليست صينى لكن الأيه سى شنيزر الأصليه نيكل كروم. و سعرهم اكيد لن يقل عن 8000 جنيه إن كانت أصليه.

[zegna]

بس معني كدة ان المقاسات اللي مكتوبة علي قايم العربية عندي هجس في هجس لان مكتوب ان الجنط 16 ياخود 225-50وحضرتك دلوقتي بتقول من الخطا تركيب المقاس دة ارجو التوضيح؟وسوئل تاني بعد ازنك انا لو فكرت اكبر الجنط علي العفشة الاصلية اخري هيبقي كام لان المقاسات علي القايم معاك لحد 19 علي عفشتها الاصلية

[TheBuccaneer]

طب بالنسبة لل 316 e90 هيا فيها جنط 16 ياتري اخري مقاس كام؟

جنوط مقاسات 16, 17 و 18 هو أخر مقاس. و عالفكره كل الجنوط الموجوده بالصور عادى تركب على ال e90