يعنى أيه تعديل m5

[oct]

يعنى أيه تعديل m5 وأيه الفرق بينه وبين m3

[fahd_628]

ال M يعنى motorsport division

و دية بتبقى اعلى فئة فى كل الفئات يعنى ال 1 و ال 3 و ال 5

لكن مفيش M7

الM3 الجديدة بتبقى بمحرك 8 سلندر 4000 سى سى
ال M5 ال E60 بمحرك V10 و 5000 سى سى

و طبعا فية اختلاف فى الشكل الخارجى ما بين ال 5 series العادية و ال M5 و نفس الكلام فى ال 3 series فية اختلاف فى الشكل

تعديل M5 يعنى تقريبا متعدل شكلها الخارجى ل M5

[oct]

طيب يعنى ايه الفرق فى الشكل الخارجى والفرش والعفشه ...

[M.Alaa92]

دى صورة الm5

http://www.2012-bmw-lease.tk/wp-......./images/2009-bmw-m5-1.jpg

دى 5 series عادية

http://files.conceptcarz.com/img/BMW/BMW-5-Series-2009_Image-03-1024.jpg

اما من ناحية العفشة و كدة
وحوش ال بى ام يردو عليك

[TheBuccaneer]

طيب يعنى ايه الفرق فى الشكل الخارجى والفرش والعفشه ...

السلام عليكم

بالنسبه لكل فئة سيارات ال M فى سائر الفئات من الفئه الأولى, الثالثه, الخامسه, السادسه و صولا و أخيرا بفئة ال Z كل فئة سيارات ال M تختلف عن نظيرتها فى نفس الفئه بمعنى إن سيارات ال M3 تخلتف عن سائر سيارات الفئه الثالثه فى الشكل الخارجى من حيث شكل الأكصدامات الأماميه و الخلفيه, شكل الباكتات الجانبيه, شكل العتب, شكل الجنوط, وجود الهوايات الخارجيه (و هذه بدأت من ال E46 M3) وجود اسبويلر فى بعض السنوات, شكل الفوانيس الأماميه و الخلفيه المرايا الجانبيه, داخليا شكل الصالون و الخامات المصنوعه منه و التى تعتبر من أفضل الخامات, الإمكانيات الداخليه على سبيل المثال فى نهايات شكل ال E36 كانت السيارات من الفئه العاديه جدا كال 316, 318 إلخ... تزود بكراسى معينه و الكراسى تتحرك يدويا لكن مع فئة ال M الكراسى كانت تحكم تحريك كهربائى كالموجوده بال E46 مع طبعا وجود أفضليه عن كراسى ال E46 العاديه لأنها كراسى M و فى النهاية الأختلاف فى الجزء الميكانيكى لأنه لا يوجد و جه تشابه على الأطلاق بين النظام الميكانيكى لل M و بين النظام الميكانيكى لسائر السيارات من نفس الفئه. هضرب لك مثل هرسل لك صور لل E46 M3 و حضرتك معك تقريبا E46 و منه هتعرف الفرق و على فكره كل هذه الفروق أنت تقدر تعملها و تغيرها

E46 M3










E46 M3 engine (S54B32)

[memogensh]

فى الشكل الخارجى الاكصطدام الامامى و الخلفى والعتب و الهاويات اما الفرش فبيكون مختلف من طاره وتابلوه وعدادات اما العفشه بتاعت m5 بتكون عفشه 8 سلندر عشان اختلاف سعه الماتور والثبات

[oct]

يعنى أفهم من كده أن m3 و m5 شكل واحد لكن الاختلاف فى الاجزاء الميكانيكيه ( الموتور والعفشه ) فقط

[fahd_628]

يعنى أفهم من كده أن m3 و m5 شكل واحد لكن الاختلاف فى الاجزاء الميكانيكيه ( الموتور والعفشه ) فقط

لأ

ال m3 هية ال m بتاعت الفئة الثالثة

ال m5 هية ال m لتاعت الفئة الخامسة

[TheBuccaneer]

يعنى أفهم من كده أن m3 و m5 شكل واحد لكن الاختلاف فى الاجزاء الميكانيكيه ( الموتور والعفشه ) فقط

السلام عليكم

لأ طبعا!. ال M3 هى السياره الرياضيه للفئه الثالثه بينما ال M5 هى السياره الرياضيه للفئه الخامسه, و يجد أيضا ال M6 و ال Z M roadster كل هذه تعتبر السيارات الرياضيه لشركة بى إم دبليو. ال M3 تختلف عن ال M5 كالأختلاف بين سيارات الفئه الثالثه و الفئه الخامسه

عفشة ال M3 كانت 6 سليندر بينما كانت عفشة ال M5 8 سليندر, الأن مع ال E90 M3 series و ال E60 M5 series فال M3 بعفشه 8 سليندر و ال M5 بعفشه 10 سليندر. هذا بخلاف قدرات المحرك و اختلافه بالتأكيد بين الفئتين بالأضافه إلى الإمكانيات الأضافيه التى موجوده بال M5 طبعا.

E39 M5




هذا مثال على ال E39 M5 حضرتك شاهد اية سياره E39 اخرى 520, 523, 525 أو حتى 530 و هتعرف الفرق هتجد أيضا أن الفارق بين ال E39 العاديه و الفئه الرياضيه E39 M5 فى الأجزاء الخارجيه كالأكصدامات الأمامى و الخلفى, فى الباكتات الجانبيه, فى شكل العتب, فى شكل و إمكانيات المرايا الجانبيه, فى شكل الجنوط و حجمها التى تزود به السياره مع نزولها. بالنسبه للداخل لشكل الصالون و التابلوه و عجلة القياده و شكل الدواسات و الخامات الداخليه للصالون و للخامات المصنوع منها الكراسى, بالنسبه للميكانيكا أيضا كال M3 فال M5 تختلف كليا عن النظام الميكانيكى لسيارات الفئه الخامسه العاديه من ال A إلى ال Z فى كل شىء و بالطبع أفضل بكثير و لا يوجد وجه مقارنه. و بالنسبه للمقارنات بين سيارات ال M فكلما كانت فئة السياره أعلى كانت أفضل بمعنى إن ال Z M Roadster أفضل من ال M6 أفضل من M5 أفضل من M3 و هكذا كلما كانت السياره أعلى فى الفئه كانت أفضل من ناحية الشكل و الإمكانيات الأضافيه و الأمكانيات بمعنى وجود ميزه أضافيه مثلا فئه عن فئه هنقول مثلا مثلا يعنى إن ال M3 قد لا تكون بمثبت سرعه و تكون هذه الميزه بال M5 و أنا قولى على سبيل المثال و ليس حقيقى :) أرجو أن تكون وصلت إليك المعلومه و ثق أن اية سياره M و إن كانت قديمه أفضل من اية سياره جديده يعنى ال E36 M أفضل حتى من ال E90 العاديه ولا يوجد و جه مقارنه على الأطلاق إلا ب M أو فئه كبيره مثلا ك E90 330i أو 335i مثلا لكن لا تقارن ب 316 أو 318 أو 320 أو حتى 325 لا فى ال E90 و لا فى E46 و أنه ايضا عند المقارنه بين ال M3 و اية سياره من الفئة الخامسه العاديه كال 525 مثلا هتكون فى صالح ال M3 أيضا. هذا من وجهة نظرى الشخصيه لكن هناك طبعا أراء أخرى قد تكون متفقه فى بعض النقاط معى و مختلفه فى البعض الأخر و لكل وجهة نظره التى تحترم :)

[TheUnknown]

يعنى أفهم من كده أن m3 و m5 شكل واحد لكن الاختلاف فى الاجزاء الميكانيكيه ( الموتور والعفشه ) فقط

لا الm3 التعديل الرياضى ل Series 3 اما ال M5 ال تعديل الرياضى ل Series 5.

:E46 Normal


:E46 M3


:E90 Normal


:E90 M3



اما ال M5:

:E39 Normal


:E39 M5


:E60 Normal


:E60 M5


طبعا المواتير مختلفة فى كل موديل:

:Series 3
:E46

:E90/92

:Series 5

:E39

:E60

[oct]

خلاص وصلت ... وعقبال ما تكون عربيتنا كلها m