محتاج معلومات عن الميني كوبر

[simon659]

بعد مسا الخير لاحلي منتدي واحلي قسم انا اخ ليكو بقالي سناتين بس في قسم الكيا
وبصراحه دخلت في مواضيع كتير لاقيت ناس محطرمه وبتتكلم من قلبه بجد زي موضوع الx3 لاقيت ناس تمام وده شرف ليا بصراحه
المهم انا مقبل علي شراء سياره ميني كوبر بس بصراحه انا معرفش عنها اي حاجه ولا حتي سوقتها قبل كده بس انا طول عمري معجب بالعربيه دي فا ياريت الي يعرف عنها اي شئ مش يبخل عني يعني سبات وسحب وامان واستهلاك بنزين معرفش حاجه ياريت اي معلومات.وياريت هل في مكان اقدر اتعامل معاه غير التوكيل ولا التوكيل بتاعها كويس فاياريت الي يعرف عنها اي شئ. والسلام ختام

[A7medHeaders]

بعد مسا الخير لاحلي منتدي واحلي قسم انا اخ ليكو بقالي سناتين بس في قسم الكيا
وبصراحه دخلت في مواضيع كتير لاقيت ناس محطرمه وبتتكلم من قلبه بجد زي موضوع الx3 لاقيت ناس تمام وده شرف ليا بصراحه
المهم انا مقبل علي شراء سياره ميني كوبر بس بصراحه انا معرفش عنها اي حاجه ولا حتي سوقتها قبل كده بس انا طول عمري معجب بالعربيه دي فا ياريت الي يعرف عنها اي شئ مش يبخل عني يعني سبات وسحب وامان واستهلاك بنزين معرفش حاجه ياريت اي معلومات.وياريت هل في مكان اقدر اتعامل معاه غير التوكيل ولا التوكيل بتاعها كويس فاياريت الي يعرف عنها اي شئ. والسلام ختام

مساء النور وأهلا بيك يافندم .. أنا هألخصلك المعلومات اللي انتا عايزها في نقاط :

1- بالنسبة للثبات فـ العربية تتمتع بثبات عالي قلما تجده في سيارة دفع أمامي بسبب توزيع العجلات الأربعة علي الأربع زوايا.

2- بالنسبة للسحب فـ هو بيختلف تبعا للمحرك .. عندك كوبر العادية بفئاتها ( Base Line, Mayfair & Cabrio ) بتتمتع بمحرك 1.6 لتر بقوة 120 حصان.
أما في الفئة التانية وهي كوبر اس أيضا بفئاتها (Luxury, Camden & Cabrio ) فبتتمتع بمحرك 1.6 لتر بشاحن توربو بيولد 175 حصان.

3- استهلاك البنزين بيكون في الكوبر حوالي من 5 الي 5.2 لتر في الـ100 كيلو متر .. أما في الكوبر اس فبيكون حوالي 5.3 لتر لكل 100 كيلو متر لكن الـ كوبر اس أقل بنزين يتحط فيها 95 مش أقل من كده .. الكوبر ممكن يتحطلها بنزين 92.

4- أفضل مكان للصيانة أو التشييك علي السيارة هو الوكيل لضمان حقك وعشان تكون مطمئن نسبيا.

5- أهم شيء لو هتشتري مستعمل تشيك عليها في التوكيل وتوديها عند سمكري ناصح يكشف عليها عشان في عربيات ميني كتير جدا بتكون نصين ومضروبلها ورق.

6- أخيرا أنا قرأت في البروفايل انفو بتاعتك انك من الزقازيق فممكن تسأل حد من الشباب اللي معاهم ميني في الزقازيق زي جاسر العويل أو محمد حسونه أو غيرهم عن أعطالها والعيوب اللي صادفتهم فيها وأيضا تقييمهم لها.

[Mik_t4]

الميني عربية جامدة بس للي ماة كاشاتها