ارجو المساعدة في تركيب تكييف ل316 موديل 1996

[twinlap]

السلام عليكم ورحمة الله وبركاته
انا يا جماعة قدامي عربيه bmw 316 موديل 1996 وبصراحة العربية تحفة بس مشكلتها الوحيدة انا استيراد المانيا وطبعا زي ما انتو عارفين الي بتيجي من المانيا مش فيها تكييف مجرد سخان بس
هل ينفع اخدها واركبلها تكييف كامل بكل حاجته وممكن اعمل ده فين ؟ وتقريبا تكلفته كام ؟ وهل بيكون زي العربية الي بيكون فيها تكييف اصلا ولا كفائته بتكون اقل ؟
معلش يا جماعة انا مطول عليكو بس هو صاحب العربية بيقولي ان الموتور الي فيها m430 الي هو جنزير واحد
طبعا انا اول مرة افكر اني اشتري bmw ومش عندي خلفيه في العربية دي ؛ هل هو ده الموتور الي موجود عادي في مصر او بمعني ادق هلاقي قطع غيار الموتور ده ولا علشان العربية استيراد بيكون فيها اختلاف في حاجة ؟
وقطع غيار العربية دي عاملة ايه يا جماعة طبعا انتو عارفين ان الشائع في مصر ان قطع غيار الbmw مولعة بس انا شفت هنا في المنتدي ان اسعارها مش عاليه اوي يعني ؛ انا كنت راكب افبو هاتشباك موديل 2009 بس الحمد لله لسه بايعها وناس طبعا بتقولي تبقي راكب 2009 وتركب 1996 !!! بس بيتهيقلي bmw موديل 96 برقية عربية كوري موديل 2009 صح ولا انا الي فهمته غلط ؟
ياريت ياجماعة حد يفيدني في الموضوع ده واكون شاكر جدااا

[medo20000]

اولاً ياباشا إسمحلى احييك إنك فكرت التفكير ده لانك هتلاقى فرق شاسع من حيث القوة والمتانة والثبات و,..........إلخ

طبعاً توكل على الله ولكن نصيحتى حاول تدور على e36 تكون مكيفة جاهزة علشان ماتتضمنش إيه اللى ممكن يطلعلك وإنت بتركب التكييف ...وكمان لانى سمعت إنه بيتكلف حوالى 5 الاف جنيه ومش عارف الرقم ده صح ولا غلط

قطع الغيار أظن إنها هتكون زى الافيو إن ماكانتش أرخص ولكن الفرق أنها أطول عمراً ..............

[TheBuccaneer]

السلام عليكم ورحمة الله وبركاته
انا يا جماعة قدامي عربيه bmw 316 موديل 1996 وبصراحة العربية تحفة بس مشكلتها الوحيدة انا استيراد المانيا وطبعا زي ما انتو عارفين الي بتيجي من المانيا مش فيها تكييف مجرد سخان بس
هل ينفع اخدها واركبلها تكييف كامل بكل حاجته وممكن اعمل ده فين ؟ وتقريبا تكلفته كام ؟ وهل بيكون زي العربية الي بيكون فيها تكييف اصلا ولا كفائته بتكون اقل ؟
معلش يا جماعة انا مطول عليكم بس هو صاحب العربية بيقولي ان الموتور الي فيها m430 الي هو جنزير واحد
طبعا انا اول مرة افكر اني اشتري bmw ومش عندي خلفيه في العربية دي ؛ هل هو ده الموتور الي موجود عادي في مصر او بمعني ادق هلاقي قطع غيار الموتور ده ولا علشان العربية استيراد بيكون فيها اختلاف في حاجة ؟
وقطع غيار العربية دي عاملة ايه يا جماعة طبعا انتو عارفين ان الشائع في مصر ان قطع غيار الbmw مولعة بس انا شفت هنا في المنتدي ان اسعارها مش عاليه اوي يعني ؛ انا كنت راكب افبو هاتشباك موديل 2009 بس الحمد لله لسه بايعها وناس طبعا بتقولي تبقي راكب 2009 وتركب 1996 !!! بس بيتهيقلي bmw موديل 96 برقية عربية كوري موديل 2009 صح ولا انا الي فهمته غلط ؟
ياريت ياجماعة حد يفيدني في الموضوع ده واكون شاكر جدااا

هل هذه السياره مع شخص يدعى "أمير" و هو شاب و مضبوطه m3 بالكامل من الخارج. إذا كانت هى فأنا شاهدت هذه السياره من سنه مضت و كانت لى بعض الملاحظات عليها لكن بما إن المشاهده كانت من سنه مضت مش متذكر بالضبط ما هى الملاحظات لكن تفقد جيدا الشنطه و منها المكان الموجود به الجنط الأستبن و تفقد جيدا الحوض الأمامى خصوصا الجه الشمال. و ثمن تركيب تكييف التاتش هيكلفك كثير عالعموم ما لا يقل عن 3000 - 5000 جنيه لأنه هيكون فى أشياء تشتريها و ثمن تركيب يعنى جزء جهاز التحكم فى التكييف الخارجى فقط الموجود بالتابلوه ب 800 جنيه استيراد.

هو المحرك ال m43 هو المحرك الموجود بال e36 منذ عام 1994 تقريبا و هو محرك جيد. بالنسبه لأسعار قطع الغيار فهى معقوله جدا هعطى لك بعض الأمثله من قطع الغيار. اولا سعر المحرك ال 1600 سى سى + الفتيس المانيوال ب 3500 جنيه, سعر زوج الفوانيس الأماميه ب 600 جنيه استيراد, سعر زوج الفوانيس الخلفيه استيراد ب 600 جنيه, سعر علبة الدركسيون استيراد ب 1000 - 1200 جنيه "هناك من يبيعها ب 1000 و أخرين ب 1200", سعر الرفرف الأمامى استيراد نفس اللون ب 200 جنيه, سعر الكبوت استيراد ب 400 جنيه, سعر ال 4 أبواب استيراد ب 1400 جنيه, سعر الشنب الأمامى + الدبنتين لموديل 1997 "لأن الدبنتين بال 1997 أكبر من الموديلات السابقه" ب 600 - 700 جنيه, سعر طقم العدادات استيراد ب 200 - 250 جنيه, سعر الفتيس الأتوماتيك استيراد لهذا الموديل ب 3500 جنيه, سعر الفتيس المانيوال استيراد ب 600 - 700 جنيه, سعر 2 زوج مساعد استيراد أمامى + السوست 6 سليندر ساكس ب 600 جنيه, و زوج المساعد الأمامى بلشتين 6 سليندر استيراد ب 900 جنيه, سعر زوج مساعد امامى المايلى 6 سليندر الجديد ب 1100 جنيه بدون سوست و سعر زوج مساعد أمامى البلشتين 6 سليندر الجديد ب 1400 جنيه بدون سوست, للعلم لك المساعدين الخلفى لا يوجد بهم 6 سليندر و ال 4 سليندر لأنهم واحد و فقط مجرد حوارات تجار تمام و تقريبا سعر ال 2 خلفى استيراد ب 400 جنيه, سعر عجلة القياد استيراد كامله ب 1000 جنيه, بدون إيرباج ب 500 جنيه, بدون استيبرينج "اللى هو مسئول عن الكلاكس" ب 250 جنيه, سعر الأكصدام الأمامى استيراد ب 300 جنيه, و الخلفى استيراد ب 300 جنيه, إلخ...

[twinlap]

الف شكر بجد يا جماعة علي الرد السريع بجد الف شكر علي المرور
هي العربية فعلا نازلة علي كونتكت وصاحبها الي كلمته اسمه امير ده فعلا حقيقي وهو مظبط العربية m
طيب ايه رأي حضرتك العربية دي انا لسه كنت هنزل اشوفها علشان مشفتهاش لايف ؛ بس كنت بسال علي التكييف زي ما انت شايف ؛ العربية فيها فعلا عيوب لما انت شوفتها ؟ بما انك بتفهم في الbmw فاكيد برضه نظرتك هتكون غير نظرتي خالص علشان اول مرة اتعامل اساسا مع عربية مستعمله بصراحة عربيتي الي فاتت كنت شاريها من الزيرو

وايه رأي حضرتك اكمل في الموضوع واشوفها واركب تكييف علي العربية دي ولا ادور علي حاجة تكون كاملة بالتكييف ؛ وفين احسن مكان اقدر أكشف فيه علي العربية دي ؟ من ناحية الموتور وكل حاجة ؟ علشان ابقي ضامن العربية الي هشتريها

معلش انا عارف مطول عليك يا باشا بس اعزرني انا مقلق اقع في حاجة وافضل اصرف عليها لما شوفت الناس هنا في المنتدي بصراحة بتساعد جدا وفي تشارك افكار

[twinlap]

الف شكر Medoo & TheBuccaneer علي المرور والرد السريع ربنا يستر بس والواحد ميقعش في حاجة تصرف كتير وتتعبني معاها

[seko_66]

السلام عليكم
انا متفق فى الرأى مع استاذ TheBuccaneer

لانه عنده خبرة كبيرة بال Bmw وشافها واتفرج

عليها ودور على حاجة بالتكيف افضل والله الموفق .

[twinlap]

السلام عليكم
انا متفق فى الرأى مع استاذ thebuccaneer

لانه عنده خبرة كبيرة بال bmw وشافها واتفرج

عليها ودور على حاجة بالتكيف افضل والله الموفق .

انت صح يا باشا والف شكر علي المرور والرد
المشكلة اني مش اعرف انواع المواتير في ال316 موديلات التسعينات (الدبانة) والفرق بينهم وايه الأفضل حاجة قبل موديل 95 ؟ ولا اركب حاجة 96 او 97 ؟؟
وبرضه انا قدامي عربية موديل 98 ستبترونيك ومش عارف ال98 قطع غيارها برضه رخيصة زي الموديلات الي قبلها ولا أغلي علشان شوفت هنا في المنتدي موضوع بيتكلم علي ان قطع الغيار رخيصة حتي موديل 97 فهل ال98 برضه رخيصة ولا غالية ؟ هي صاحبها طالب فيها 79 الف جنيه فهل السعر ده كويس فيها ولا قليل ولا كتير ؟ هي العربية كاملة ستيبترونيك ومتظبطة كويس رينجات وفوجات وفوانيس ليدات خلفيه
ياريت يا جماعة حد يفيدني في الموضوع ده علشان اعرف احسن موديل ايه هو والرخيص في قطع الغيار وتكون متوفرة وايه الموتور الكويس الي يكون فيها
والف شكر مرة تانية للناس الي مرت علي الموضوع وردت فيه

[TheBuccaneer]

انت صح يا باشا والف شكر علي المرور والرد
المشكلة اني مش اعرف انواع المواتير في ال316 موديلات التسعينات (الدبانة) والفرق بينهم وايه الأفضل حاجة قبل موديل 95 ؟ ولا اركب حاجة 96 او 97 ؟؟
وبرضه انا قدامي عربية موديل 98 ستبترونيك ومش عارف ال98 قطع غيارها برضه رخيصة زي الموديلات الي قبلها ولا أغلي علشان شوفت هنا في المنتدي موضوع بيتكلم علي ان قطع الغيار رخيصة حتي موديل 97 فهل ال98 برضه رخيصة ولا غالية ؟ هي صاحبها طالب فيها 79 الف جنيه فهل السعر ده كويس فيها ولا قليل ولا كتير ؟ هي العربية كاملة ستيبترونيك ومتظبطة كويس رينجات وفوجات وفوانيس ليدات خلفيه
ياريت يا جماعة حد يفيدني في الموضوع ده علشان اعرف احسن موديل ايه هو والرخيص في قطع الغيار وتكون متوفرة وايه الموتور الكويس الي يكون فيها
والف شكر مرة تانية للناس الي مرت علي الموضوع وردت فيه

موديلات 1996 - 1997 - 1998 بمصر كلها هى ال e36 بالخارج لأ من 1998 بالخارج هو موديل اللى نزل بمصر 1999 اللى هى ال ُe46, بالنسبه لموديلات 1996 - 1997 - 1998 بتختلف فى الإمكانيات, يعنى مثلا موديل 1996 لا يوجد بها إيرباج, موديل 1997 اصبح بها الإيرباج قد يوجد واحد فقط فى عجلة القياده و قد يكون 2 احدهم فى عجلة القياده و الثانى فى التابلوه جهة اليمين, و موديل 1998 بالضبط موديل 1997 لا يوجد فروق غير إنه قد تجد منها ب 4 إيرباج 2 كالسابق و 2 بجانب الأبواب الأماميه و هذا نادر بعض الشىء و الشائع هو الأيرباج الواحد أو ال 2 إيرباج تمام. بقية الإمكانيات كلها واحد كالفرامل الأيه بى إس و التكييف التاتش. بالنسبه لسيارة أمير أنا يوم ما شاهدتها كانت صراحة غير نظيفه و شككت ببعض الأشياء فى الأماكن التى ذكرتها لك طبعا شكى لم يجعلنى اكشف عليها عند سكمرى ثم مع احترامى الكامل له عندما تكلمت معه على جزء التكييف و التكلفيه لأنى عرفت من الأعلان قبل ذهابى بجزء التكييف و بالتالى سألت حتى يكون لدى علم بالتكلفه و كانت فى الحدود التى ذكرتها لك 3000 - 5000 جنيه و عند حديثى معه قال لى "لأ كثير ده الموضوع كله يتكلف 2000 جنيه" و وجدته مع احترامى له طبعا بيقول أشياء غريبه اما بدأت اسأله عن ضبط ال m3 و بصراحه شككت فى إنه يكون مركب فايبر جلاس للأسعار المنخفضه اللى قال لى عليها, يعنى قال لى كراسى ال m3 ب 5000 جنيه من سنه مضت طبعا كلام غريب, و الجنط بصراحه اللى كان بالسياره كان نوع غريب و شكله غريب و لم يعجبنى بعض أشياء, المهم إذا كانت موديل 1998 التى تتحدث عنها هى ذات اللون النبيتى السياره جميله ما شاء الله, إن لم تكن هى فبما إنك بتشترى بى إم دبليو فحاول قدر الإمكان معك مبلغ س جنيه شوف كل سيارات البى إم دبليو موديلات 1997 فيما تفوق اللى تقدر تشتريها بالمبلغ س اللى معك على أساس تكون شاهدت الكل و اشتريت الواحده الأفضل بينهم أو على الأقل التى اعجبتك تمام.

[Mik_t4]

بصراحة لو مكانك والعربية نضيفة مش هفكر اصلا اشتري ولا لا