E36 M3 1998 for sale need advices

[TheBuccaneer]

السلام عليكم

معروض على صديق لى E36 Sedan M3 1998 EVO بمحرك ال S50B32 اللى هو 321 حصان. السياره بالكامل E36 M3

المواصفات:
1- المحرك ال S50B32 بسعة 3201 سى سى - قدرة 321 حصان @ 7400 أر بى إم - عزم 350 نيوتن @ 3250 أر بى إم "طبعا النظام الميكانيكى لل M3 كامل"
2- السياره من الخارج بالكامل M3 (إكصدامات امامى و خلفى, باكتات جانبيه, عتب جانبى, مرايا جانبيه)
3- صالون M3 ( كراسى ريكارو, دواسات, عجلة قياده )
4- 4 كاوتش جديد (هو الجنوط الموجوده عنده 16 نفس الموجوده بالبيز لاين ولم يغيرهم للجنوط ال M3 نظرا للمصاريف و أولايات الصرف أثناء الضبط)
5- بطاريه جديده منذ شهر تقريبا
6- دهان السياره بالكامل جديد منذ ما يقرب من 2 - 3 أسابيع (دواخل سوداء و هو دهن السياره من الخارج اللون الأزرق الخاص بال M3 لأنه وجده أفضل و شكله جميل جدا خصوصا ليلا و الدواخل كلها سليمه و السياره ليست نصفين نظرا لأنها كانت 318iS و هو ضبط عليها ال M3)

هو صاحب السياره بيبيع لأنه بعد الضبط و الشغل و جد نفسه بضائقه ماليه لأنه بدأ يضبط و مع الضبط و جد نفسه صرف مبلغ كبير و هو الضبط كله كان منذ شهر تقريبا يعنى السياره تعتبر بشوكها مضبوطه M3 و طالب مبلغ 140000 جنيه و ممكن نحاول معه فى حدود 2000 - 3000 جنيه كمان. رأيكم فى السعر المطلوب خصوصا إن السياره مضبوطه منذ ما يقرب من شهر - شهر و نصف على حد أقصى

[hanyhosney]

صباح الخير يا عمرو
اولا اللون الازرق انا شايف انه اكتر من رائع ومش متكرر
وطبعا بما اني واثق في رايك ونظرتك
اكيد العربيه كويسه
يعني طبعا 98 موديل عالي اصلا
وكمان بعد التظبيط هتكون اجمد
انا شايف ان السعر من 125 الي 135 هيكون اظرف طبعا حسب الحاله ولازم تعمل حسابك ان ال هيشتري هيجيب جنوط 18
والله اعلم

[gemy1]

السعر كتير عليها يا كبير عشان العربيه اصلا مش ام اوريجينال انا كان فى واحده قدامى اوريجينال كان مطلوب فيها 120 عموما حاول تنزل معاه على قد ما تقدر و شوف اخره كام

[fahd_628]

السعر كتير عليها يا كبير عشان العربيه اصلا مش ام اوريجينال انا كان فى واحده قدامى اوريجينال كان مطلوب فيها 120 عموما حاول تنزل معاه على قد ما تقدر و شوف اخره كام

مستحييييييييييييييل يكون فية m اوريجينال فى مصر

مفيش ولا واحدة

و لو تقصد الكوبية الى ب 120 الف دية فا دية انا اضمنلك انها يا اما مش اوريجينال يا اما نصفين يا اما مغيرة رقم شاسية

+ ان حالتها سيئة جدا جدا من الصور

بالنسبة للسعر

انا شايف ان لو صاحبك نفسة فى m3 و العربية حالتها ممتازة ممكن تحاول معاة تخليها 135 كدة

بص الصراحة فية حاجات كدة بيبقى سعرها عالى علشان مش موجودة خالص

يعنى انت حتبقى الوحيد فى مصر انت و 1 او 2 كمان الى راكبين m3 !

اة مش اوريجينال بس كل حاجة معمولة صح و خلاص

و على فكرة عربية احمد طارق e36 بمحرك m3 e46 اتباعت ب 160 الف


و طبعا العربية كان بيتدخل بيها مسابقات دريفت و كدة فا اكيد متهانة شوية
فا اعتقد 135 الف يبقى كويس على ام 3 بمحرك 321 حصان

طبعا طبعا لازم يبقى عارفلة سكة قطع غيار انت اكيد عارف الموضوع دة + لازم ميكانيكى محترم و البركة فيك بقى تدلة :)

انا شايف انة لو العربية عاجباة و حيقدر على مصروفها يتوكل على الله

لية تركب e46 318 لما ممكن تركب e36 m3 و مش اى m3 دية ال 3200 سى سى 321 حصان :)

فا طبعا بالنسبالى لا يوجد مقارنة :) اخد ال e36 طبعا طبعا طبعا لو حقدر على مصروفها و بنزينها و تعبها


حاجة كمان

لو حيتوكل على الله يسيبة من الناس خااااااااااااااااااااااااااااااااااااااااااااااالص فى موضوع السعر دة

اهم حاجة انه يبقى مقتنع من جوة انة دفع فى حاجة تستاهل و خلاص

لو قال لحد انا جبت E36 ب 140 الف طبعا حيقولو علية عبيط ( اسف فى اللفظ ) بس طبعا الناس مش فاهمة يعنى اية E36 M3 و انها مش موجودة و الكلام دة

بالتوفيق

[Mik_t4]

اية السعر داااااااااااااااااااا

[fahd_628]

اية السعر داااااااااااااااااااا

هههههههههههههههههههههههه ههههههههههههههههههههههههههههههه

هوة دة الى انا بتكلم علية لما صاحبك حيقول السعر

للأسف احنا فى مصر الحاجات الى زى دية نادرة و مش موجودة و ليها سعرها

برة بالسعر دة تجيب E46 M3 او E90 335 مثلا ولا حاجة

فى مصر !!!!

[Eslam.Elrefaey]

مستحييييييييييييييل يكون فية m اوريجينال فى مصر

مفيش ولا واحدة

و لو تقصد الكوبية الى ب 120 الف دية فا دية انا اضمنلك انها يا اما مش اوريجينال يا اما نصفين يا اما مغيرة رقم شاسية

+ ان حالتها سيئة جدا جدا من الصور

بالنسبة للسعر

انا شايف ان لو صاحبك نفسة فى m3 و العربية حالتها ممتازة ممكن تحاول معاة تخليها 135 كدة

بص الصراحة فية حاجات كدة بيبقى سعرها عالى علشان مش موجودة خالص

يعنى انت حتبقى الوحيد فى مصر انت و 1 او 2 كمان الى راكبين m3 !

اة مش اوريجينال بس كل حاجة معمولة صح و خلاص

و على فكرة عربية احمد طارق e36 بمحرك m3 e46 اتباعت ب 160 الف


و طبعا العربية كان بيتدخل بيها مسابقات دريفت و كدة فا اكيد متهانة شوية
فا اعتقد 135 الف يبقى كويس على ام 3 بمحرك 321 حصان

طبعا طبعا لازم يبقى عارفلة سكة قطع غيار انت اكيد عارف الموضوع دة + لازم ميكانيكى محترم و البركة فيك بقى تدلة :)

انا شايف انة لو العربية عاجباة و حيقدر على مصروفها يتوكل على الله

لية تركب e46 318 لما ممكن تركب e36 m3 و مش اى m3 دية ال 3200 سى سى 321 حصان :)

فا طبعا بالنسبالى لا يوجد مقارنة :) اخد ال e36 طبعا طبعا طبعا لو حقدر على مصروفها و بنزينها و تعبها


حاجة كمان

لو حيتوكل على الله يسيبة من الناس خااااااااااااااااااااااااااااااااااااااااااااااالص فى موضوع السعر دة

اهم حاجة انه يبقى مقتنع من جوة انة دفع فى حاجة تستاهل و خلاص

لو قال لحد انا جبت E36 ب 140 الف طبعا حيقولو علية عبيط ( اسف فى اللفظ ) بس طبعا الناس مش فاهمة يعنى اية E36 M3 و انها مش موجودة و الكلام دة

بالتوفيق

فى اورجينال فى مصر كتير يا باشا وفى x6 هامان كمان اوريجينال فى مصر وفى حاجات كتير فى مصر مش نصين

[fahd_628]

فى اورجينال فى مصر كتير يا باشا وفى x6 هامان كمان اوريجينال فى مصر وفى حاجات كتير فى مصر مش نصين

لأ يا باشا انا اضمنلك ان مفيش e36 m3 اوريجينال فى مصر

الا لو مغيرة رقم شاسية

انا شفت كتيير اوى اوى و انا بشترى :) و عرفت الى فيها

مفيش عربية E36 كوبية فوق ال 316 اوريجينال ( يعنى مش نصين او مغيرة رقم شاسية او موتور ) الا لو كانت مطلوبة سنة 1995 او فوق سبيشيال اوردر لأن مستحيل تخش مصر !

اصل بالعقل كدة حتدخل مصر ازاى ؟؟؟؟؟؟؟؟؟؟؟؟؟؟

فية فعلا x6 عادى جدا علشان موديل 2011 و ممكن تطلبها عادى

لكن e36 حتجيبها مصر ازاى ؟؟؟؟؟؟؟؟؟؟؟

[TheBuccaneer]

لأ يا باشا انا اضمنلك ان مفيش e36 m3 اوريجينال فى مصر

الا لو مغيرة رقم شاسية

انا شفت كتيير اوى اوى و انا بشترى :) و عرفت الى فيها

مفيش عربية e36 كوبية فوق ال 316 اوريجينال ( يعنى مش نصين او مغيرة رقم شاسية او موتور ) الا لو كانت مطلوبة سنة 1995 او فوق سبيشيال اوردر لأن مستحيل تخش مصر !

اصل بالعقل كدة حتدخل مصر ازاى ؟؟؟؟؟؟؟؟؟؟؟؟؟؟

فية فعلا x6 عادى جدا علشان موديل 2011 و ممكن تطلبها عادى

لكن e36 حتجيبها مصر ازاى ؟؟؟؟؟؟؟؟؟؟؟

موافقك فى الكلام هو من ناحية إن فيه m3 أصلى فى مصر, فيه لكن عدد محدود جدا جدا جدا جدا ... إلى أخر السطر

ممكن الرابط للسياره الكوبيه ال M3 يمكن اكون شاهدتها من قبل أو اعرف صاحب السياره.

و الباقى كله مش أصلى خصوصا إن حضرتك بتتحدث عن سياره كوبيه مش هنقول إنها مش أصليه, ممكن تكون أصليه لكن 100% نصفين و إن كانت حالتها سيئه يبقى بلاش منها أفضل حتى و إن كانت ب 100000 جنيه لأنه هيتصرف عليها مصاريف كثيره إن كان بها شىء لا قدر الله أو أن يتم ضبطها و السياره تعتبر من شهر واحد مضبوطه يعنى اللى هيشترى هيأخذ خير السياره.

[ahmad--ezzat]

يا خبر ابيض

سعر عالى اوى

هيا ممكن تكون تستاهل انا معرفش فى البى ام

بس 140 :((((((((((((((((

[TheBuccaneer]

فى اورجينال فى مصر كتير يا باشا وفى x6 هامان كمان اوريجينال فى مصر وفى حاجات كتير فى مصر مش نصين

حضرتك بتتحدث عن x6 و اللى من الطبيعى فيه منها فى مصر كثير جدا و غير ال x6 يوجد ال e63/64 اللى هى الفئه السادسه الكوبيه و الكابروليه و أصليه و ليست منصفه و فيه فيرارى بمصر لكن 1 أو 2 بالكثير و فيه استون مارتن سياره واحده أيضا. لكن حضرتك عندما تعرف مثلا إنه أنت ب 500000 جنيه تقدر تركب e92/93 m3 و لا تشترى واحده أصليه ب 1,400,000 جنيه للكوبيه و لا 1,900,000 جنيه للكابروليه هتوفر فلوس. مادامت السياره غير متوفره و تعتبر نادره هتجد سعرها بالتأكيد مرتفع و السبب إنه إن كانت السياره m3 أصليه هتجد صاحبها طالب سعر و همى لأنها أصليه و مش مضبوطه ولا تم تعديلها أنا اعرف واحد معه e36 328 1998 كابروليه أصليه السقف الصاج "الهارد توب" مضبوطه m3 من الخارج و الداخل بيطلب 160000 جنيه بدون تفاوض و السياره شركه من الخارج بنسبة 75% - 80% و شركه بالكامل من الداخل. فحضرتك تخيل شخص معه كوبيه m3 اصليه هيبيعها بمبلغ؟ و غير هذا إن كانت أصليه موديل التسعينات تخيل حضرتك هتكون حالة المحرك و الميكانيكا بعد كل هذه الأعوام اكيد هتكون محتاجه صيانه.

[Eslam.Elrefaey]

حضرتك بتتحدث عن x6 و اللى من الطبيعى فيه منها فى مصر كثير جدا و غير ال x6 يوجد ال e63/64 اللى هى الفئه السادسه الكوبيه و الكابروليه و أصليه و ليست منصفه و فيه فيرارى بمصر لكن 1 أو 2 بالكثير و فيه استون مارتن سياره واحده أيضا. لكن حضرتك عندما تعرف مثلا إنه أنت ب 500000 جنيه تقدر تركب e92/93 m3 و لا تشترى واحده أصليه ب 1,400,000 جنيه للكوبيه و لا 1,900,000 جنيه للكابروليه هتوفر فلوس. مادامت السياره غير متوفره و تعتبر نادره هتجد سعرها بالتأكيد مرتفع و السبب إنه إن كانت السياره m3 أصليه هتجد صاحبها طالب سعر و همى لأنها أصليه و مش مضبوطه ولا تم تعديلها أنا اعرف واحد معه e36 328 1998 كابروليه أصليه السقف الصاج "الهارد توب" مضبوطه m3 من الخارج و الداخل بيطلب 160000 جنيه بدون تفاوض و السياره شركه من الخارج بنسبة 75% - 80% و شركه بالكامل من الداخل. فحضرتك تخيل شخص معه كوبيه m3 اصليه هيبيعها بمبلغ؟ و غير هذا إن كانت أصليه موديل التسعينات تخيل حضرتك هتكون حالة المحرك و الميكانيكا بعد كل هذه الأعوام اكيد هتكون محتاجه صيانه.

انت فهمتنى غلط انا مش بقول x6 انا بقول x6 هاااااااااامااااااااااااان اصليه متور هااامان مش كيت بس انت عارف دى بكام حضرتك وانا مليش دعوه بال e92 خالص ومعرفش اذا كان فى منها ام اوريجينال او لأ بس فى ام 3 كتير e46 و e36 كتير وفى ام 5 كمان وفى طبعا نصين كتييييييييير بس فى اوريجينال طبعا مش كتير بس فى وخلاص

[pepsi007]

يا جماعه ايه واجه الخلاف هنا السعر ولا وجود السياره في مصر
١- لو السعر الراجل حر في كلامه صرف و بيطلب
٢- توافر السياره في مصر مش مهم يعني هنموت لو مش موجوده يا جماعه كبرو دماغكو و اسمعو النكته ديه
واحد دخل علي اصحابه لقاهم بيشربو حشيش ام قالهم بصوت عالي حررررررررررام عليكو ام واحد منهم رد عليه قاله و عليكم الحرام
هع هع هع هع هع هع هع

[hanyhosney]

فعلا يا جماعه القصه كلها اهتمامات يعني بالخارج الناس بتقدر موديلات ال ستينات والسبعينات من بعض الماركات والموديلات الموستانج والمريكان ماسل وهكذا القصه مش قصه في كام حته واصلي ولا لاالبي ام القديم تحديدا هوايه يعني الام فورتي اي حد يقولك تعمل اقل من 35
اهو كلام وخلاص ولا هو اشتري ولا باع وتلاقي واحد عارض حته فابريكه بره وجوه اول يد موديل 88 ولا 87 وطالب 55
وفي ال هيدفع لانه مقدرها
فخلونا منالمناقشات عديمه الجوده
ونا راي ان السعر من 125 حلو لاننا لازم نراعي برضو ان الراجل نزل ولف وتعب وال اخره
والسلام ختام

[MohamedGobran]

يا جماعه انا شايف ان السعر مناسب على العربيه دى بس ينزل شويه يعنى تخلص على 135 او 130 اخرها والاسباب دى:

1- انا واحد صاحبى عمل نفس الموضوع ده بالظبط و عارف اد ايه الموضوع ده متعب ومقرف فى الحرفيين
2- و مع احترامى طبعا للجميع كل واحد يجيب ورقه و قلم و يحسب هو لو عايز يعمل عربيه زى دى شوف هتتكلف كام....يعنى شوف انت هتشترى ال 316 او 318 الكوبيه دى بكام وشوف اصلا هتتعب اد ايه علشان تلاقى واحده نضيفه و بعد كده شوف انت هتجيب عربيه M نصين من بره و تنقل الحاجات و لا هتجيب إلى انت عايزه منها بس و العربيه النصين مش هتعملها اقل من 40,000 جنيه علشان الدولار و اليورو ضارب فوق و لو هتجيب الموتور والصالون بس حسبتها هتبقى اكتير لان السيستم الميكانيكى لو هتجيبه لوحده هيبقى ب 35,000 جنيه و الصالون والله صحابى جايبه ب 8000 جنيه والطاره ب 1000 و الاكصدام الامامى ب 1300 من غير فوجات و الخلفى ب 1000 ده حتى الباكيتات بتاعه الباب غاليه بتوع ال M ب700 جنيه وشوف بقى مصاريف تسقيط الموتور و ضبطه و العفشه و تركيب الحاجات دى والسروجى إلى هيظبط العربيه كلها من جوه و يركبلك الصالون الجديد كلها ده غير شغل السمكره لان طبعا بعد ده كله العربيه هتترش دهان سكينز و غير الاكسسورات التانيه يعنى الفوانيس ال LED ورا و الفانوس ادام بAngle eyes والعدسات

يعنى الحسبه هتكون قريبه اوى من المبلغ المعروض على العربيه ده طبعا العربيه لسه من غير ساوند سيستم ولا جنوط والجنوط لو هتجيب Ac shnitzer 18 هيعمله 8000 بالكاوتش
فإلى هيشترى العربيه ده هيتاخد كل ده على الجاهز من غير ما يتعب فيها ...... يعنى لو مثلا حضرتك هتعمل العربيه بنفسك و هتكلفك 125 و دى معروضه عليا ممكن اخدوها ب 130 او 135 هيبقى انا اشترتيت بباقى الفلوس دى تمن وقفتى و تعبى مع الصنايعيه فى الحرفيين إلى اصلا لو حسبنها بجد هتلاقيها هتوصل لل 135 دول علشان المصاريف المستخبيه زى اكلك و شربك و تنقلاتك و تدى فلوس لده زياده علشان يخلص و كده يعنى


معلومه صغيره : انا والله ما اعرف صاحب العربيه دى و لا اعرف حتى شكل العربيه إلى هو بيبعها عامله ازاى بس ده رأى لانى عارف كويس اد ايه هو تعب فى العربيه دى