للخبراء ايه أفضل كاوتش ل bmw

[horas3000]

معلش ياكبير بس اللى اعرفه ان الكونتينتال المانى والبيريللى ايطالى ولو غلطان صححللى

كلامك صح 100% بس انت عارف بقي عولمه و دياولوا و كل شركه ليها مصانع في اكتر من دوله و انت و حظك
الكونتينتال بيجي الماني-فرنساوي-برتغالي-تشيكي- مكسيكي-برازيلي وامريكي
الربيلي بيجي ايطالي-انجليزي-الماني-روماني-امريكي وصيني
فعشان كده لااااازم تدور كويس و تشوف اسعار قبل ما تقدم علي اي حاجه
مش بقولك هو انا جالي هس هس من شويه
و علي راي واحد صاحبي لما لقاني محتار و مش عارف اعمل ايه و هجنن قالي مشكلتك انك عرفت اكتر من اللازم ههههه

[ahmedsadek82]

يعنى معنى كده ان الكونتينتال هو بتاع ال bm توكلت على الله... طيب سعر الكونتينتال الالمانى ( 195/65/15) ومين احسن واحد مضمون اجيبه من عنده

سعرها في حدود 600 و شوية تقريبا و انا جبت الرن فلات بتوعي من عند واحد في مدينة نصر اسمه عادل الناغي ,

[oct]

كلامك صح 100% بس انت عارف بقي عولمه و دياولوا و كل شركه ليها مصانع في اكتر من دوله و انت و حظك
الكونتينتال بيجي الماني-فرنساوي-برتغالي-تشيكي- مكسيكي-برازيلي وامريكي
الربيلي بيجي ايطالي-انجليزي-الماني-روماني-امريكي وصيني
فعشان كده لااااازم تدور كويس و تشوف اسعار قبل ما تقدم علي اي حاجه
مش بقولك هو انا جالي هس هس من شويه
و علي راي واحد صاحبي لما لقاني محتار و مش عارف اعمل ايه و هجنن قالي مشكلتك انك عرفت اكتر من اللازم ههههه

كلامك مظبوط يابرنس بس ازاى اعرف مكان الصنع يعنى ازاى اعرف ان الكاوتش ده المانى ولا ايطالى ولا...

[oct]

سعرها في حدود 600 و شوية تقريبا و انا جبت الرن فلات بتوعي من عند واحد في مدينة نصر اسمه عادل الناغي ,

تسلملى ياحمد بك بس يعنى 600 دول سعر الران فلات طيب سعر العادى كام اصل انا سمعت ان الران فلات بيبقى
ناشف على العفشه وعمره قليل وانا بسافر كتير ولا انت رأيك ايه ... معلش حاجه تانيه الكاوتش الكونتينتال اللى انت اشتريته مصنوع فين ... وشكرا

[horas3000]

كلامك مظبوط يابرنس بس ازاى اعرف مكان الصنع يعنى ازاى اعرف ان الكاوتش ده المانى ولا ايطالى ولا...

زي ما قلتلك يا زعيم كل حااااجه هتلاقيها مكتوبه علي الكوتش نفسه

[oct]

زي ما قلتلك يا زعيم كل حااااجه هتلاقيها مكتوبه علي الكوتش نفسه

شكرا وربنا يكرم ونجيب حاجه كويسه

[horas3000]

شكرا وربنا يكرم ونجيب حاجه كويسه

ان شاء الله و بالتوفيق يل زعيم

[ahmedsadek82]

تسلملى ياحمد بك بس يعنى 600 دول سعر الران فلات طيب سعر العادى كام اصل انا سمعت ان الران فلات بيبقى
ناشف على العفشه وعمره قليل وانا بسافر كتير ولا انت رأيك ايه ... معلش حاجه تانيه الكاوتش الكونتينتال اللى انت اشتريته مصنوع فين ... وشكرا

600 و شوية ده سعر العادي لكن الرن فلات ب1050 ج و انا بجيبه مضطر , لكن انت طالما عندك استبن هات كاوتش عادي احسن لأن الرن فلات لازم العفشة تكون مصممة عشان تستحمله

[TheBuccaneer]

اولا : كيفية معرفة المعلومات والرموز الاساسية من على جانب الاطار



1- مقاس الاطار (ابعادة الاساسية) Tyre Size Designation

2- مقاس جانب الاطار للاطارات للتوافق بين الاطارات الغير متماثلة

3-مقدار تحمل الاطار للوزن (اقصى تحميل)
Load Pressure Information

4- ماركة الاطار (الاسم التجارى)
Brand Name

5- المكونات الصناعية للاطار
Tyre Construction Details

6- التوافق مع المعايير الاوربية
European ECE Type

7- معامل التحميل مع السرعة

مقدار تحمل الاطارات لوزن ما على السرعة القصوى المحدده للاطار

8- رمز السرعة (الحرف الدال على اقصى سرعة باعتبار معامل التحميل)

9- البلد المصنع

10- العلامة التجارية او الموديل

[TheBuccaneer]

نقشة الاطار

نقشة الاطار بتحدد تصميمة لتادية غرض معين على سبيل المثال

- نقشات للسرعة
- نقشات للثبات على الاراضى المبتلة ونقشات للثلوج
- نقشات للاسفلت الناعم وللارض الترابية والصلبة بيستخدموها فى السباقات

انا شخصياً معنديش خبرة عملية كبيرة بالنقشات بس جربت النقشة ديه وكانت ممتازة بشكل غير عادى على الطرق المبتلة

Tyre Tread Design





اقل مقاومة فى التدوير
ثبات جيد فى السير باتجاة ثابت
جيد على السرعات العالية لقلة احتكاكة
وفى المقابل
ثبات سىء فى الفرملة
تسارع سىء على الطرق المبتلة
افضل استخدام للطرق المعبدة ولسيارات الاتوبيس والنقل



اداء ممتاز فى الفرملة والتحكم
لكن صوتة مزعج على السرعات العالية
لا يستحب للاستخدام على سرعات عالية لتوليدة حرارة كبيرة من الاحتكاك
مناسب اكثر للطرق الغير معبدة وللعجلات الخلفية فى الاتوبيسات والشاحانات



يجمع مابين الشكلين السابقين
يتميز بالجمع بين ميزة التحكم العالى والثبات مع الفرملة
يصلح للاستخدام فى كلا من الطرق المعبدة والغير معبدة
يستخدم لكلا العجل الامامى والخلفى لاتوبيسات والشاحنات



اداء ممتاز يحقق ثبات على الجليد والطرق المبتلة نظرا لقدرته على تشتيت المياة
سريع الاستهلاك لكثافة اجزاء النقشة
يصلح لسيارات الركوب فى فصول الشتاء



اداء جيد على السرعات العالية
عمر اطول لقلة الاتكاك على جانب الاطار
من عيوبة ضرورة تركيبة بشكل صحيح جميع الجوانب
افضل استخدام للسيارات عالية الاداء والدراجات البخارية



اداء جيد للتحكم فى السيارة وللفرملة وعلى الارض المبتلة
يجب تركيبة فى اتجاة صحيح
افضل استخدام لسيارات الركوب عالية السرعة

فى اوربا والدول المتقدمة بيستخدمو نقشة للصيف ونقشة للشتاء



نقشة الصيف



نقشة الشتاء



نقشة لجميع فصول السنة

[TheBuccaneer]

مستوى ملىء الكاوتش واهميتة



مهم جدا مراعاة الحفاظ على الكاوتش مملوء (ضغط الهواء) بشكل مناسب

لاهو اقل من الطبيعى
فتستهلك العربية بنزين اكتر وتبقى ابطى فى السحب وتسرع من تاكل الكاوتش

ولا اكثر من الطبيعى
فتبقى خفيفة على السرعات وفى الملفات وعرضة للانفجار

فملىء الكاوتش بالضغط المناسب كما هو محدد من قبل مصنع السيارة اأمن واوفر

مع ملاحظة انة احيانا يوصى بتقليل ضغط الهواء عن الطبيعى مع الطرق الرملية الناعمة

تباع اجهزة للحفاظ على ضغط الهواء فى السيارة

ده جهاز لقياس ضغط الهواء بالسياراة وفيه اشكال واحجام منة كتير



وفيه اجهزة عبارة عن كمبريسور هواء صغير بيشتغل من كهرباء الولاعة ويستخدم لملىء الاطارات فى حالة الطوارى



وفيه منظومات متتطورة بتركب (او بتنزل مع السيارات الفاخرة) لقياس ومتابعة حالة ضغط الاطارات وملئها بدون تدخل مباشر او بضغطة من زرار فى كنسول السيارة

[TheBuccaneer]

الشنبر (الاطار الداخلى)
والفرق بين الاطارات التيوبلس والعادية



كان بيستخد اصلا فى الاطارات العادية التيوب (التيوبلس مفيهاش اطار داخلى)
كانت مشكلة الاطارات العادية قبل اختراع التيوبلس انها لو دخل فيها مسمار بتنفجر او على الاقل تنام بسرعة كبيرة جدا

لكن ميزة التيوبلس انة اكثر تماسكا (بس مش معنى كده انه مبينفجرش خالص)
ويمكنك السير والعربية فيها خرم او فيها مسمار لفترة كبيرة بدون مشاكل

طبعا اكترنا بيجيب كاوتش تيوبلس لانة هو الاساسى فى السوق حالياً

بس مهم تخلى معاك شنبر بمقاس الكاوتش بتاعك علشان لاقدر الله لو الكاوتش فيه اكتر من خرم او قطع كبير والاستبن فيه حاجة هو كمان بيقى الحل فى تركيب شنبر وتحويل العجلة لتيوب بدلا من تيوبلس

Difference Between Tubeless and Tube type Tyres

Tube type


Tubeless


البلف
(صمام الكاوتش)

مهم جدا برغم صغر حجمة وفى حالة تلفة الكاوتش بيفضى بسرعة ولازم تغييرة
وفيه ناس بتتفنن فى اشكار الغطيان بتاعتة بداية من الغطيان الملونة للفسفورية للمضيئة

تدوير او تبديل الاطارات

يراعى دائماً تبديل مواقع الاطارات كل فترة (متوسط 5000 - 10000 كم)

وتختلف طريقة التدوير هذة ما اذا كانت السيارة دفع امامى او خلفى







الإطارات و النيتروجين

فوائده نظريا:
- مقاوم للصدأ.
- ضغط ثابت مع تغير درجة الحرارة في مصر.
- امتصاص افضل للصدمات.

وجهة نظري
- يحتوي الهواء علي 70% نيتروجين و مع ذلك لو ملأت الإطار بالنيتروجين ثم أضفت إليه نسبة من الهواء (لضبط الضغط مثلا) يفقد النيتروجين فوائده (نظريا).
- عند ملئ الاطار أول مرة لا نستطيع اغفال انه توجد كميه من الهواء تملأ حجم الاطار بمقدار الضغط الجوي !!!!؟

الخلاصة:
أنا حاسس ان موضوع النيتروجين ده عمليا مقلب ، بالاضافة لنقطة تانيه ان تعرف منين ان الغاز نيتروجين فعلا

[pepsi007]

TheBuccaneer دايما بترد علي الاسئله قبل ما نسالها ربنا يبارك فيك

[oct]

مفيش تعليق ياعمرو بك غير ربنا يبارك فيك أنك أستاز ورئيس مجلس أداره منتدى البيمرز ... طيب ممكن أعرف
أيه السؤال اللى متعرفلوش أجابه فى المنتدى عشان أسألوهلك ... مجرد تعجيز يعنى

[Batman372]

عن تجربه :
دانلوب dunlop sp1 - made in gemany