عاوز مركز صيانة كامل زى التوكيل كدة

[boozoo2010]

اكيد فى مراكز صيانة كاملة و محطرمة انا سمعت مثلا عن حد اسمو صبحى سند بيقولو كويس انا نفسى فى حد زيو كدة بس متخصص bmw اكييد فية دلونى يا شباب مع الشكر

تم دمج الموضوعين معاً

الرجاء عدم عمل أكثر من موضوع بنفس المحتوى كما تنص قوانين المنتدى
مشرف عام 2

[BMW5260]

متابع بإهتمام للإستفادة

[mohamedkhamis]

و انا كمان نفسى الاقى مركز متجرب قبل كده و يكون فاهم مش بهرجه و سعر عالى على الفاضى.

[boozoo2010]

انا سمعت عن واحد اسمو ميدو بيرفورمنس بس مش عارف دة اية ورشة كاملة ولا اية و هو مشهوور جدا فى الحرفيين لو حد يعرفو يرات يفدنا مع خالص الشكر

[M.Alaa92]

تقريبا ميدو بيرفورمنس للتعديل فقط مش مركز صيانة

[BMW5260]

هو مافيش حد ولا إيه

[maskeen]

منصور!

جسر السويس خلف قسم عين شمس بعد كوبرى التجنيد القديم وانت جاى من روكسى

ده مشهور جدا جدا على مستوى القاهره كلها...لا يتعامل الا فى البى ام

[semonmak]

ميدو برفورمانس ده بتاع شغل سمكرة ورش وتعديلات
اما لو عايز ميكانيكى أنا عن نفسى بروح لمنصور هو راجل 10/10 فى الصنعه
بس ما تسيبش عربيتك وتمشى لازم تقف جنبوا لان الصنايعية عندوا بيستعبطوا احيانا
ويقولك على حاجات المفروض تتغير وهى مش بايظة وبقولك احنا غيرناها

[BMW5260]

سمعت عن واحد أسمه الشيخ طارق فوزي عند كوبري الجيش الجديد عند منطقة اربعة ونصف طريق الرحاب

[MohamedGafar]

ميدو برفورمانس ده بتاع شغل سمكرة ورش وتعديلات
اما لو عايز ميكانيكى أنا عن نفسى بروح لمنصور هو راجل 10/10 فى الصنعه
بس ما تسيبش عربيتك وتمشى لازم تقف جنبوا لان الصنايعية عندوا بيستعبطوا احيانا
ويقولك على حاجات المفروض تتغير وهى مش بايظة وبقولك احنا غيرناها

+++++++11111111111111111111111

[BMW5260]

منصور!

جسر السويس خلف قسم عين شمس بعد كوبرى التجنيد القديم وانت جاى من روكسى

ده مشهور جدا جدا على مستوى القاهره كلها...لا يتعامل الا فى البى ام

هل هو مركز متكامل عنده أجهزة كشف زي التوكيل بحيث اللي يشتري عربية يكشف عليها عنده وتقاريره موثوق فيها

[maskeen]

هل هو مركز متكامل عنده أجهزة كشف زي التوكيل بحيث اللي يشتري عربية يكشف عليها عنده وتقاريره موثوق فيها

iهو عنده كل الاجهزه وبيكشف زى التوكيل بالضبط...انما لا اعتقد انه بيديك تقرير مكتوب..هو ممكن يقولك كل اللى ف العربيه شفوى كده

وهو على فكره سمعته كويسه جدا ومعروف لراكبى البى ام القدام على مستوى القاهره

[BMW5260]

iهو عنده كل الاجهزه وبيكشف زى التوكيل بالضبط...انما لا اعتقد انه بيديك تقرير مكتوب..هو ممكن يقولك كل اللى ف العربيه شفوى كده

وهو على فكره سمعته كويسه جدا ومعروف لراكبى البى ام القدام على مستوى القاهره

وأسعار الكشف والصيانة عنده إيه حررررررراق ولا في الطبيعي

[maskeen]

بص..انا ماتعاملتش معاه غير مره واحده وكنت رايحله بتوصيه من زبون قديم عنده (اصله عايش ف دور الخبير الاجنبى)..حط العربيه على الكومبيوتر وبص على الموتور وربع ساعه وقاللى العربيه زى الفل الف مبروك...ومارضيش ياخد فلوس..بس انا اديته 100 جنيه قولتله عشان الصبيان واخدهم

ماعتقدش ان الموضوع مستاهل اكتر من كده..الا لو انت عندك شكوك ف حاجه معينه والعربيه هاتترفع وقصص..انا كنت فاحص البودى والشاسيه عند سمكرى ثقه معرفه قبل ما اروحله..وكنت رايحله يكشفللى على الموتور وبس

[farahat]

هو حضرتك عايز تكشف على موديل إيه ؟ ، لو موديل حديث e90 أو e60 أو x3 على سبيل المثال ، محتاج حد فاهم قوي مش مجرد كشف موتور وشاسيه لأن الإلكترونيات في العربية دي أكتر من الميكانيكا ، وتكاليف تصلحها لو فيها مشكلة لا قدر الله أغلى من تكاليف تصليح مشاكل العفشة والموتور . فمحتاج تكشف عند حد عنده جهاز فحص متخصص bmw وكمان يكون فاهم في الحاجات دي كويس عشان يعرف عيوبها