BMW 330i

[Ahmed Hassan]

كل سنه و انتم بخير و رمضان كريم.
كنت عايز اعرف عربيه بالمواصفات التاليه تساوي كام؟
موديل 2011 - 330i (مش performance package)
العربيه ماشيه 17000 كم و حالتها ممتازه

شكراً

[ahmedbasto]

ممكن مثلا 400 الف او 398 وممكن اقل يس انت بتقول حالتها نظيفة وكمان دى موديل السنة

[ahmedsadek82]

كل سنه و انتم بخير و رمضان كريم.
كنت عايز اعرف عربيه بالمواصفات التاليه تساوي كام؟
موديل 2011 - 330i (مش performance package)
العربيه ماشيه 17000 كم و حالتها ممتازه

شكراً

في حدود 330 الف , في واحده في contactcars ماشية 40000كم مطلوب فيها 310 , هي خرافة طبعا بس تقسلة في البيع عشان كده بتنزل

[Waleed_Fathy]

في حدود 330 الف , في واحده في contactcars ماشية 40000كم مطلوب فيها 310 , هي خرافة طبعا بس تقسلة في البيع عشان كده بتنزل

حضرتك دية موديل 2009 المعروضة لكن الراجل بيقول 2011 مع فرق مش قليل فى الكيلوا متر
اضافة الي ان سعر العربيه جديده فوق ال 400 الف

[fahd_628]

كان فية واحدة بتتباع على 280 قدامى فى معرض والله ! بس كانت 2009 تقريبا

حالتها كانت كأنها جديدة والله و كانت ماشية حاجة و اربعين

[minicooper20]

300 الف لانها 2011 بس

[Ahmed Hassan]

300 الف لانها 2011 بس

يعني العربيه تخسر 108000 في 17000كم و هيه موديل السنه؟ مش شايف انه كتير شويه؟!!

[farahat]

أي عربية في الدنيا لما تتباع في أول سنة بتنزل 15% تقريباً من سعرها ، كل ما سعر العربية علي كل ما كان الرقم دة أعلى .
العربيات العالية قوي بتنزل أكتر أحياناً ، عشان إلي بيشتريها في الحالة دي يفضل إنه يجيب زيرو إذا ماكانتش المستعملة هتوفر معاه جامد ، يعني بالعربي كدة لو حضرتك معاك 350 ألف تجيب العربية دي مستعملة ولا تكمل كمان 50 وتجيبها زيرو ؟
هي دي الفكرة إلي بتحكم السوق ، زائد كمان مبدأ العرض والطلب عشان دي 3000cc ، الطلب عليها قليل جداً وبالتالي بتنزل كمان زيادة .


أعتقد السعر العادل للعربية دي ما بين 300 و-330 ، حسب حالتها وظروف استعمالها وكمان فيها رخصة وتأمين والحاجات دي ولا لأ .

[BMW5260]

أي عربية في الدنيا لما تتباع في أول سنة بتنزل 15% تقريباً من سعرها ، كل ما سعر العربية علي كل ما كان الرقم دة أعلى .
العربيات العالية قوي بتنزل أكتر أحياناً ، عشان إلي بيشتريها في الحالة دي يفضل إنه يجيب زيرو إذا ماكانتش المستعملة هتوفر معاه جامد ، يعني بالعربي كدة لو حضرتك معاك 350 ألف تجيب العربية دي مستعملة ولا تكمل كمان 50 وتجيبها زيرو ؟
هي دي الفكرة إلي بتحكم السوق ، زائد كمان مبدأ العرض والطلب عشان دي 3000cc ، الطلب عليها قليل جداً وبالتالي بتنزل كمان زيادة .


أعتقد السعر العادل للعربية دي ما بين 300 و-330 ، حسب حالتها وظروف استعمالها وكمان فيها رخصة وتأمين والحاجات دي ولا لأ .

بالفعل الكلام دا مظبوط وممكن عشان تريح نفسك تسعرها عند معرض يكون شغال في الموديلات العالية ديه وبالتوفيق إن شاء الله

[raouf]

انصحك بتمنها هات الفئة الخامسة افضل بكثييييييييييييير
او مرسيدس 240 مثلا
هى مش هاتبقى رياضية زى ما انت متوقع الرياضى منه 335 توين تربو دى سعرها يعدى 800 الف جنيه
يبقى بسرها تركب عربية اكبر بكماليات وامكانيات اعلى

[farahat]

انصحك بتمنها هات الفئة الخامسة افضل بكثييييييييييييير
او مرسيدس 240 مثلا
هى مش هاتبقى رياضية زى ما انت متوقع الرياضى منه 335 توين تربو دى سعرها يعدى 800 الف جنيه
يبقى بسرها تركب عربية اكبر بكماليات وامكانيات اعلى

لكن موديل أقل ، يعني ممكن بنفس السعر يجيب واحدة 530i ، وهيكون نفس الموتور وتقريباً نفس الكماليات ، لكن موديل 2005-2006 عشان تكون في نفس السعر .

[raouf]

لكن موديل أقل ، يعني ممكن بنفس السعر يجيب واحدة 530i ، وهيكون نفس الموتور وتقريباً نفس الكماليات ، لكن موديل 2005-2006 عشان تكون في نفس السعر .

لا مش قوى كده لان سعر ال330 على الزيرو يقترب من سعر ال530 تقريبا وحتى نفس القيمة الجمركية يعنى اعتقد والله اعلم ( خبرتى قليلة باسعار اليارات فى مصر ) ممكن يركب سى 300 موديل 2009 مثلا ب300 الف او بى ام 530 موديل 2008 وممكن باقى الاعضاء اللى يعرفوا فى الاسعار يصصحوا السعر

[CryptonX]

مشكلة العربية دي و الي بتخلي الناس بتعد عنها
نفس مشكلة ال c280

الترخيص تقريبا من 28 الى 32 الف جنيه كل 3سنين !

يعني 32 الف جنيه كل 3 سنين بيتسرقوا منك لاننا عارفين اخرتهم فين ..ز

[Ahmed Hassan]

انصحك بتمنها هات الفئة الخامسة افضل بكثييييييييييييير
او مرسيدس 240 مثلا
هى مش هاتبقى رياضية زى ما انت متوقع الرياضى منه 335 توين تربو دى سعرها يعدى 800 الف جنيه
يبقى بسرها تركب عربية اكبر بكماليات وامكانيات اعلى

حضرتك كده بتتكلم في عربيات قديمه مش 2011. ده غير ان الفرق بينها و بين الموتور ال 35 حوالي 30 حصان بس و كمان الموتور ده في مصر مش موجود غير في الفئه الخامسه. و على فكره الفرق بين سعر الفئه التالته و الثالثه كبييييييييير.

[farahat]

لا مش قوى كده لان سعر ال330 على الزيرو يقترب من سعر ال530 تقريبا وحتى نفس القيمة الجمركية يعنى اعتقد والله اعلم ( خبرتى قليلة باسعار اليارات فى مصر ) ممكن يركب سى 300 موديل 2009 مثلا ب300 الف او بى ام 530 موديل 2008 وممكن باقى الاعضاء اللى يعرفوا فى الاسعار يصصحوا السعر

سعر ال-330 زيرو حوالي 420 ألف ، وسعر ال-530 زيرو (بس طبعاً الشكل القديم لما كان بينزل ، يعني لحد 2009 لأن الشكل الجديد فيه 528 فقط ) كان حوالي 700 ألف ، أعتقد كدة السعر مش قريب خالص :)
لو السعر كان قريب كان كل الناس جابت الفئة الخامسة وسابت الفئة التالتة، ولا إيه ؟ :)


ولو هيركب ك يبقى هي هي الفئة التالتة ، نفس الفئة ونفس السعر تقريباً ، مع تميز كماليات وموتور ال 330 ،وتميز المرسيدس في الراحة والنعومة .


530i موديل 2008 بالتعديل الجديد لن تقل عن 360-380 ألف . ومش موجودة أصلاً في السوق كتير ، نادرة جداً .